فورد اكسبلورر ما يتعدى سرعة 30

[1بويزيد1]

السلام عليكم
عندي جيب اكسبلورر 2008 دبل الممشى 88000 كيلومتر
آخر صيانة كانت على 48000 كيلو متر
( المشكلة حصلت فجأة صار مايمشي الا 30 كيلو واذا زدت السرعة الى 40 او 50 يرتفع صوت السيارة ولا الاحظ ان القير يغيير نمر وكذلك عند رفع رجلك عن دواسة البنزين او الانعطاف يتوقف الجيب كأنك تدوس فرامل حتي لما أحطه في الN يتوقف كأنك تدوس فرامل )
وديته الوكالة قالوا نكشف عليه ب510 ريال وبعد يومين قالوا لازم نفك القير ويكلفك 1500 ريال وبعدين نشوف المشكلة وكم تكلف وعندما طالبتهم بتصليحها على الضمان قالوا لي
على مين تلعبها انت منقطع عن الصيانة توكل على الله :eek:
وخرجت السيارة من الوكالة وسوو لي خصم ودفعت 340 ريال مع انهم ما يستاهلون ولا هللة :mad:
آسف على الإطالة وأتمنى أنكم تفيدوني لأني ماني مقتنع ان المشكلة في الجير علما اني رحت لكذا ورشة بصناعية جدة وما اعطونا حل للمشكلة يقولون يمكن توظيب
والتوظيب مو بسيط يصل تكلفته لعشرة آلاف

[القصير111]

أتوقع والله أعلم أن المشكلة في الدبل وليس في القير

لو إني قريب عندك كان قابلتك

[فرخ العقاب]

والله انا سمعت مشاكل في الشكل الجديد 2012 وأن السرعة فيه ما تتعدى 160 كم . في الساعة .
وأن القير يخرب على طول .

[1بويزيد1]

بارك الله فيك اخوي القصير
فيه ورشه اسمها ديكسول طريق المكرونة مع المطار كلمتهم قالوا جيب السيارة ونفحصحها 150 ريال ونطلعلك المشكلة بس ماني مصدقهم اخاف يقولون القير

[BoOnD]

موووووووووفق اخووووووووي


الله ييسر امرك

[1بويزيد1]

موووووووووفق اخووووووووي





الله ييسر امرك



جزاك الله خير

[بدوي جنوبي]

بارك الله فيك اخوي القصير
فيه ورشه اسمها ديكسول طريق المكرونة مع المطار كلمتهم قالوا جيب السيارة ونفحصحها 150 ريال ونطلعلك المشكلة بس ماني مصدقهم اخاف يقولون القير


أفحص عندهم بدون أصلاح وشوف النتيحه
لا تستعجل في الاصلاح
ممكن تكون المشكله من القير او من حساس قير

[You Like Me]

ياخي انا استغرب من وكيل فورد
هل من المعقول ان الضمان يروح علي لإني لا اغير الزيت عندهم كل 8000 كم ؟؟
انا عندي اكسبلورر 2010 ومستغرب من ذكرهم لهذه الملاحظة في كتيب الضمان
يعني معقول السيارة جديده ولا زالت تحت الضمان ويرفضها الوكيل بحجه عدم الانتظام بالصيانه الدوريه
انا اشوف هذا استغلال عيني عينك
طيب انا مابي اغير الزيت في الوكاله يعني معقول في كل مره اجيهم يغير لي زيت وفلتر ويعبي
قربه المساحات ويعاير لي هواء الاطارات ويدفعني 500 او 700 ليه ؟
اتوقع لو خاطبت الشركه الام اخذت حقك لإن هذا كلام فاضي واستغلال من الوكيل في السعوديه
ضامن محد قايل له شي لا تجارة ولا حمايه مستهلك
وكل واحد فيهم يتشرط على كيفه ماباقي الا كل وكيل يفتح له محطه
ويقول عب بنزين واشتر اغراض بيتك من السوبر ماركت اللي في محطتنا والا رح فبليس مالك شي عندنا

[وجعين]

القير اكيد فيه مشكله لكن وشلون تحط السياره بn وتمسك فرامل ارفع السياره بعفريته وشف الكفرات يدورن ولا لا لايصير عندك رمان احد الكفرات ماسك

[AL-NaDeR]

يابعدي انتبه لايكون المنظم حق الدعسه ..
لن صارت معي بـ اكسبلور 94 "

تعلق الدعسسه ومايجي يعشق الترس الثاني اللي بعد مسافه ..
ماخليت احد ما راحت له والنهاية طلع منظم سلك الدعسه ..

والله يؤفقك .. ويسهل إمرك يابعدي ..

[أبوسعد111]

بارك الله فيك اخوي القصير
فيه ورشه اسمها ديكسول طريق المكرونة مع المطار كلمتهم قالوا جيب السيارة ونفحصحها 150 ريال ونطلعلك المشكلة بس ماني مصدقهم اخاف يقولون القير


أخي الكريم
أفحص عندهم لكي تتضح المشكلة

الأخ أبو عبدالرحمن ( أصيل حجازي ) أمتدح شغلهم خاصه لقير الامريكي بأحد مواضيعه وأنهم يضمنون لمدة سنه
أقرأ الرد رقم 14
http://www.mekshat.com/vb/showthread.php?t=352780

راسل أبو عبدالرحمن لتتأكد والإسزادة

موفق

[القصير111]

أنا عند كلامي المشكلة إما في الدبل أو في أحد الحساسات الخصة به أو بالقير

ياليتك توافينا باللي يصير معك

[white heart]

