طلب - مساعده ترتيب رحله صيد

[د.سليمان المس]

السلام عليكم ورحمه الله وبركاته

انا من اشد المتابعين لخيمه الصيد في افريقيا

وجزمت اني اسافر للصيد

ابغى فزعتكم
اجازتي اقدر اخذها ما بين شهر 8 الى نهايه شهر 11 ميلادي لمده 15 يوم
الصيد ابغى قميري - حباري - و غزلان ....
احسن دوله ؟
احسن مكتب؟
احسن شهر؟


علما ان الميزانيه مفتوحه آهم شي استانس وتكون الرحله كوووول ولم اسافر لصيد سابقا !

[عناز الحره]

وعليكم السلام ورحمة الله وبركاته
الله يحييك ياسليمان

[د.سليمان المس]

يا هلابك والله يا عناز الحره

[مقدور]

وعليكم السلام
ويالله ان تحييه
بالنسبه لثلاث صعبه بهاالتاريخ
لكن لو خليتها حباري وغزلان ممكن وعندك بهالتاريخ ارشح تنزانيا وجنوب افريقيا

[آل مهدي]

ياهلابك يادكتور

وعليكم السلام

اقووول خذني معك تكفى

اعزب لك واطبخ لك وارتب لك كل شي والتذكره حقتي عليه

هاه وش قلت

تراني عاطل وصامل

:good2:

[د.سليمان المس]

هلا اخوي مقدور
اذا اخترنا تنزانيا
وش افضل مكتب ؟ يرتب من الالف للياء ، منطقته حلوه ، ويكون مجرب من احد الاعضاء


اخوي ال مهدي
الله يحيك

[مخاوي الليل1]

السلام عليكم ورحمة الله وبركاته


اخوي واستاذي / سليمان


( وجهة نظر )


اشوف شهر 10 احسن لك يكون الجو احسن


انا ارشح السودان وان شاءلله اخواني اهل خبره في السودان مايقصرون معك


والله يوفقك تروح وترجع بالسلامه ان شاءلله



اخوك


مخاوي الليل

[محمد كجيك]

هذا التوقيت بالذات أرشح لك السودان، لنه بعد نهاية الربيع ، والخضرة تعم الأرض والصيد شبعان من المحاصيل الزراعية يعني شحم ولحم، فقط عليك بذوي الخبرة الذين سافروا هناك أكثر من مرة ليدلكوك على المكاتب.
خلال هذه الفترة لصيد الغزلان بيكون في الغرب، أما صيد الطيور بيكون في الوسط والشمال.
المناطق: الغزلان ( كوستي ، الدمازين، أبوجبيه) منطقة جميلة جدا، في الشمال ( عطبرة ، أبو حمد ،شندي )كذلك بها غزلان، أما الطيور فتوجد في الشرق كما الغزلان ( القضارف، الدندر)

[د.سليمان المس]

وعليكم السلام ورحمه الله وبركاته
مشكووور اخوي مخاوي الليل ، محمد كجيك
السودان حلوه لكن هل فيها سياحه مثل تنزانيا ؟
وهل استطيع اجمع صيد غزلان و طيور في منطقه واحده او على الاقل قريبات من بعض (يعني سفره وحده)
اقدر اخلي واحد هناك يرتب لي من الى ؟ او احجز من مكتب قبل ما اروح؟ (و ما هو آفضل مكتب يكون سوبر ستارز)


ومشكووووورين مقدما

ما لنا غناه عنكم ....

[ألأطلسي]

اخوي حياك تبي العلم اللي يجمدعلى الشارب وخصوصا المقناص في الوقت اللي انت حددت
عليك بتنزانيا خضاروامطاروامان
القميري ليس وقته
لكن تنزانيا تبي تلقى اللي يطرب القلب
واذا تبي الوناسة واعلوم الرجال اللي تنومس
عليك بخوة مشرفنا الغالي ابوعبدالله لتنزانيا وابشربعزك
وبامكانك مراسلته على الخاص ولوتبي مساعدة ابشرطال عمرك تراي قنصت تنزانيا
بس ماراح تلقى مثل ابوعبدالله النداوي وجرب ماراح تندم

[قلايد الخيل]

الله يسهل دربك
بس وش لون يعني طلعه كوول؟

[ابواحمد2012]

والله اني اتمنى أن ارافقك في هذا الوقت الى تنزانيا كما ذكروا الاخوان .

