مشكلة باترول عااااااااااااااااااجل جدا94

[طرقي 555]

بسم الله الرحمن الرحيم
السلام عليكم ورحمة الله وبركاته

شباب عندي جيب سفاري بابين 94 غيرت له بلوف وخرطت الراس وغيرت طرمبة مويه وركبت مروحه اضافية والحرارة مضبوطه بس لارحت للبر وشغلت الدبل وعطيته مع الطعوس ترتفع الحراره فوق النصف واذا وقفت اسمع موية تطبخ في قربة الرديتر علما بان الرديتر جديد وكل شي جديد مااهي المشكلة

2- عندي القير نمرة الخامس لاعشقت يطلع قرة بعدين يلقم على طول مافيه مشكلة بس المشكلة القرة علما اذاعشقته بالثالث ودعست له ورفعت رجلي يفصل من النمرة واحس القير كله يتحرك من مكانه زي ماتقول مافيه كرسي قير

ارجو إفادتي بصفة عاجلة ومشكورين على كل حال

[الا سير]

بالنسبة للحراره شيك على كلتش المروحة
اما القره هذي من نحاسة القير
ارجو اني افدتك

[وجعين]

اسمع يا الطرقي انت لازم تركب بلف حراره لان الباترول لاصار مافيه بلف وزريته بنفود توصل اتش عن تجربه ون كان فيه بلف شيك على تماتيك المروحه.هذا الي عندي اما بنسبه للقره فهذي من التروس منوكله من كثر الاستعمال ويفيدونك الاخوان خاصة اصيل حجازي وبدوي جنوبي

[بدوي جنوبي]

اسمع يا الطرقي انت لازم تركب بلف حراره لان الباترول لاصار مافيه بلف وزريته بنفود توصل اتش عن تجربه ون كان فيه بلف شيك على تماتيك المروحه.هذا الي عندي اما بنسبه للقره فهذي من التروس منوكله من كثر الاستعمال ويفيدونك الاخوان خاصة اصيل حجازي وبدوي جنوبي

ان شاء الله بلف الحراره يضبط الحراره :good:

لكن مشكله النيسان بصفه عامه أذا أنخرط الراس دائما تبقي مشكله الحراره
لان الراس قطعه واحده وما يشتت الحراره بسرعه بخلاف محرك راسين .

بالنسبه لأرتفاع الحراره في الطعوس طبيعي تزود درجه الحراره
لكن ليس لدرجة انها تفور المويه
عموما أرجع تأكد من اوتماتيك المروحه وايضا ترتفع الحراره بطريقة قيادتك في الطعوس


والقير أذا صارت التروس فيها تآكل القير ما يلقم مضبوط ويفصل اذا لقم

[طرقي 555]

طيب ياخوان لاهنتو وش الحل في القير وكم يكلف شغل يد مع القطع

[سفااري]

السلام عليكم

شيك على تماتيك المروحة واذا هي كهرباءشيك عليها يمكن معكووسه

[خبايا انسان]

عندي فكرة بسيطه ,, بالنسبه لرديتر الوكاله ( نحاس ) << سريع الحراره وسريع البروده

[طرقي 555]

ياشباب كم يكلف ترس القير شغل يد مع القطع

[بدوي جنوبي]

غالبا القير أذا أنفك ما يضبط
لان الورش يغيرو التروس التالفه فقط
وهذا غلط لابد من تغيير النحاسات

[القنبله1]

هلا بالطرقي انا كان عندي نفس مشكلتك حراره ونفس موديلك سويت كل الي سويته خرط رااس وبلاوي وخساير واخر شي ........ مروحه مكيف مركبها صار مقلوب سلكها وقبل رحت لحقين المراوح ومنهم الي بورشة باترول وقال ابد سليمه وكم واحد قال ابد الرااااس وبعد الفك و الخساير رحت لم هندي كهربائي وقال اقلب السلك وظبط فاااتاكد من تشبيكت المروحه الي ركبتها

[طرقي 555]

طيب القير كم احصله مستخدم والاكم يكلف تصليحه

[عادل بن جابر]

طيب القير كم احصله مستخدم والاكم يكلف تصليحه



السلام عليكم ورحمة الله



عندي نفس المشكله بالثالث أذا عشقته فصل


وش الافضل تغيير الترس بس أو أغيره بالكامل



تحياتي

[طرقي 555]

نتمنى الاجابه

[YUKON_GMC]

بالنسبه للحراره طبيعي ترتفع مع الشد على الموتر في الطعوس خصوصاً النيسان والتايوتا والشيروكي

لكن مثل ماقال بدوي جنوبي ليس لدرجه انها تفور الميه الا إذا فيه شعر في الراس او عوج او تنسيم او خرط كثير

ودائماَ الراس أذا تم خرطه مايضبط

كان معي عدة جيوب سفاري واللي حبيته موديل 92 ابيض خليجي اشتريته نظيف ولامشي الا 70 ألف وبعته بسبب هذي المشكله حيث انشق خرطوش ولانتبهت الا الحرارة فل وبعدها خرطت الراس وركبت مراوح وسويت كل شي وعيت الحرارة تنزل عن النصف


وبالنسبه للقير .. مشكلته سهله .. لاتروس ولاشي .. هذي التروس النحاسيه اوماتسمى بالاهله تفصل بين كل ترسين من تروس التعشيق كما في الصوره باللون الذهبي وقيمتها رخيصه وماتكلفك مع الفك والتركيب 500ريال

http://www.gboxweb.com/synchroassy2.png

http://www.metuners.com/forums/attachments/561d1295295123-0205scc_projfocus06_zoom.jpg

[Magellan]

تأكد من وزن الديلكو يمكن يكون منه السبب
وعموما مثل ماقال YUKON_GMC مشكلة هالشكل الحرارة اذا جته مستحيل تروح منه خصوصا مع خرط الراس
سبق كان معي 90 وغيرت راسه ولاضبط
ونفس الحكاية توضيب ولانفع
واخرتها بالدائري طلعت لي سحابة بيضاء من قدام
مواريه تلقاه بارد وطبيعي تشغل مكيف ارتفع شوي وتكون مبسوط ماهنا خلاف ماتدري الاقابه الحرارة بدون شعور منك،،
وبرضو تأكد ان البلوف بعد التغيير موزونه
والله يسهل دربك

[طرقي 555]

لاهنتو على المعلومات طيب الخامس فيه قره لاجيت اعشق ويلقم على طول بس مشكلته القره وش المشكلة وكم تكلف