مشاركة بخصوص جموس الحوض القديمة

[ملهم2011]

السلام عليكم ورحمة الله وبركاته ،

اخوي عنده جمس قديم مرمي في المزرعه مديله 83 قير عايدي 5 نمر ودبل، وانا لي فتره ادور لي واحد ولا حصلت السعر الي يناسبني.

المهم اخوي قالي خذ الجمس وصحله وانقله بأسمك بس عندي بعض الملاحظات عليه ودي اشروكم وهي:

1- المكينه تنقص زيت كل اسبوع علبه الى نص علبه.
2- زيت القير ينقص وبوه وانتي ماشي 80.
3- الدفرنس نفس الحكاية ينقص الزيت.
4- ويبيله كمبرسر مكيف.

وش افضل ورشة بالرياض تخصص جموس، ووش افضل توضيب القير او تسقيط قير جديد مع المكينة، واذا في حل عشان تهريب الزيوت ياليت تدلوني.

ومابي اطول عليكم باختصار لو ابي اصلحه كم راح يكلفني ووش المحلات الي تبيع قطع غيار اصلي.

وشكرا

[BoOnD]

للرفع


ويفيدونك الاخواااان

[ملهم2011]

شكرا اخوي انشاء الله مايقصرون

[THE KILLER]

بسم الله
بالنسبة لتهريب زيت المكينة ::

شوف الكارتير وشوف الصرة وشيك على الفلتر حق الزيت اذا يهرب زيت او لا وشيك على مبرد زيت المكينة مع اللياااات مجردة نظررة شوف اذا فيها زيت او لا

اذا كل شيء سلييم
شغل الموتر وخليه يحمى دووس بنزيين على سرعاات عالية وشوف الشكمان اذا يطلع منه دخاااان ولا لا اذا طلع دخااان يعني المكينة عندك مشنبرة ,, يعني تشرب زيييت وهاذي عندك خيارين اما توضيب واما انك تشتري وحدة من التشليح وتاكد من غطا البلوووف
ونسيت شيء واحد مهم جداااااااااااا (( صوفة المكينة الي تجي بالبكرة الكبيرة اسفل المحرك بكرة عمود الكرنك لن الي خابره انها اذا وقف الموتر فترة طويلة سنة سنتين تنشف الصوفة وتبدا تهرب زيييت شيك عليييها ممكن التهريب منها

والمشكلة حقت القير شيك على الكارتير حق القير ممكن يكون منه وصووفة القييرر بعد او الوجيييه

والمشكلة الثالثة بالنسبة للدفرنس ربما انها تحتاج الى تغير وجه الدفرنس ( القاز قيت ) ولكن لو فكو الغطا الزيت راح يخلص ومدري اسمعت انه اذا جيت تتغير زيت دفرنس يضرب عليك الدفرنس
ان شاء الله قد اكون افدتك ولو شوي

واذا انت فااااضي وعندك مساحة بالبيت او خارج البيت مو مشكلة
انزل تحت الموتر وشيك عليه بنفسك من المكينة الى الدفرنس والعمود والقير وكلشي متتاخذ منك خمس دقايق


بالنسبة للمشكلة الثانية

[THE KILLER]

واحتمال كبيييرررر من الصووفة حقت المكينة تهرب زيت وصوفة القير بوكس تهرب زييت
لن على كلامك الموتر مرمي وله فترة ومثل ماقلت لو واقف الموتر فترة يهرب من الصوفة لنها تنشف

[كايد]

شوف الشباب على الرابط اذا سمحت الادارة

http://www.gmctruckclub.com/vb/showthread.php?t=4616

[Magellan]

ولاتنسى تمر موقع جمس 502 افضل ناس متخصصين بالموديلات القديمة
http://www.gmc502.com/
مهوب شرط التسجيل ولكن تصفح المواضيع واستطراقهم للورش راح يفيدك
والله اعلم