اللغز من راسٍ على الغطو نشطان ( جديد )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اللغز من راسٍ على الغطو نشطان ...............

............... ينحربه اللي يتــــــــــــــــكي للثقيله

ينحربه اللي صار للغطو سلــــطان ...............

............... كم عسرةٍ لاجته صـــــــــارت ذليله

ياويش جمع ماقعه خارج اوطــان ...............

............... ماتوّه اللي بالغـــــــــــــطاوي دليله

نسبن لبنتٍ ينســــــبوها لشــيطان ...............

............... والبنت انا ويـــــــــــاك نملك مثيله

سبة مسمــــــاهن ولانــي بغلطان ...............

............... اصوات يالرايق صــــــليفه مهيله

مع تحيات ابو ماجد

منتديات مكشات 0 خيمة الالغاز

[ابو ماجد 2]

ملاحظه
قصدت بخارج اوطان اي خارج الاوطان العربيه

[عطري]

و عليكم السلام و رحمة الله و بركاته
ماشاء الله تبارك الرحمن ، سرعة انتاج و مزيد من الإبداع
أبيات محبوكة لكن الرمعة هالمرة عندي ما هي مضبوطة( الوقت سريع يمر)
محاولة أولى أسبق الجميع بالسلام و التقدير:
محور الشر أو فيلق غدر

[ابو ماجد 2]

و عليكم السلام و رحمة الله و بركاته




ماشاء الله تبارك الرحمن ، سرعة انتاج و مزيد من الإبداع
أبيات محبوكة لكن الرمعة هالمرة عندي ما هي مضبوطة( الوقت سريع يمر)
محاولة أولى أسبق الجميع بالسلام و التقدير:


محور الشر أو فيلق غدر


هلا بمعطرنا بمروره الكريم
مامن سرعه يالغالي احيانا نستلحق من الحويل
شرفنا مرورك
والرمعه مالك لوى
انتظر مرماعك القادم

[الخامسي1]

عليكم السلام ووافر التحية والاحترام


الوصف وافي مثل راعيه بطران ... عز الله اللي ثابتً في دليله

يقدم الحجه ويعطيك برهان .... ويتركك مع فكرك خيالك يخيله

يرسل على الخيمة عطاء دوم ودان ... يرؤي عطشها ويعجبك في مسيله

مشكور ولك منا تحية وعرفان .... اقل واجب من عميل وعميله

هذا ابو ماجد وحاضر كحيلان ... لا راح لغزه قال جأكم بديله


صح السانك ياابو ماجد وبيض الله وجهك ومشكور على كل ماتقدم لنا
دمت مبدعً

[ذيب الفقارة]

نقول العجلة من الشيطان

عجلة وجمعها عجلات ( كفرات )

[ابو الشبرميات]

صح لسانك يابو ماجد
جزل الله لايضرك ومعين لاينضب
جعلك من ذا وازود
الرمعة
عبدة الشيطان
...

[ابو ماجد 2]

عليكم السلام ووافر التحية والاحترام




الوصف وافي مثل راعيه بطران ... عز الله اللي ثابتً في دليله


يقدم الحجه ويعطيك برهان .... ويتركك مع فكرك خيالك يخيله


يرسل على الخيمة عطاء دوم ودان ... يرؤي عطشها ويعجبك في مسيله


مشكور ولك منا تحية وعرفان .... اقل واجب من عميل وعميله


هذا ابو ماجد وحاضر كحيلان ... لا راح لغزه قال جأكم بديله



صح السانك ياابو ماجد وبيض الله وجهك ومشكور على كل ماتقدم لنا
دمت مبدعً



مازلت عند رايي تستطيع ان تتكلم شعرا الله يزيدك
كعادتك ارتقى لغزنا بجزيلك
صح بدنك والمنتدى مهما قدمنا نضل مقصرين امام ماقدمه لنا من معرفة هالوجيه الطيبه مثلك انت بقية الزملاء

[ابو ماجد 2]

نقول العجلة من الشيطان




عجلة وجمعها عجلات ( كفرات )


هلا بالذيب
مالك لوى يالغالي

[ابو ماجد 2]

صح لسانك يابو ماجد

جزل الله لايضرك ومعين لاينضب
جعلك من ذا وازود
الرمعة
عبدة الشيطان
...


