قصتي مع قير اليوكون 2010 للعبرة والعظة

[ابن الملوك]

سلام عليكم ورحمة الله وبركاته وبعد

أخواني هذا ماحصل معي في اليوكون 2010 جمس الست غيرات النظام الجديد في القير وكنت استغرب أحيانا من التغيرات ولكن الوكالة ([عم بيئلو طبيعي[)
المهم مشى اليوكون 61000 ألف صار القير اليوم يرجع ورى ولا يطلع قدام حاولنا
مابه حل ارسلته للوكالة وقالوا الضمان لحد 60000 ألف راحت عليك المهم قالوا احتمال القير يحتاج توظيب علما بأن الصيانة كل 5000 الأف في مركز السليمانة بشكل مستمر ولكن قدر الله وما شاء فعل

سؤالي : هل ابقيه في الوكالة أم لا؟ السيارة تاجير منتهي بالتملك من العيسى

(نصيحة ابتعدوا عن القير الست تغيرات كلام العتيبي شيخ الورش)http://www.hawamer.com/vb/images/smilies/smlile@hawamer00120.gif

[ابوبشاير]

والله الوكالة سعرها غالي بالحيل وفية ورش مختصة بالجير وممتازة من رايي انك ماتصلح بالوكالة وشكرا

[الضامي 2012]

ارسل ايميل للشركه الام واشرح لهم الوضع بالكامل بس لاتمشي الموتر زياده وان شاء الله انهم يحلون مشكلتك وتراهم احسن من ابو جميل بشوي لان فيه ناس وراهم تحاسبهم وتشتغل على روسهم


وهذا حال كل الوكالات حسبي الله عليهم يشوفون العيب بسياراتهم ولا يصلحون مع ان الضمان من الشركه الام على كل شي بس ربعنا الي هنا مادري وش يستفيدون من المماطله ويخلون السياره لين ينتهي الضمان عليها وبعدين قالوا لك ان هذا سوء استخدام وهو اصلا عيب مصنعي .......

[مخ سعودي]

ماعليك منهم تقدر ترسل للشركه ايميل ويصلحونه ان شاء الله مجانا واتوقع تعطل القير بسبب عدم تغيير زيته مع الفلتر

[بدوي جنوبي]

أكيد انت جيت الوكاله قبل وصول العداد 61
أذكر ذلك في الايميل المرسل للشركه
ان شاء الله تجد الحل

بالتوفيق

[سعد القاسم]

عليك بالشركه الام ياشيخ يخلون الوكيل يترجاك توافق يصلحون لك الموتر وعلى حسابهم بعد

[YUKON_GMC]

تأكد من مستوى الزيت والفلتر وافحص كمبيوتر ب 100 ريال على حسابك يمكن يطلع حساسات وماتكلف 500 ريال

[ابن الملوك]

ماعليك منهم تقدر ترسل للشركه ايميل ويصلحونه ان شاء الله مجانا واتوقع تعطل القير بسبب عدم تغيير زيته مع الفلتر

شكرا لمروركم ولكن وين احصل ايميل الشركة بعدين الفلتر وزيته مغيرته الوكاله من ضمن الصيانة

[ابو سالم3000]

تبي رايي ارفع السياره على عفريته وخلها تمشي بالريوس لين ينزل العداد الى ستين الف
ومن كانت له حيله فليحتال

[غشيم باليوكون]

ابو سالم عسى ماشر احد يدق ريوس يرجع عداده ... الحمد لله على نعمة العقل بس .. كم وصل سعر الحبحب

[مخ سعودي]

غشيم باليوكن كلامابو سالم صحيح لكن كان عيب في بعض السيارات وكان الشباب في محلات الايجار يسوونها لكن اذا مسكت لعانه كثير اللي يرجعون عداد السيارة وخلهم يصلحونها وانا مانصح ابد والرزق على الله

[مخ سعودي]

http://www.moq3e.com/t3297.html
وخذ الرابط هذا فيه رقمهم وايميلهم واتمنى بعد انك تتصل على وزارة التجارة وتسجل بلاغ عندهم ورقمهم والله العالم ٩٤٠

[الزهراني55]

