كتمة في الفورتشنر وش الحل معاه

[صفحة تربوية]

الفورتشنر6 سلندر تماتيك

فيه كتمه عند القومة كأنها قطعة

وكذلك عند الدعسة على البنص وهو واقف احس بالكتمة ( القطعة )

واذا كان شغال والضغط تقريبا واحد ونصف احس رجة بالمكينة واذا مسكت الدبل بيدي تتضح الرجة اكثر

نوع البنزين 95

[BoOnD]

للرفع


ويفيدونك الاخوااان ان شاء الله

[بن سليمان]

انا مرة امشي وفجاءه بدا ينتفض ويهتز ما ادري وش السالفه الى الحين :mad: لا ابوه لا ابو من صنعه ولا قيمته 110 الف موديل 2010 VX

[ابو ســــاره]

تأكد من فلتر الهواء يمكن مغبر صارت معي نفس المشكلة على نفس المحرك

[XTERRA -2010]

الهزه في قير الدبل عاديه انا موتري جديد وفيه هزه في القير

أرسلت من GT-I9100

[صفحة تربوية]

مشكورين جميعا


قيل لي أن المشكلة في المنظم

[السااهر]

تأكد يالغالي من الحساسات . لأن الاند بعض المرات تجيه مثل هالكتمات وفيه حساس تحت المكينه يعرفونه اهل الخبره تغيره وترتاح . ونبي نسألك هل الخبرة ونردلك ان شاء الله

[جمس_454_97]

نضف حساس الاوكسجين الي بالشكمان اغسله بـ تنر فرغ دبات البيئه
نضف مجرى الهواء وحساسات الهواء

[فورتشنر2008]

خذ العلم الاكيد
غير الصفايه وأضف في التانكي كاز ابيض ولا اي من المنضفات الممتازه >>>اشوف الشباب يستخدمو منضف مستيبيشي

ملاحضه
غير الصفايه حتى لوكانت جديده مالها الا شهر

حصلت معايه المشكله والسبب كله كان من احد المحطات عبيت من عندهم وأعتقد انهم ماينضفو فلاتر مكاين البنزين

[Messerschmitt]

المشكله الله يحييك من حساس قربة الهوا.

افصل اصبع البطارية السالب وفك حساس الهوا ونظفه بمنظف الالكترونيات

بعدها اتركه لين ينشف لمدة خمس دقايق وبعدها ركبه واشبك اصبع البطاريه السالب وتوكل على الله.

لا تحط بالتانكي لا قاز ولا غيره عشان ما تنعدم عليك الشنابر مع الوقت .

[الا سير]

المشكله الله يحييك من حساس قربة الهوا.

افصل اصبع البطارية السالب وفك حساس الهوا ونظفه بمنظف الالكترونيات

بعدها اتركه لين ينشف لمدة خمس دقايق وبعدها ركبه واشبك اصبع البطاريه السالب وتوكل على الله.

لا تحط بالتانكي لا قاز ولا غيره عشان ما تنعدم عليك الشنابر مع الوقت .

افادك الذيب وشيك على فلتر الهواء

[هواوي الشمال]

هذي من البواجي !

[محمد السالم]

اذا كانت الدعسه كهرب فلا تفصل البطاريه ابدا خذ العلم بتروح البرمجه
وتصير السياره تنافض

[sgl2002]

انا معي شاص ٢٠١٠ ونفس مشكلتك حتى اذا دعست بنزين والضغط١ونص يبدا يرجف ولا سويت به شي