@بشاره@ لكل من يعاني من مشكلة التكييف في نيسان سفاري

[كلي مزاجي]

يا اخوان انا اعاني من تكييف موتري السفاري من مده طويله جدا جدا المكيف مليان غاز وسير المكيف اصلي وجديد ومن الوكاله وعال العال الا اني اشكو من الهوا الحار
اليكم الحل بعد توفيق الله تعالى

لاحظت ان الكمبريسور لا يعمل ومرات يشتغل ويفصل

وجدت ان هناك مسافه كبيره بين راس الكمبريسور والبكره

رحت لفني الكهرباء وقلت عاين وعاير وضبط هالمسافه وبفضل الله المكيف ميه بالميه

[ms662]

مشاء الله
لكن تتكلم عن موديلات كم
والي فهمته من كلامك انه رجع البكره شوي لين قربها من راس الكمبريسور
اذا كان فهمي صحيح مافيه مشكلة ان السير يكون مايل
وشكرا لك

[قمرنا]

اشكرك
وياليت لو تدعمها بصور للتوضيح
بارك الله في عمرك

[كلي مزاجي]

الموتر موديل 98 شوف البكره مع السير يكونون راكبين براس الكمبريسور (الكويل) فيه مسافه بين الكويل والكمبريسور وهالمسافه ما تخلي المغناطيس يجذب الراس مع الكمبريسور فا يشتغل ويفصل قمت وعايرته واشتغل مضبوط

[كلي مزاجي]

قمرنا صدقني ما اعرف احط صور والله :)

[يالبى الهلا]

:good2:
الموتر موديل 98 شوف البكره مع السير يكونون راكبين براس الكمبريسور (الكويل) فيه مسافه بين الكويل والكمبريسور وهالمسافه ما تخلي المغناطيس يجذب الراس مع الكمبريسور فا يشتغل ويفصل قمت وعايرته واشتغل مضبوط
:good: الصراحه شغل رهيب وفكره جباره ولاتقطع مشاركاتك وافكارك اول باول:good2:

[مهزوز]

شكرا لك وجزاك الله خير على المعلومه التي قد تفيد اخوانك تقبل مروري

[السومر]

طيب هل الفراغ اللي حصل بين الكمبرس والمكره خلل أو عيب بالتصنيع لكل الكمبرسرات

[كلي مزاجي]

لا اعلم يا السومر لكن من ناحية موتري هذا العطل المسبب للهوا الحار

[al3teeq]

الله يجزاك خير
اتوقع هالمعلومه جديدة حتى على اصحاب ورش التكييف.
انا عندي كابرس اذا تعدى الثمانين فصل المكيف ومالقيت علته ،راح اشيك على المسافة اللي ذكرتها ان شاء الله
لكن المشكله وشلون اوزنه لان قاعدة الكمبروسر ثابته .

[العقارب]

لازم صور عجزت افهم
انا عندي نفس المشكله

[العقارب]

الو

للرفع