تغيير حجم الامبير لبطارية الدينالي

[قلقانش]

السلام عليكم ورحمة الله وبركاته

اسعد الله مسائكم بكل خير

عندي استفسار للاخوان واتمنى يفيدوني فيه

كلنا نعرف ان لكل سيارة امبير مخصص لها وحجم بطارية خاص فيها

الملاحظ عندي ان سيارتي نيسان باترول لكن المكينه للدينالي 6 لتر

طبعا بعد ما استخدمت السياره وبديت بمشوار طويل من التصفيات

حسب الاتي /

صفايات بنزين
طرمبة بنزين بي ام
اسلاك بواجي بواجي تنظيف ثروتل
تنظيف بخاخات

وكل شي يخص المكينه تم تجديده

ولكن الا الان السيارة فيها تفتفه بسيطه وضعف

اشرت هالموضوع على احد الاخوان وجاء فحص السياره وكشف عن البطارية

قالي شي تافه لكن ما حقرته الا وهو

ان بطارية السيارة خاصة بمكينة النيسان وحجم بطاريته بالامبير هو 70 امبير

وبعد تغيير المكينه قالي يلزم تركب بطارية تشيل المكينه الامريكية واللي هي سعة 78 امبير


السؤال الان

هل فارق الامبير من الاعلى الى الاقل يأثر على تشغيل المكينه ؟؟؟

انتظر اجاباتكم

[ماون ماركز]

اللي تتكلم عنه تراه أمبير ساعي .. ماهو أمبير حمل

السيارة مافيها حمل يصل الى 70 أمبير ,,

لو فيها أمبير يصل الى 70 أمبير تحتاج الى كيابل مو اسلاك
5 خمس مكيفات فريون بالبيت تأخذ 70 أمبير وشف كيف مقاس كيبل البيت


عموما نقدر نعرف الوات ( القدرة ) للبطارية اللي يستهلك خلال الساعة وتنتهي

عن طريق المعادلة حقته = الفولت ضرب الأمبير = الوات ( القدرة )

12 ضرب 70 = 840 وات بالساعة

المفروض أنها تحمل أجهزة مجموع قدرتها 840 وات لمدة ساعة قبل تنتهي


والبطارية الثانية

12 ضرب 78 = 930 وات (قدرة ) خلال الساعة

960 - 840 = 96 وات

الفرق 96 وات

ما أشوف فرق كبير

تأكد من سلامة البطارية القديمة .. فقط

الفرق اللي طلع ما يسوى !!

ولا رايح تفرق معك البطارية الجديد الأ شيء بسيط . أذا كانت مشكلتك من البطارية .
أو اذا كانت البطارية القديمة خربانه .. رايح تشوف الفرق بسبب حالة البطاريتين

تحياتي

[BoOnD]

ماون كار ما شاء الله عليك الله لا يضرك


ذكرتني بايام الجامعه

[قلقانش]

طيب اخوي ماون ماركز

يعني الان مكينة الجنرال موتر اللي معروفة انها الكترونية سواء عن طريق كمبيوترها او حتى نظام كويلاتها وطرماتها

تستهلك واط مقارب لمكينة الباترول العادية اللي استهلاكها اقل منها ؟؟

هنا سؤالي

لان فيه ضعف بالتشغيل وهل سببه سعة البطارية ؟؟ << لاحد يقولي السعه مهوب مصطلح ممتاز
ترى متخرج من الثانوي قبل 12 سنه ما اذكر شي ههههههههههههههه

عافاكم الله وما برح السؤال مطروح

[ماون ماركز]

طيب اخوي ماون ماركز

يعني الان مكينة الجنرال موتر اللي معروفة انها الكترونية سواء عن طريق كمبيوترها او حتى نظام كويلاتها وطرماتها

تستهلك واط مقارب لمكينة الباترول العادية اللي استهلاكها اقل منها ؟؟

هنا سؤالي


مو المكينة لوحدها اللي تستهلك الكهرباء ..

أقصد ألأجهزة اللي على البطارية .. لمبات .. مكيف .. مراوح .. ألخ كل الأجهزة اللي تعمل بالكهرباء بالأضافة الى الكويلات اللي ذكرتها أنت ..



لان فيه ضعف بالتشغيل وهل سببه سعة البطارية ؟؟ << لاحد يقولي السعه مهوب مصطلح ممتاز
ترى متخرج من الثانوي قبل 12 سنه ما اذكر شي ههههههههههههههه

عافاكم الله وما برح السؤال مطروح

لا السعة هو المصطلح الصحيح ..

أذا البطارية ضعيفة .. لا تشتري بطارية ع طول ..

شف لك زميل .. و جرب بطارية سيارته .. عشان تحكم مائة بالمائة على البطارية

بعدها اذا تأكدت أن الخلل من البطارية .. سوي اللي تبي

يا تغير مويه البطارية وتشحنها = بتضبط اذا الخلايا الداخلية نظيفة
اذا الخلايا مو نظيفة ومستهلكة ما رايح تستفيد منها .. بترجع مثل أول

لكن نصيحة اذا البطارية قديمة .. وشفت أن بطارية سيارة زميلك أصلحت المشكلة
لا تخسر تغير ماء وشحن .. أشتر جديدة

بصراحة أنا قد صارت معي بفورد .. ما ضبطت مشاكل التفتفه البسيطة والعزم وبعض المشاكل الأ لما غيرت البطارية ..


ليه ما تفحص السيارة كمبيوتر .... بس المشكلة ما أعتقد أحد بيفحصها وهي مرهمة