مساعده شباب

[mc.blood]

‏​>:/آَلَـْـْسَـْـْلَآَمَـْْعَـْـْلَـْـْيَـْـْگَـْـْم َـْْ>:/
كيفكمـــ
أمس طلعت البحر ٱ‏نـِْ♡̨̐ـِْا وبعض أصحابي
المهم
صدنا سمكه اسمها ۶ـًِْلّْى مااضن وحره مدري وحر
اللي هو
طلعتها طولها يمكن 60 سنتمتر
حاستنا لعنت خيري ٱ‏نـِْ♡̨̐ـِْا والعيال نبي نفك منها الميدار
وماتهنينا بالصيد
زبده الموضووع الشوكه اللي بظهرها طعنت صاحبي
وحبيت استفسر هل هي سامه
لأن الولد للحين يتعوور مٍْْـٍْْ♡̷̴̬̩̃̊ـٍْْنٍْْ الشوكه وينزف دم

[x بروفيسور x]

ألف سلامات على صاحبك لو تقدر تحط صورة للسمكة عشان يفيدونك الأعضاء حتى لو كانت غير متوفرة جرب بحث الصور من قوقل ، حتى توضح الصورة ونقدر نجاوبك ، ولكن أحب أطمنك إن الأنواع السامة في البحر قليلة نسبيا على سبيل لمثال (سمكة الأسد ) (سمكة الحجر ) (اللقيطة) وغيرها هذي تملك غدد سمية ، أما في بعض الأنواع مثل السيجان (الصافي) - القحاية (العصمودي) - الهامور - وأغلب أنواع الأسماك هذي تملك أشواك ولكن ليس لها غدد سمية ويكون أثرها مؤقت يعني بالكثير ساعة أو ساعة ونص ، وتختلف من شخص إلى آخر ، عموما طهور إن شاء الله وألف لا بأس

[x بروفيسور x]

نسيت أقولك ، إذا مرة ثانية تعبت من تخليص الميدار من السمكة بغض النظر عن نوعها فالأفضل قطع الجلب وريح راسك لأنك أحيانا تضيع وقت وأنت تحاول نزع الميدار لكن قصه وبدله بواحد ثاني لين تخلص الصيد بعدين بكيفك تفكه أو ترمي السمكة مع الميدار إذا كانت من النوع اللي ما يؤكل وهكذا

[فرخ العقاب]

سلامات ان شاء الله وطهور ويفيدونك الأخوان ما يقصرون .

[2AHMAD]

لا اخوي مو سامه بس الام هذا طبيعي بسبب الطعنه يخف مع الوقت لا تخاف بس حافظ على نظافة الجرح علشان مايسبب له التهاب.

[White_Shark]

الوحرة مش سامه .. ولكن فيها شوكتين فوق الراس للوخز , وكعادة الأشواك مثل اللي في ( الصافي , الجم , السبيطي ..) ضربتها تكون حارة لفترة من الوقت ثم يذهب الألم بالتدريج .. وأفضل طريقة للتعامل مع الوحرة أثناء صيدها هو الدوس عليها بالحذاء واستخراج الميدار .. وإذا ماقدرت تطلع الميدار تمسك حلقها وتحنيه للأمام لين تنكسر رقبتها وبعدين بيكون سهل تتعامل معاها .. وحرام ترميها فإما إنك تاكلها ترى ذيلها طيب على كلام واحد من الشباب :) .. أو أنك تصلخها وتستخدمها صلاختها طعم ( للسبيطي ) .

تحياتي .

[amam977]

سمكة من نفس النوع طولها حوالي 15 سنتمتر وأثناء محاولتي إخراج الميدار ضربتني بشوكتها في إصبعي :eek: حسيت إنها وصلت للعظم وبالقوة طلعتها ومعها نافورة دم...الم رهيب ولكن كما ذكر اخونا (بروفيسور) لمدة ساعة تقريبا. يعني مافيها سم ولله الحمد.
ولأني مجرب للألم...أتوقع صاحبك بكى من الألم ...لأنك ذكرت أن السمكة طولها 60 سنتمتر يعني شوكتها رمح...!!:eek::confused:

[Mr.mego]

ما يشوف شر صاحبك ان شاء الله وياريت لو تحط لنا صورة السمكة

تقبل مروري ,,,

[mc.blood]

هدي صوره لها.
http://mekshat.com/vb/showthread.php?t=508283&langid=1. لقيتها بقوقل

[accentkool]

لا هي مو سامة اخوي لاكن شوكتها تعطيك اللم بزيادة لفترة معينة وان شاء الله بتروح المها

[خفجآإوي]

لا ابد ماعليه خلاف خويك مهي سامه ولا شي بس اذا صدت لك لخمه انحشششششش عنهآآآ لاتفك ميدارها خلها تولي هي وميدارها لان ضربتهآإ تجيبك اكتآإف

[ابو تركي 502]

السلام عليكم

قد صدنا سمكه مادري وش اسمها المهم شكلها حول الضفدع ولها شنب
سميناها ابو شنب الزبده مثل ماقلت في ضهرها شوكه مادرينا عنها الا وهي في يد اخوي ..تخدرت يده وورمت وصبت دم لاكن بعد ساعتين خفت واجد وطابت الحمد لله يمكنها زي ذي اتمني لكم الشفاء وارجو ن افتك

[xmx202]

الوحره ... لاجاتك سمينه وكبيره .... يبيلها مچبوووس اياباااه
تقدر تمسكها من فكها السفلي اذا انك لابس قلوفز

[mc.blood]

وع والله اللي مااكلتها من شفت شكلها وريحتها يوم خاست
رحنا من المكان
والله صاحبي راح للمستشفى يبي يعقمون له الجرح وقالو الابره ماجابت اثر سم بس
عميق الشق
تحياتي ام سي بلود

[259]

ابد شوكتها سامه بس مثل ماقالو الشباب عليك باالتعقيم والتاكد من حالته الصحيه

طهور انشاء الله

[mc.blood]

ابد شوكتها سامه بس مثل ماقالو الشباب عليك باالتعقيم والتاكد من حالته الصحيه

طهور انشاء الله
لا هي مو سامه في انواع منها نوع قال الدكتوور الطعنه مافيها اي سثر سم بس يقول انه لها انواع هالسمكه مع اني مادري وش عرف الدكتور بالسمك اتوقع جاته حاله من اول ههههههههههههههه
عالعموم مشكورين ماتقصروون على الافاده
وبالنسبه لسامه في بعض الانواع قال الدكتور سامه وسمها نفس العقرب هي واللخمه ووصف شكلها يقول لونها رمادي في ظهرها نقوط سوداء وشوكها طويل هذي سامه

[ولهان البحار]

اللهم احمي بلاد المسلمين

[فارس 07]

هههههههههههههههههه
ذاك اليوم شفت واحد صايد وحره يقول صدت هامور
هههههههههههههههههه
شوه سمعت الهوامير :D:D