اخي العزيز جاوب على اسئلتي وبعون الله الامور بسيطه بس ابغى استفسر قبل لا اعطيك الحل
هل السياره كانت واقفه طافيه وجيت شغلت وما مشى القير
او هل كنت ماشي بالسياره وفجاءه ما صار يمشي القير
هل طلع لك رسائل في شاشه العداد تبينانو في عندك مشكله
هل السياره دبل
هل جربت فصل البطاريه وارجاعها هل جربت جميع التعشيقات او فقط اول واحد يعني نزلت عصى القير الى اخر غيار ونفس الشي
عموما نصيحتي طلعها من الوكاله واذا انت في الخبر او حول الخبر راسلني ومن هالحين اقولك الامور بسيطه ولا تقلق تحياتي

[الزهراني55]

نسيت اقولك اذا تبي ارجعلك العداد 59999 ترى حاضر واتحدى الوكاله يقولون مرجع واكيد مدير فرع الصيانه لمن يشووف 59999 رااح يجيه جلطه ههههههه

[ماون ماركز]

تبي رايي ارفع السياره على عفريته وخلها تمشي بالريوس لين ينزل العداد الى ستين الف
ومن كانت له حيله فليحتال

ههههههااي هذا أذا صار سيكل .. يرجع عداده

العدادات الكهربائية حساسها ما يحسب الأ اللي يدور للأمام
والعدادت الميكانيكة ( اللي فيها واير ) التروس ما ترجع ع وراء

[Almrshd1]

هذا ماحصل معي في سيارتي تاهو 2007 بعد تغيير زيت وفلتر الجربكس وعندما اردت الخروج من مركز الصيانه تعطل التعشيق وكأن الجلنط مربوط ثقل عندما تتحرك للامام فتركتها في مركز الصيانه ولفيت على افضل المهندسين في المدينه وجميعهم اجمعو على ان الجربكبس يحتاج توضيب وان عيوبه ظهرت بعد تغيير الزيت واستشهدو بسيارات مماثله عندهم مفكوكه واقتنعت بكلامهم ونجاني الله من مصيدتهم بتعاطف صاحب مركز الصيانه معي حيث ان له معرفه بمهندس الصيانه في بالبيد واتفق معه للكشف على السياره بجهاز الكمبيوتر بعد انتهاء دوامه بالشركه وبعد الكشف وجد حساسين في داخل الجربكس عطلانه وغيرهم والحمد لله الى حد الان ماشيه اسف للاطاله ولكن للفائده والحذر من المخربين وليس المهندسين

[ابن الملوك]

اخي العزيز جاوب على اسئلتي وبعون الله الامور بسيطه بس ابغى استفسر قبل لا اعطيك الحل
هل السياره كانت واقفه طافيه وجيت شغلت وما مشى القير
او هل كنت ماشي بالسياره وفجاءه ما صار يمشي القير
هل طلع لك رسائل في شاشه العداد تبينانو في عندك مشكله
هل السياره دبل
هل جربت فصل البطاريه وارجاعها هل جربت جميع التعشيقات او فقط اول واحد يعني نزلت عصى القير الى اخر غيار ونفس الشي
عموما نصيحتي طلعها من الوكاله واذا انت في الخبر او حول الخبر راسلني ومن هالحين اقولك الامور بسيطه ولا تقلق تحياتي
شكرًا على اهتمامكم جميعا ولكن العطل صار في السيارة وأنا أمشي طبيعي ولم يكن هناك لا صوت ولا رائحة في السيارة وبدون أي رسالة في شاشة العداد وعملت جميع ما ذكرت ولم تنجح المحاولات وقدر الله وما شاء فعل

[الزهراني55]

ههههههااي هذا أذا صار سيكل .. يرجع عداده

العدادات الكهربائية حساسها ما يحسب الأ اللي يدور للأمام
والعدادت الميكانيكة ( اللي فيها واير ) التروس ما ترجع ع وراء


اخي العزيز العداد الكهربائي يحسب قدام وورى ليش ما يحسب ورى ههههههههه لا تضحك على الناس يضحكون الناس عليك
بروح البقاله بكره ريوووس ههههه
العدادات المكانيكيه على قولك او بالاصح كهروميكانيكيه بعض السيارات تقبل لما ترجع ريووس يرجع العداد للخلف يعني ينزل وبعض السيارات يزيد
تحياتي حبيبي

