المساعد الشخصي الرقمي

مشاهدة النسخة كاملة : أفضل أنتل للايكووم 2100 ...برأيك ..


أبوتركي
20/06/2006, 12:47 AM
السلام عليكم ورحمة الله وبركاته ...

ودنا ياشباب تتفضلوا علينا ببيان أفضل أنتل للايكوم 2100 على السيارة ( متحرك ) .. من واقع تجربة ..وكم المسافة اللي يوصلها ... لأنه الصراحة دايم نتعب من ضعف الارسال ..

وياحبذا تذكرون لنا اسم الانتل وسعره ومكان البيع اذا حصل .. لأني مامن خبرة في هالأجهزة ..

ومشكورين مقدما ..
قناص القصيم
20/06/2006, 01:05 AM
عليكم السلام ورحة الله وبركاته /
أخوي أنا مجرب انتل *والله ماأدري وش أسمه* لكنه يبدأ بحرف D
أرساله قوي يوصل 60 أو 70 كم
وصافي بالحيل
سعره مايتعدى 30 ريال
مايقصرون الأخوان يعطوننا الاسم
أبوتركي
20/06/2006, 04:52 PM
هلابك أخوي قناص القصيم .. مشكور على المعلومة .. لكن انت تقصد الدايموند .. اللي يجي مع الجهاز ؟ والا غيره ؟
أبو فراس
20/06/2006, 05:09 PM
السلام عليكم ورحمة الله وبركاته

معقول ستين كيلومتر
جفيل
20/06/2006, 09:28 PM
لاتدور ولاتحتار لارسن الأسود ب 30 ريال

أو دايموند الصغير سعره بـ 90 ريال بس يعطيك قوه ممتازه واوقوى من اللارسن ببرجين وياصل مسافت 60 او 50 كيلوا
أبوتركي
21/06/2006, 01:23 AM
مشكور أخوي شايب سدير على المعلومات القيمة ..

تحياتي لك ..
الليث الابيض
22/06/2006, 02:31 PM
وعليكم السلام ورحمة الله وبركاته



اخوي اول شي اذا انت من سكان الرياض شف مخرج 12 عندهم اناتل زينه فيه اناتل على 120 الى 150 جيده وممتازه وتوصل تقريبا 50 كيلو تقريبا وانا مجربه


تقبل تحياتي
برنس777
23/06/2006, 04:57 PM
أخوي أبو تركي السلام عليكم ورحمة الله وبراكاته والسلام موصول لباقي الشباب :
أما عن أفضل أريل جربته فهو عطي الله ( الكومت ) سوا الاصلي أو التجاري لأني مراسل با التجاري من بريده ألى واحد ثابت يعني معه ستيشن في نفود الدخول أي تقريبا مسافة 90 كيلو ولي عنده ماعنده من خبر ممكن نطلعه على أرض الواقع . وكذلك أخوي لاتنسى موضوع الكيبل لايكون عريض زياده علشان الراجع وكذل لايكون قصير أي طويل بالمعقول علشان المداخلات وأفضل كيبل جربته هو (rg-7u )
أبوتركي
24/06/2006, 12:34 AM
مشكورين ياشباب .. الليث الأبيض .. وبرنس777 لاهنتوا وبيض الله وجيهكم ..

تحياتي لكم ..
الوسم2
30/06/2006, 02:55 PM
أخي برنس 777
السلام عليكم ممكن تصفلي لون الكيبل
هل هو أسود أو رصاصي غامق
ولو تفضلت كم يكون طول الكيبل
والسلام
برنس777
01/07/2006, 01:47 PM
خوي الوسم3 السلام عليكم ورحمة الله وبركاته :
أما عن لون الكيبل فهو رصاصي فاتح وطوله يكون يعني 4 أمتار و لاتكون ملتفه على بعض ( متعقده ) .
الوسم2
02/07/2006, 11:39 PM
أخوي ألفففففففففففففف شكر على سرعة ردك
وسرعة أفادتنا
الدرندس
11/07/2006, 01:03 PM
السلام عليكم وعندك يا الحبيب انتل الايكوم الجديد وعليه ضمان سنه ويجي مغلف في كيس انا مجربه وزين:good:
بو خليفه
11/07/2006, 01:19 PM
أفضل أنتل هو الأيكوم الأصلي ذات الكيس الأبيض 3.9dp
المهـــــاجر
12/07/2006, 08:07 AM
وعليكم السلام ورحمه الله وبركاته وبعد
أفضل اريل للارسال هو الانتنكس الصغير وقيمته 150 ريال ويليه الدايموند وهو يباع عند سكاكا سكاي
بالجووووووووووووووف ولك من ابو سلطان الشكر والتقدييير;)
راعي الكيف
12/07/2006, 12:54 PM
يابو تركي ... شف اتصالات المرسلات ...

تلقا عندهم انواع واشكال ... بس انصحك بأنتل مدري ان كانك تبي تلقاه ولا لا ... بس هو نوعه امريكي ... بس عز الله انه شقردي ... ويلحط كل اللي حولك بقوته وقوة ارساله ... واضف على ذلك انه مرن ولا يتأثر بأي شي يصطدم به ... بس بعته مع الجهاز وللاسف مالقيت له مثيل

المارية انه اسود ومقطع الانتل تراه نحاس ... ودايم يسمونه الاستيشن الامريكي لعنبو هالامريكان كل اغراضهم ضبط !!

تحياتي لك
فتى الشماليه
18/07/2006, 04:01 AM
السلام عليكم ورحمة الله وبركاته

معقول ستين كيلومتر

http://www.mekshat.com/pix/upload/images18/mk30794_cac4avk0.jpg

اخوك..,,.. فتى الشماليه
كبريت
21/07/2006, 04:58 PM
ماعرفنالكم والله

واحد يقول الامريكي المقطع هو احسن شي

وواحد يقول دايموند الصغير

وواحد يقول لارسن الاسود

وواحد يقول الانتكس الصغير

ارسو على بحر ياجماعه وش الززييين علمونا
كبريت
23/07/2006, 07:49 PM
ماعرفنالكم والله

واحد يقول الامريكي المقطع هو احسن شي

وواحد يقول دايموند الصغير

وواحد يقول لارسن الاسود

وواحد يقول الانتكس الصغير

ارسو على بحر ياجماعه وش الززييين علمونا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كبريت
24/07/2006, 03:19 PM
وينكم ياعالم

ووش الافضل القاعدة المغناطسيه ولا الجانبيه
كبريت
02/08/2006, 10:04 PM
في انتظاركم