صح بدنك
والجزاله انتم اهلها
مالك لوى يالغالي وانتظر مرماعك القادم

[حميد الهذلي]

أسعد الله صباحكم
نقول قناة الجزيرة والمراسلين وكل واحد عنده قناة الجزيرة في بيته .
دمتم بخير وصحة

[ال-رايق]

بسم الله الرحمن الرحيم

السلام عليكم ورحمة الله وبركاته

اللغز من راسٍ على الغطو نشطان ...............

............... ينحربه اللي يتــــــــــــــــكي للثقيله

ينحربه اللي صار للغطو سلــــطان ...............

............... كم عسرةٍ لاجته صـــــــــارت ذليله

ياويش جمع ماقعه خارج اوطــان ...............

............... ماتوّه اللي بالغـــــــــــــطاوي دليله

نسبن لبنتٍ ينســــــبوها لشــيطان ...............

............... والبنت انا ويـــــــــــاك نملك مثيله

سبة مسمــــــاهن ولانــي بغلطان ...............

............... اصوات يالرايق صــــــليفه مهيله

مع تحيات ابو ماجد

منتديات مكشات 0 خيمة الالغاز



يامرحبا بسم الغلا فيه سفطان=للي لنا سفط حروف جميله
البسها تاج وزمام وقرطان=ومن الرمك اطلق عنان الكحيله
من شط بغداد مرور بخيطان=مامثلها بالشام الى شط نيله
يزهى بها سرج مع مسّة بطان=سابق هدو خليل يغلي خليله
والطيب بابور وابو ماجد قبطان=وبستان يروي ابو ماجد نخيله
فالله يغلي من به العقل ورطان=وحيران كيف انّي اردله جميله
يمشي بثوب العز وكموم قيطان=سلك السعاده دق خبنة شليله
والله يسلمك الرمعه/
مصاصين الدماء
او
هالوين
وسلامتك

[ابو ماجد 2]

أسعد الله صباحكم

نقول قناة الجزيرة والمراسلين وكل واحد عنده قناة الجزيرة في بيته .

دمتم بخير وصحة


صباح النور يالغالي
مالك لوى اخوي حميد
انتظر مرماعك القادم

[ابو ماجد 2]

البسها تاج وزمام وقرطان=ومن الرمك اطلق عنان الكحيله
يامرحبا بسم الغلا فيه سفطان=للي لنا سفط حروف جميله



من شط بغداد مرور بخيطان=مامثلها بالشام الى شط نيله


يزهى بها سرج مع مسّة بطان=سابق هدو خليل يغلي خليله


والطيب بابور وابو ماجد قبطان=وبستان يروي ابو ماجد نخيله


فالله يغلي من به العقل ورطان=وحيران كيف انّي اردله جميله


يمشي بثوب العز وكموم قيطان=سلك السعاده دق خبنة شليله




والله يسلمك الرمعه/

مصاصين الدماء
او
هالوين


وسلامتك


هلا هلا ومليون هلا
هلا ببو مهند وبماجاب
اطربتني بجزيلك لاعدمناك
كعادتك متألق متوهج الله يديم عليك
الرمعه مالك لوى
واللي اقصدهن يذكرن بصيغة الجمع وينسبن لبنت والبنت تنسب لشيطان
وهن معلم ليتهم بدل الضلع الحمر يكزوننا يمهن كان الله من واحد وواحد يتعمد الرمعه خطأ وبهذا يصبح ابو علي اقلنا حظا واسعدنا حظا ابو فيصل اللي سيصبح محافظ فيهن

[برق القصيم]

صح لسانك زعيمنا
ويسلم لنا هالراس النشطان :)
ويستاهل اخونا المبدع الرايق الاسناد ..جبل ومسند على جبل
ودوك هالرميعه من العم قوقل عقب توضيحك

شلالات ايغواسو " Iguazu Falls " في البرازيل والارجنتين
الذي يطلق عليه اسم حنجرة الشيطان

سبب تسمية حنجرة الشيطان
لأن المياه تهوي من ارتفاع يزيد عن 90 متراً محدثةً دوياً هائلاً في مكان أطلق عليه
حنجرة الشيطان