[د.سليمان المس]

هلا اخوي الاطلسي والله والنعم وسبعه انعام بالنداوي

اخوي قلايد الخيل اقصد ماابي مكتب مو كويس ابي مكتب ممتاز سياراته حديثه مابي اجلس يوم متعطله السياره .....ومن كذا يعني

هلا اخوي ابو احمد
ياهلابك وهاذي الساعه المباركه


وننتظر عشاق ديار السودان ليخبرونا بما لديهم ...

[ارحبو2012]

موفقـــــــــــين بس لاتنسون لاجيتو ان شاء الله هاتو معكم غزال تهريب وعشو مشرفين واعضاء مكشات يستاهلون الدسم والله :good2: الله يسعدكم ويستر عليكم بالغربه .

[سعد الحشاش]

هلا وغلا أخوي سليمان
أنا رحت رحلة صيد قبل، وكانت أجمل رحلة في حياتي... غزلان وأرانب وطيور منوعة... وأنا أرشح لك جنوب أفريقيا.. من أجل التنوع... ومناسبة الوقت إلى 11 ميلادي...أي فصل الشتاء هناك.. وهو الموسم الأفضل للصيد.. لأن ورق الأشجار طايح بها الفترة.. وتصبح رؤية الطرايد أفضل..وعندي رحلة قريبة في 9 يوليو إلى تنزانيا. لمزيد من التواصل... shsh2020@gmail.com
أو الخاص.. سلمت ودمت..

[د.سليمان المس]

هلا آخوي ارحبو٢٠١٢ نحاول ان شاء الله نهرب لكم غزال والله ويستاهلون اعضاء مكشات كل خير بس لازم تعرفلنا احد بالجوازات (:


هلا آخوي سعد والله لي الشرف اني اكون معك ومع المجموعه الطيبه
تنزانيا بشهر يوليو كويس الصيد فيها ؟ كيف الجو ؟
وشكرا اخوي

[HAMAD999_888]

دكتور سليمان برسل الان لك رقم اخونا النداوي له خلفيه تامه برحلات تنزانيا وغيرها ويرتب رحلات للاخوان بالمنتدى من باب الفزعه والتشجيع ونعم فيه ابو عبدالله وفيك وفي الاخوان

[الصياد عكرمة]

يا اخ د سليمان ممكن تصبر لي الي اخر الشهر عشان انا حالين عندي اختبارات بيها انا حانزل موضوع عن رحلات الصيد وكل مايلزم

[o-o-o-o]

ممكن اخويك عاطل والله مغرم بصيد اذا ممكن ردلي وعطيك رقمي تكفي ياذيب ابشر بالي يطربك بوردي رقم1

[zoom zoom]

ياليت ياخوي HAMAD999_888 ترسلي رقم النداوي او سيف الرعد
ابي رحلة لاثيوبيا او اارتيريا او حسب توفر الصيد والامان تكفى لاتنساني

[د.سليمان المس]

دكتور سليمان برسل الان لك رقم اخونا النداوي له خلفيه تامه برحلات تنزانيا وغيرها ويرتب رحلات للاخوان بالمنتدى من باب الفزعه والتشجيع ونعم فيه ابو عبدالله وفيك وفي الاخوان

الرقم وصل شكرا


ممكن اخويك عاطل والله مغرم بصيد اذا ممكن ردلي وعطيك رقمي تكفي ياذيب ابشر بالي يطربك بوردي رقم1
(:


ياليت ياخوي HAMAD999_888 ترسلي رقم النداوي او سيف الرعد
ابي رحلة لاثيوبيا او اارتيريا او حسب توفر الصيد والامان تكفى لاتنساني

بعد اذن اخوي حمد الرقم تحصله بالملف الفديو في اليوتيوب
[/CENTER]DSirGjmtTJA[QUOTE]

[د.سليمان المس]

يا اخ د سليمان ممكن تصبر لي الي اخر الشهر عشان انا حالين عندي اختبارات بيها انا حانزل موضوع عن رحلات الصيد وكل مايلزم


الصياد عكرمه
موفق بالاختبارات وفالك النجاح و التفوق ونبيك تصيد الدرجات من رميه وحده (:
نحن في الانتظار .........

[مشتهي الصيد]

الله يوفقك..
والله يجيب اليوم اللي اقنص فيه افريقيا..
حدي ضبان في هالديره.
بس بيجي اليوم ان شاء الله اللي اخاوي فيه النداوي.

[الهيض]

الله يوفقك بالصيد الطيب
والله انا اشوف تنزانيا كويسه
حسب ماقرأ من تقارير الاعضاء اللي راحو لها

لكن انا والله حدي السعوديه بس

بس ياليت اروح لافريقيا واقنص الحبروو