ليكون الدبل مشبوك وانت ماتدري عنه تراه حيل يثقل السيارة وتسير كأنها ماسكة فرامل وخاصة اذاكان على الخيار low4

[الزهراني55]

اخوي الحراره ترتفع او لا اذا ترتفع شيك على الدبل

[ماون ماركز]

ننتظر ردك .. نشوف وش صار معك ؟

[1بويزيد1]

أخي الكريم


أفحص عندهم لكي تتضح المشكلة


الأخ أبو عبدالرحمن ( أصيل حجازي ) أمتدح شغلهم خاصه لقير الامريكي بأحد مواضيعه وأنهم يضمنون لمدة سنه
أقرأ الرد رقم 14
http://www.mekshat.com/vb/showthread.php?t=352780


راسل أبو عبدالرحمن لتتأكد والإسزادة



موفق


الأخ ابو سعد بارك الله فيك
نقلت السيارة لجنوب جدة لأن الورش الكبيرة بشمال جدة مشابهه لحركات الوكالة تكاليف فحص ولا يعلمونك ايش بيسوون لين تدفع وانت وحظك وبعدين ترى سكينهم حادة :f

[1بويزيد1]

أنا عند كلامي المشكلة إما في الدبل أو في أحد الحساسات الخصة به أو بالقير





ياليتك توافينا باللي يصير معك

الأخ القصير اشكر اهتمامك
بعد ان تم تركيب طقم كفرات مقاس بلده صارت السيارة تمشي طبيعي وتغير طبيعي وتسارع طبيعي (لكن عند الانعطف الله لايوريك تبدأ بالتوقف خاصة عند لف الدركسون للأخير تتوقف تماماً)
المهم بارك الله فيك رحت للورشة رقم 3 بعد الوكالة وحاول يقنعني انة توظيب قير بجميع الوسائل والرجل فلبيني وخبرة ولكن لم اقتنع بكلامه
ثم رحت للورشة رقم 4 واول ماركب بالسيارة ولف الدركسون قالي عندك الدبل ياحبيبي فأخبرته بقصة الوكالة والورش السابقة فقال خل نجرب السيارة ولما جرب السيارة قالي الآن تأكدت ان مشكلتك في الدبل وليس في القير وتم تسليم السيارة لهم يوم الخميس وموعدي معاه يوم السبت اشوف ايش صار معاه
وأشكر جميع من سأل وحاول المساعدة وجزاكم الله خير

[القصير111]

أسأل الله أن تكون مشكلة بسيطة وأن يكون حلها أبسط

ولاتنسى تبشرنا

[1بويزيد1]

الحمد لله تم فك عود الدبل ب 50 ريال والسيارة رجعت طبيعية
وتوظيب الدبل يكلف 4000 ريال الله اعلم اصلحه ولا أخليه

[أبوسعد111]

(لكن عند الانعطف الله لايوريك تبدأ بالتوقف خاصة عند لف الدركسون للأخير تتوقف تماماً)




أخي أبو يزيد
ماكتبته فوق واضح ان الاشكال بالدبل
لانه إذا شغلت الدبل ودرت (ديورت) بالسيارة تمسك الكفرات الخلفيه وهذا الوضع طبيعي
وإذا فعلت نفس ذلك على الرمل ما تمسك الكفرات بل يمشي طبيعي

- أكثر الورش تكون المشكلة بسيطه بالسيارة وعلى طول يقول لك توضيب ( علماً بأن التوضيب يشمل أشياء كثيرة ) وأكثر من يقول ذلك اعلم انه فاشل بالتشخيص عن سبب المشكلة.
- أسعار توضيب الدبل بالرياض بحدود 2000 ريال ولا ينصح به لان القطع تجارية
- تبحث عن دبل من التشليح (مشمع) لم يفك من قبل وحالته سليمه يكون بحدود 3000 وهو الافضل لك والارخص من أسعار الوكالة
- وياليت أنك تشيك على الحساس الذي يأتي فوق الدبل يمكن أن مشكلتك منه لان دبل اليوكن مثله أكثر مشاكله من الحساس وليس الدبل نفسه

- أتركه بالوضع الحالي ( مفصول ) إذا أنت لست بحاجة الدبل
أو حتى تجد من يشيك لك مضبوط على الحساسات

والحمد لله أنك خلصت من المشكلة

وبالتوفيق

[ابوراكان تبوك]

غريبه وش اللي خرب الدبل والسيارة ماشيه 88
شكله معلق عندك من الترس او الينموا اللي يشبك الدبل

[1بويزيد1]

اخوي ابو سعد
بارك الله فيك واشكر اهتمامك افدتني كثيرا وسألت عن الدبل عندنا بجدة قالوا نفس كلامك وسوف اركبه لاني احتاج الدبل في البر وجزاك الله خير

[1بويزيد1]

اخوي ابو راكان
استغرابك في محله وانا اعتقد ان السبب عدم استخدام الدبل من راعيها الأول والشيء الثاني كان عليها كفرات غير مقاس بلدها واحتمال انه اثر على الدبل الين جيم
اشكر اهتمامك وبارك الله فيك

[هملول السحاب]

اتوقع والعلم عند الله ان المشكله عندك بالدبل ماهوب بالقير..

[هملول السحاب]

معليش ماقريت الردود بالصفحة الثانية..

والحمدلله اللي الله يسر لك الامور وعرفت المشكله اخي ابو يزيد...