الباترول 97 مبوش نصيحتكم

[برهوش]

موتر يخلف الله يطلع دخان ازرق وينقص زيت بشكل كبير السؤال ؟

1- أوظب
2- أشتري مكينه
3- أفضل ورشة للتوضيب
4- هل 4500 تركب على موتري طبعا كلبيتر

[وجعين]

ركب مكينة لكزس هي علاج الباترول

[sgl2002]

وظب افضل

لة ان موترك جديد وبتحصل مكاين جديدة صح اقول اشتر مكينة

لكن وضب ياطويل العمر افضل لك واشتر قطع وكالة ويرجع موترك كانه ماشي صفر

ولاتنسى تغير الطبات الهلل اللي بالمكينة

واذا بغيت رجال يوظب وشغله تمام راسلني خاص

[بدوي جنوبي]

يا رجال وضبنا موديل 91 وكلف 12 الف
وبعد سنه دخن :(

[قناص2000]

الله يعينك على امرين:
الاول /التوضيب زي ماتفضل خويناsgl2002 يرجع موترك كانه طال من الوكالة طبعا القطع كلها وكاله مو ياباني اصلي لا قطع الوكاله وذا يكلف شوي وبعد التوضيب هالله هالله بالتمرين الزين والجو بارد عشان لاتلزق الحرارة براس المكينه اثناء التمرين وهذا اهم شيء . والجو بارد احسن وافضل
الثانية/ اشتر مكينه من استيراد الامارات ودو الزين منها .
والله يقويك وتقبل مروري

[يزيد 999]

انصحك تركب مكيتة لكزس 400 موديل 97_2000 مكينة حلوة وعزمه تمام وصبورة وواجد يركبونه التوضيب يبي يدبل تبدك لانه مستحيل احد يوضب وترج مثل ماكانت لازم تطلع مشاكل منه ارتفاع الحرارة العزم يختلف ظهور اصوات بالمكينة

موفق...

[وبل نجد]

مكاين اللكزس ممتازه. ف الخطوط والسفريات

اما الطعوس والشعبان والسحب فهي صفر ع الشمااال


عن تجرربه


والتوضيب افضل لك كد ومد

موفق

[ابو نايف00]

فية مكاين للبيع كم واحد شفتة عارضها للبيع
4200 او 4500 بخاخ وكربيرتر واتوقع انهم محولين لكزس عشان كذا يبيون يبعون .
اذكر عند ابو صاح التركي مكاين للبيع .
دور عند اللي يرهمون تلقى رخيص . يبي الفكة .
وشكرا

[. ذيب ساحوق]

مرحبا ومسهلا

التووضيب افضل انا موضب لي سنتين من افضل مايكون وبعض القطع ياباني درجه اولى اقل من الاصلي

بس اهم شي طرمبة زيت اصلي ووجيه اصلي وامسح الراس وادبل وجيه والله يوفقك ويزين موترك ببدع مايكون

[You Like Me]

والله انا اقول لا تحط ريال فيها
بعها وزد عليها حق التوضيب ودور لك 4500 cc افضل وارجى منها

[برهوش]

مشكورين ولا هنتو
تمرين الموتر في الصيف راح يكون متعب

[يكفيني نظرة]

احب احط في بالك نقطه :
مكينتك تعرفها وتعرف وش جاها ،،
لكن لو اشتريت وحده مستعمله ماتدري وش استخدامها هل هو نظيف والا لا..
يعني اشوف التوضيب افضل ..

[RW7..ALBDAWA]

دورلك مكينه نظيفه افحصهآ وركبهآ افضلك

لأنهآ ارخص من التوظيب بوآجد وبالمنتدى وآجد المكآين النظيفه الكل يفك مكينته وهي نظيفه ويركب لكزسس لأن الكل يبي العزم ويبي قلت الصرف بالنزين ومعروف البآترول مكينته بقره

[الشعراوي]

على كلامك يطلع دخان ازرق وينقص


كم ينقص تقريبا كل 5الاف كيلو كم علبة ؟

اذا كان دخان ازرق وماينقص الا علبه او نص علبه كل خمسة آلاف يمكن يبغالها المكينة شمبر بس وتضبط

واعمل لها تصفية كلبليتر يمكن ماتكلفك ولا 3آلاف

تحياتي

[برهوش]

النقص واجد وأنت صادق ﻻزم الميكانيكي يفك المكينه بعدين يحدد أذا شنبر وﻻ توظيب كامل

[باترول - 91]

اذا انت راعي استخدام يومي وظب المكينه او اشتر مكينه باترول نضيفه على 2500 ريال تقريبا تركب على طول واريح

لانه ما اتوقع فيه مكينه تتحمل نفس مكينه الباترول


والله يوفقك

[abo naser 1]

السلام عليكم

أخوي التوضيب الأصلي مكلف جداً اذا صار توضيب كامل بيوصل 7000 ريال ويتعداها هذا اذا الراس سليم قيمة الراس بدون التوضيب 4500 ريال

