وش الحل ياهل الباترول ؟؟

[مداحش]

السلام عليكم ورحمة الله وبركاته ,
أحبتني عندي راس المكينة عطلان وارتفعت علي الحرارة , المهم المخرطة تقول الراس خلاص قضى عمره ولايمكن اصلاحه ( مايمسح) لاااازم جدييييد :(:(
المشكلة يا اخوان احترت : الوكالة تقريبا سعره من 3800- 4000 ريااال:eek:
لقيت تجاري ب1800 ,,, التشليح مالي خاطر به لأنه غير مضموووون شهر شهرين سنة يمكن يخرب ... وش رايكم يالربع بالتجاري
( الموتر باترول 96 - بخاخ )

[يزيد 999]

دور ان حصلت ياباني تراه يقوم بالواجب وسعرره رخيص:good2:

[x.ls1.x]

خذه من التشاليح وده لمخرطه يشيك عليه وان قال ممتاز خله يخرطه نص ملي وبيفرق عليك نشاط الموتر وبيعجبك, التجاري ماينفع

[خالد عبدالرحمن]

نصيحه اذا تبي تكدالموتر وتستعمله لا ترخص عليه شي خذ اصلي ومن الوكاله

[ذيب خزاز]

خذه من التشاليح وده لمخرطه يشيك عليه وان قال ممتاز خله يخرطه نص ملي وبيفرق عليك نشاط الموتر وبيعجبك, التجاري ماينفع

هذا الكلام

[وجعين]

نصيحه اذا تبي تكدالموتر وتستعمله لا ترخص عليه شي خذ اصلي ومن الوكاله

لا والله مكينة الباترول ما تستاهل اشري له راس4000 نهابه هي, يعني يزيد فوق الاربع الااف وياخذ مكينة كامله من التشليح لا ن مكينته جايه حراره ويمكن يخسر 4000 على الراس وتخبط مكينته تدري ركب مكينه ديزل والله انه اطلق مكينه صنعوه النيسان انا مركبه لي سنتين لا نقص زيت ولا صرفيه بنزين ولا حراره وعزمه حليل او كانك تبي عزم وجوده عليه ركب مكينه فكسار او لكزس . والله يسهل امرك

[sgl2002]

رح التشليح ودور راس مكينة حق باترول مديل جديد

[مداحش]

الله يعطيكم العافية وبيض اللله وجيهكم , لكن هل يركب راس مكينة الباترول 98 وفوووووووق على ال97

[القنبله1]

هلا مداحش مايركب حق 98 على 97
الا اذا موترك كلبريتر بس بخااااااخ مااايركب

[abo naser 1]

السلام عليكم

انا سبق ان ركبت راس للباترول صيني تقريباً ب 2000 ريال استخدمته سنتين وحرارته الربع مع المكيف بالصيف والأصلي اكيد افضل بكثير لأن الصيني ممكن ادناة حرارة يتأثر ماهو مثل الأصلي بس بيني وبينك حرام 4000 ريال براس مكينة بها القمة أخذ مكينة كاملة من ها الشباب الي يفكون مكاينهم للترهيم ويبيعونها بكامل ملحقاتها بها 5000 الف وحولها اذا صارت نظيفة

[مداحش]

الله يعطيكم العافية اخواني

[مداحش]

والله معاناة لفيييت التشليح لف المشكلة صعب جدا القى راس لحاله كلن يقول نبيع المكينة كاملة وبعد معاناااة وتعب لقيت راس باترول 94 يمشي الحال ب1300 وناوي اوديه المخرطة ان شاء الله لكن لعبت في راسي الافكار والهواجيس الفني يقول خذ صيني ( تجاري ) ب1500 اضمن وانسب بلاش شغل المخارط خصوصا الموتر بيجلس معي سنتين بالكثير ,,, صيني ولا تشليح !!! بستخير ربي لكن وش رايكم

[عبدالرحمن.1]

نصيحة لاتركب راس جديد دور في التشاليح

[مداحش]

تسلمون يالغاليين , الظاهر مالنا الا التشليح والله يستر

[أحمد محمد1429]

( الفني يقول خذ صيني ( تجاري ) ب1500 اضمن وانسب بلاش شغل المخارط خصوصا )



خذ بكلامه أنا مركب تجاري قبل 8 شهور تقريبا ولا شفت منه إلا كل خير . توكل على الله وركبه .
أنا قبلك تعبت من التشليح مأحصل وإذا حصلت وديته للمخرطه لقيته ممسوح

[الودعاني711]

اشتر مكينه افضل لك 5000 وريح راسك نصيحه التجاري لاتركب اذا انت راعي طواله بالموتر

وتقبل مروري

[abo naser 1]

والله معاناة لفيييت التشليح لف المشكلة صعب جدا القى راس لحاله كلن يقول نبيع المكينة كاملة وبعد معاناااة وتعب لقيت راس باترول 94 يمشي الحال ب1300 وناوي اوديه المخرطة ان شاء الله لكن لعبت في راسي الافكار والهواجيس الفني يقول خذ صيني ( تجاري ) ب1500 اضمن وانسب بلاش شغل المخارط خصوصا الموتر بيجلس معي سنتين بالكثير ,,, صيني ولا تشليح !!! بستخير ربي لكن وش رايكم



انا انصحك بالصيني مثل ما ذكرت بردي السابق جربته سنتين ولا شفت منه شي لاحرارة ولا غيرة انا ماخذه 1900 او 2000 ريال انته لي الصيني يجي انواع بعد اسئل راعين القطع عنه

[abo naser 1]

أخوي اذا تبي مكينة كاملة بدون ملحقاتها حذاف و كمبرسر و دينمو ديلكو وباقي الملحقات فيه نقص زيت راسها زين ابحسبها لك ب 2000 ريال بدون ملحقاتها على الرابط
http://www.mekshat.com/vb/showthread.php?t=505736