ياشباب بفك المكينة وش تنصحون فية

[قناص الأشهب]

السلام عليكم ورحمة الله وبركاتة
الموضوع يا أخوان عندي باترول موديل 90
فيه تهريب في الطبات وعزمت أغيرها قلي الميكانيكي المكينة ذي فيها 14 طبة قلت بغيرهم كلهم قال لازم نطلع المكينة كاملة وبتكلفك 600 ريال
( فقلت خلني أسئل أعضاء مكشات عسى أحصل عندهم الشور السديد والنصيحة )
سؤالي بما أن المكينة بترفع من مكانها وش تنصحوني أغير دامها بتنفك أحسن لايخرب علي شئ وأضطر أني أفك المكينة مرة ثاني وبرضة وش الأشياء اللي أشيك عليها )
الله لايهينكم

[الا سير]

الاشياء الي لازم تتاكد منها :
1- صحن الكلتش والدسك والفحمه
2- صوفت المكينة الخلفيه اذا فيه تهريب
3- كراسي المكينه
هذا الي يحضرني وماراح يقصرون معك الشباب

[أبوعابد 22]

كراسي المكينه
وخل المكنيكي يشيك عليه اذا كان فيها شي خربان يغيره

[قناص الأشهب]

الأسير
أبو عابد 22
بيض الله وجيهكم ولايحرمكم الأجر
ننتظر باقي الأخوان

[وبل نجد]

مثل ماقال لك اخوي الاسير
وكذلك خله يشيك ع ليات الحار اللي رايحه للثلاجه لان فيه ليات اذا خربت متعب جدا تركيبها فخله يشيك عليها اذا فيها نص عمر خله يغيرها

وموفق

[abo naser 1]

السلام عليكم

الا سير , وبل نجد كلام سليم 100%

[قناص الأشهب]

لاهنتم على النصيحة وكلامكم كلة بأكتبة وأشيكة أول بأول
واللي عندة شئ يطرحة

[بدوي جنوبي]

على طريقك طرمبه الماء :)

[قناص2000]

افادوك الشباب الله يقويك ويقويهم

[قناص الأشهب]

بدوي جنوبي
قناص 2000
الله لايهينكم

[أصيل حجآ زي]

2- صوفت المكينة الخلفيه اذا فيه تهريب




http://im.gulfup.com/2011-02-10/12973306271.jpg


أخوي / الأسير
وصآحب الموضوع / قنآص


ما هو ضروري تكون الصوفة تهرّب على شآن يغيرها .


مفروض يغيرها سواء هرّبت أو لا .
لييييييييييييييييييييييييييييشششششششششششش ؟؟؟؟؟؟؟


لأنها رآيحة تهرّب نتيجة الفك والشد
وألتواء العمود بين المُحرّك والحذآف
وقت التنزيل
{{{ لا بــُد من الشــُغل الملتوي وقت التنزيل حتى الشآطر يقع فيه }}} ,

بالمرة غير جميع السيور .
وأذا سير التوقيت هو سير وليس جنزير .
ولم يسبق لك تغييرهُ من قريب فأنصحك بتغييرُه هذا الوقت .
فـــــُرصة .

[قناص الأشهب]

أصيل حجازي
الله لايحرمك الأجر
جاري العمل بالنصائح

[سفااري]

السلام عليكم

اول شي كلام اخوي حجازي والله مدري وش
ثانياً الطبات كلها 13 منها 5او 6 للزيت مالها دخل بالماء لا يضحكون عليك العمالة احترص

[قناص الأشهب]

أخوي سفاااري بيض الله وجهك كنت محتاج هذي النصيحة

[اسهيل]

مواصير الحار الي جنب اامكينه