تركيب مكينة الكزس بيكلفك فوق 16000 ريال
__________________________________________________ ____

الأفضل انك تشتري مكينة نظيفة بالكامل من ها الي يفكون ويركبون لكزس وغيرة بتأخذ اخت الجديده بحدود 6000 ريال ونازل و بكامل أغراضها وممكن أقل واذا بعت مكينتك على وضعها وفرت نص قيمة التوضيب

فيه 4200 معروضة بقسم السيارات توه موظبة كامل مامشت 50 كيلو بعد التوضيب مسيوم اظن ببحر 6000 ريال بس بخاخ

واذا تبي تركب 4500 تركب بدون ترهيم على نفس الكراسي الأختلاف اظن بالثلاجة والكربريتر وباقي الأغراض كلها تركب على بعض
وانا عارض ثنتين 4200 - 4500 وهذا الرابط
http://www.mekshat.com/vb/showthread.php?t=505736 (http://www.mekshat.com/vb/showthread.php?t=505736)

[برهوش]

كم تكلف القطع للتوظيب الكامل

[سفااري]

السلام عليكم

نصيحتي وضي انا خبط علي موتري 97وظبتي وقمصته استندر كلف تقريباً8000 وتحت المرين ورشة معروفة موظبين عنده سيارتين قبل وشغلة حلووو العمالة عندي وابنه

[برهوش]

أسم الورشة ﻻهنت

[تويوتا 2010]

السلام عليكم

اخوي برهوش اذا بتوضب وتبي تكلفت القطع مع شغل اليد والمخرطة

شف موضوعي مكينة للبيع توهـ موضبة من اسبوعين تقريبا وعليها ضمان شهرين

والله ييسر امرك ويكتب لك الخير

[ذيب خزاز]

مكينة الباترول حبيبه سنتين ينقص معي ما وضبته أزيده بس والدرب اللي أنا ابي يوديني وبعته وهي تنقص واذا تبي شوري وضب مكينتك افضلك وركب قطع وكاله

[برهوش]

أذا كان التوظيب راح يلكلف 8000 ريال بعتها وزت فوقها وشريت سيارة ثانيه

[mekshaat]

كم مقدار نقص المكينه والمسافه اللي تنقص عليها بالضبط.

[برهوش]

والله ما حسبتها بالكيلو لكن تنقص واجد

[برهوش]

يعني كل أسبوعين علبه

[برهوش]

للرفـــــــــــــــع

[abo naser 1]

السلام عليكم

أخوي التوضيب الأصلي مكلف جداً اذا صار توضيب كامل بيوصل 7000 ريال ويتعداها هذا اذا الراس سليم قيمة الراس بدون التوضيب 4500 ريال

تركيب مكينة الكزس بيكلفك فوق 16000 ريال
__________________________________________________ ____

الأفضل انك تشتري مكينة نظيفة بالكامل من ها الي يفكون ويركبون لكزس وغيرة بتأخذ اخت الجديده بحدود 6000 ريال ونازل و بكامل أغراضها وممكن أقل واذا بعت مكينتك على وضعها وفرت نص قيمة التوضيب

فيه 4200 معروضة بقسم السيارات توه موظبة كامل مامشت 50 كيلو بعد التوضيب مسيوم اظن ببحر 6000 ريال بس بخاخ

واذا تبي تركب 4500 تركب بدون ترهيم على نفس الكراسي الأختلاف اظن بالثلاجة والكربريتر وباقي الأغراض كلها تركب على بعض
وانا عارض ثنتين 4200 - 4500 وهذا الرابط
http://www.mekshat.com/vb/showthread.php?t=505736 (http://www.mekshat.com/vb/showthread.php?t=505736)


عطيناك النصيحة ولا تحتار انت با الخيار

[برهوش]

جزاك الله خير

[عصاقيل الدخله]

عندي لك مكينه لكزس 400 كامل والكامل وجهه ،،، واذا تبي نجلسها لك ما عندك مشكله

[سلاطين]

نصيحه مجرب وضب مكينتك أفضل

[المسروحي]

دور لك مكينة 4500 كبليتر أفضلك وانا أخوك وخلك من شغل الترهيم وجع الراس

[قناص مزاجي]

اخي العزيز وضب مكينتك افضل لك بقطع غيار اصلي وسوف تكد معك مره اخرى


اما تركيب مكاين وترهيم لا انصحك لانك سوف تخسر على الفاضي


اما شراء مكينه مستخدمه لا انصحك لانها سوف تخرب عليك


وضب ونا اخوك ودور لك ورشه بالصناعيه القديمه


مافي زي شد البلد ونا اخوك

[برهوش]

تم وضع السيارة في الورشة للتوضيب شغل اليد 2500
وساوافيكم بانتائج أن شاء الله

وما أستغني عن نصائحكم