[الزهراني55]

ابن الملوووك افحص كمبيوتر
واذا انت في الدمام ارسلي رساله ورقم هاتفك في واحد كان شغال في الوكاله فلبيني عندو ورشه برى
مشكلتك فقط حساسات
الله ييسر لك امورك

[alisabr]

اذا انت في الرياض ولك رغبه في اصلاحه رح للصناعيه القديمه فيها محلات كثير

لاتروح للمراكز نصابين في الغالب
فيه ورش صغيره لاصلاح القير بيعطونك العلم الاكيد بس لازم تلف لك على كم محل وتعرف وش العطل الموجود

[mekshaat]

اذا الزيت فيه رايش اعرف ان القير يبغى توضيب وخاصه لاصار الرايش كثير

[alaar]

ألسلام عليكم
ترا ممكن الموضوع يكون في الحساس بس إلي في الجير بوكس ومايحتاج توضيب

لما تسمع أصوات تكسير في الجير بوكس وقتها تقول يحتاج توضيب

هذا بحكم خبره أيضا في جير شيفروليه أفلانش 2007 وجيربوكس الدبل أيضاً


تحياتي

[الذئب الاليف]

الله يكون بعونك
والله خوفتنا من الـ 6 غيار
الله يستر علينا وعليكم واخواننا المسلمين

[ابن الملوك]

اليوم يا أخوان قررت الوكالة فك القير
وفك القير يقول ب3000 ريال بس الفك
وبعدين نخبرك ماهو السبب ونخبرك بتكلفة القطع وشغل اليد والله يعيييييين

[mekshaat]

اليوم يا أخوان قررت الوكالة فك القير
وفك القير يقول ب3000 ريال بس الفك
وبعدين نخبرك ماهو السبب ونخبرك بتكلفة القطع وشغل اليد والله يعيييييين

دامك وافقت على فك القير بالسعر اللي ذكرت معناه مافيه الا انك تكمل لهم باقي المبلغ
اللي بيطلبونه منك اذا كان توضيب المفروض شفت واحد فاهم يحدد لك الخلل واذا قال توضيب خذ لك مستعمل تشليح أصرف لك من التوضيب اللي صعبه انه يضبط خاصه
مثل القير اللي عندك.

[ابن الملوك]

شو نسوي هذا اليوكون الجديد

[WAW]

اشتريت يوكن 2012 وبعد اسبوع استخدام مااعجبني اداء القير ،،

تبدل بسرعه ،، يعني ماتوصل السيارة سرعة 40 الا القير معشق الخامس
وبالتالي يقل عزم السيارة جداً ،،،، كأنها ددسن في الرابع مايمشي

راجعتهم في الوكالة ( الجميح ) قالوا مافيه شي طبيعي ،،،،

اليوم تحديداً ( السبت 30/6/2012م ) كمل العداد 5400 كليو
وهذا وقت تغيير الزيت لدى الوكاله

سأطلب منهم الكشف ايضاً على القير وأخشى ان يقولوا ( مافيه شي )

وعندما ينتهي الضمان يطلع ( المستخبي )

نصائحكم ....

[مكشآتي للآخر]

فعلا القير تعشيقاته واجد

[ابومعاذ3]

المشكلة وانااخوك من الحساسات يعني كهربائية
......اياك توضب لانه أن فكه أحد من الصعب يرجع كما كان

[ابو أسامة]

اشتريت يوكن 2012 وبعد اسبوع استخدام مااعجبني اداء القير ،،

تبدل بسرعه ،، يعني ماتوصل السيارة سرعة 40 الا القير معشق الخامس
وبالتالي يقل عزم السيارة جداً ،،،، كأنها ددسن في الرابع مايمشي

راجعتهم في الوكالة ( الجميح ) قالوا مافيه شي طبيعي ،،،،

اليوم تحديداً ( السبت 30/6/2012م ) كمل العداد 5400 كليو
وهذا وقت تغيير الزيت لدى الوكاله

سأطلب منهم الكشف ايضاً على القير وأخشى ان يقولوا ( مافيه شي )

وعندما ينتهي الضمان يطلع ( المستخبي )

نصائحكم ....



لكي تكون في السليم أطلب منهم تقرير أن القير سليم لكي تحاججهم به فيما بعد.

[WAW]

يسلموا ابواسامه

وهل يعطوني التقرير اذا طلبته منهم ؟

[العابر2222]

يا أخوان اغلب خراب قير اليكون حساسات .... نادر يكون مخبط

بس الوكاله تبي فلوس وعلى طول يقولون لك توضيب

[ابن الملوك]

الوكالة يحطو أشياء والله ماهي في السيارة

[ابن الملوك]

أخي WAW.
نفس المشكلة التي كنت أعاني منها مسبقا في السيارة تغيرات غير طبيعية سرعة بطيئة لما راجعت. الخدمة السريعة
قالوا طبيعي وبعد ممشى 61000الف صار الي صار وأنا ما بين الوكالة وشركة التأمين من يتحمل الاصلاح

[مغلي]

هل كل الجموس واليوكن الجديده = من 2009 - الى - 2012 لها نفس القير 6 تعشيقات والتوبترونك ؟؟؟

[mekshaat]

اشتريت يوكن 2012 وبعد اسبوع استخدام مااعجبني اداء القير ،،

تبدل بسرعه ،، يعني ماتوصل السيارة سرعة 40 الا القير معشق الخامس
وبالتالي يقل عزم السيارة جداً ،،،، كأنها ددسن في الرابع مايمشي

راجعتهم في الوكالة ( الجميح ) قالوا مافيه شي طبيعي ،،،،

اليوم تحديداً ( السبت 30/6/2012م ) كمل العداد 5400 كليو
وهذا وقت تغيير الزيت لدى الوكاله

سأطلب منهم الكشف ايضاً على القير وأخشى ان يقولوا ( مافيه شي )

وعندما ينتهي الضمان يطلع ( المستخبي )

نصائحكم ....

حسب كلام مهندس سعودي أعرفه يقول لاصار القير يجيب التعشيقات بسرعه ويريح
على سرعه منخفضه مثل مشكلتك هذي سببها بلف البدي حق القير.

[WAW]

حسب كلام مهندس سعودي أعرفه يقول لاصار القير يجيب التعشيقات بسرعه ويريح
على سرعه منخفضه مثل مشكلتك هذي سببها بلف البدي حق القير.


السيارة وكالة وجديدة ،،،، راجعتهم على المشكلة بعد 1700 كيلو وطلع معي ( هندي ) وقال عادي ،،،،

راجعتهم مرة ثانية في المركز الرئيسي في الدمام ، وطلع معي فني سعودي وقال عادي وقال ان السيارة تحت سرعة 120 تمشي ( ستة ) سلندر ،،، وبعدها تشتغل 8 سلندر ،،،،

رغم ان المشكلة واضحة لأي سائق سيارة ،،، بسرعة يبدل ،، يبرد عزم السيارة وهي ماوصلت سرعتها 60 كيلوا متر في الساعة ،،، اذا تبي تزيد السرعة مايستجيب القير بسهوله ،،، الا تدوووس بنزين حتى يعشق عكسي وبعدين يمشي

في تشييك الخمسة الاف ناوي افتح المشكلة معهم مرة ثانية ،،، وبنفس الوقت استفيد من نصائح وخبرات الاخوان ،،،، فانا لا اثق في تجارنا في السعودية ،، فهم مثل الخضروات المحمية .

تحياتي

[ابو أسامة]

يسلموا ابواسامه

وهل يعطوني التقرير اذا طلبته منهم ؟



إجباري يعطيك التقرير أجل كيف فحص و قال ما فيه شي لآزم شي يثبت كلامه

أنت تتعامل مع وكالة يعني لازم يكون كل شي رسمي ماهو كلام في الهواء

[mekshaat]

[QUOTE=WAW;8515019]السيارة وكالة وجديدة ،،،، راجعتهم على المشكلة بعد 1700 كيلو وطلع معي ( هندي ) وقال عادي ،،،،

راجعتهم مرة ثانية في المركز الرئيسي في الدمام ، وطلع معي فني سعودي وقال عادي وقال ان السيارة تحت سرعة 120 تمشي ( ستة ) سلندر ،،، وبعدها تشتغل 8 سلندر ،،،،

رغم ان المشكلة واضحة لأي سائق سيارة ،،، بسرعة يبدل ،، يبرد عزم السيارة وهي ماوصلت سرعتها 60 كيلوا متر في الساعة ،،، اذا تبي تزيد السرعة مايستجيب القير بسهوله ،،، الا تدوووس بنزين حتى يعشق عكسي وبعدين يمشي

في تشييك الخمسة الاف ناوي افتح المشكلة معهم مرة ثانية ،،، وبنفس الوقت استفيد من نصائح وخبرات الاخوان ،،،، فانا لا اثق في تجارنا في السعودية ،، فهم مثل الخضروات المحمية .

تحياتي[/QUOTE

أنا ذكرت لك كلام المهندس السعودي ان السبب من بلف البدي يعني ماهو كلتشات ولاحساسات ولايبين بفحص الكمبيوتر والقير يعتبر أصعب شي على المهندسين بالفحص
وتحديد المشاكل اللي فيه.

[YOKUN]

نفس المشكله حصلت مع خوينا

اليوكن ما يعشق الا نمره او 2
راح الوكاله قالوا بنفك الجربوكس ونرسله دبي وبيكلفك 12 الف وهو ما زال عالضمان

قلت له طلعه من الوكاله وشفله اي ورشه صدقني انه حساس
وبالفعل بعد 3 ايام اكتشفوا الوكاله انه حساس وما كلف مع شغل اليد 1200 ريال

فنصيحه لا تخليهم يفكوا الجربوكس لانه شد بلد ومهما رجعوه لن يكن 100%

[رحال7]

[QUOTE=WAW;8515019]السيارة وكالة وجديدة ،،،، راجعتهم على المشكلة بعد 1700 كيلو وطلع معي ( هندي ) وقال عادي ،،،،

راجعتهم مرة ثانية في المركز الرئيسي في الدمام ، وطلع معي فني سعودي وقال عادي وقال ان السيارة تحت سرعة 120 تمشي ( ستة ) سلندر ،،، وبعدها تشتغل 8 سلندر ،،،،

رغم ان المشكلة واضحة لأي سائق سيارة ،،، بسرعة يبدل ،، يبرد عزم السيارة وهي ماوصلت سرعتها 60 كيلوا متر في الساعة ،،، اذا تبي تزيد السرعة مايستجيب القير بسهوله ،،، الا تدوووس بنزين حتى يعشق عكسي وبعدين يمشي

في تشييك الخمسة الاف ناوي افتح المشكلة معهم مرة ثانية ،،، وبنفس الوقت استفيد من نصائح وخبرات الاخوان ،،،، فانا لا اثق في تجارنا في السعودية ،، فهم مثل الخضروات المحمية .

تحياتي[/QUOTE

أنا ذكرت لك كلام المهندس السعودي ان السبب من بلف البدي يعني ماهو كلتشات ولاحساسات ولايبين بفحص الكمبيوتر والقير يعتبر أصعب شي على المهندسين بالفحص
وتحديد المشاكل اللي فيه.

يمكن احد قال من قبل بس لا ابد ن تعمل اعادة برمجه!
يجب ان تعمل اعادة برمجه قبل ان تخوض في اي نقاش..اطلب من الوكاله تحديث لبرنامج القير والمكينه...

[ابن الملوك]

تم سحب وكالة العيسى من جنرال موتور اليوم هل السبب أنا وقير اليوكون:hot::hot:

[ح ح و 693]

^^^^^^^^^

وسوف يتم سحب وكالة نيسان من الحمراني

وستمنح للعيسى

[WAW]

الله يستر من صالح كامل لا يمسك السيارات يذبح الشعب السعودي

[ابن الملوك]

كم تتوقعون يجيب اليوكون بعد الاصلاح ٢٠١٠ قصير ماشي ٦١٠٠٠بدون دبل نظيف بدي ١٠٠/١٠٠

[ابن الملوك]

السلام عليكم ورحمة الله وبركاته
كل عام وأنتم بخير وتقبل الله منا ومنكم صالح الأعمال
تذكرون اليوكون وسالفة القير. القير وضبناه والكمبيوتر وغيرناه والموتر وطلعناه. ولكن مازالت أشره على التغيرات والمهندس يقول طبيعى تو الكلتشات والتروس جديده وش رأيكم بالكلام هذا

[k1881]

جزاك الله خير