لإعتقاد الهنود الحمر ان هذه الأصوات ليست سوى أصوات الشيطان
التي يطلقها من حنجرته الرهيبة العملاقة

[هيل]

السلام عليكم ورحمة الله وبركاته
ماشاءالله لغز محكحك ومتكتك يدل على ألأحترافيه
حيث شمل القوه كاشعروقافيه دسمه خاليه من الكرسترول
وقوه بالوصف وزود على ذالك مجارات ابو نايف بعد وجبت الغزنحلي بحلاوة الردالجميل متمم للوجبه
وايضا رايقنا روقنا برد على قلوبنا بكوكتيل
لنختم فيه الوجبتين ونقول أنعم الله عليكم
وفيتو وكفيتو
تحياتي

[حمد؟؟]

صح لسانك يابوماجد
وش قولك في
جزر لانجرهانز في البنكرياس في جسم الانسان
وجزر الشيطان<ممكن يكون مثلث برمودا

[ال-رايق]

صح لسانك زعيمنا
ويسلم لنا هالراس النشطان :)
ويستاهل اخونا المبدع الرايق الاسناد ..جبل ومسند على جبل
ودوك هالرميعه من العم قوقل عقب توضيحك

شلالات ايغواسو " Iguazu Falls " في البرازيل والارجنتين
الذي يطلق عليه اسم حنجرة الشيطان

سبب تسمية حنجرة الشيطان
لأن المياه تهوي من ارتفاع يزيد عن 90 متراً محدثةً دوياً هائلاً في مكان أطلق عليه
حنجرة الشيطان

لإعتقاد الهنود الحمر ان هذه الأصوات ليست سوى أصوات الشيطان
التي يطلقها من حنجرته الرهيبة العملاقة



تسلم عل عمرك طويل على العز والمعزّه,,أخوي برق
ومن الآن اقول كفو =اذا اذن لي الفارس الله يسلمه
------
لكن القهر انك ما انت مخاوينا لها....بحكم ان ابوماجد يقول ودك يبدلونه بدال الضلع:D:good2:

[ابو ماجد 2]

صح لسانك زعيمنا



ويسلم لنا هالراس النشطان :)
ويستاهل اخونا المبدع الرايق الاسناد ..جبل ومسند على جبل
ودوك هالرميعه من العم قوقل عقب توضيحك


شلالات ايغواسو " Iguazu Falls " في البرازيل والارجنتين
الذي يطلق عليه اسم حنجرة الشيطان


سبب تسمية حنجرة الشيطان
لأن المياه تهوي من ارتفاع يزيد عن 90 متراً محدثةً دوياً هائلاً في مكان أطلق عليه
حنجرة الشيطان


لإعتقاد الهنود الحمر ان هذه الأصوات ليست سوى أصوات الشيطان
التي يطلقها من حنجرته الرهيبة العملاقة




http://imagecache.te3p.com/imgcache/48e4daebe4ce0ae07a166ed5b4e2bbe4.gif

http://imagecache.te3p.com/imgcache/71e24c4f7aa79d9a781e62da2bde5034.gif (http://forum.al-wlid.com/redirector.php?url=aHR0cCUzQSUyRiUyRnd3dy5zaHkyMi5 jb20lMkY=)

http://imagecache.te3p.com/imgcache/5187cbeb224c91cc8bc7dd0a38dc4485.gif (http://forum.al-wlid.com/redirector.php?url=aHR0cCUzQSUyRiUyRnd3dy5zaHkyMi5 jb20lMkY=)

http://imagecache.te3p.com/imgcache/06ae6d79914b0eab1c1e72a02ce0a034.gif (http://forum.al-wlid.com/redirector.php?url=aHR0cCUzQSUyRiUyRnd3dy5zaHkyMi5 jb20lMkY=)

ابو عبدالرحمن
ودي اني جنبك من شان امطخك ولو اني شره عليك بهالانقطاعه بس هالمرماع نسانا
لله درك لله درك لله درك
والله اني وانا المح كنت على البال وما خاب ظني فيك
نعم
شلالات حنجرة الشيطان
وماقصرت بالشرح

[ابو ماجد 2]

السلام عليكم ورحمة الله وبركاته

ماشاءالله لغز محكحك ومتكتك يدل على ألأحترافيه
حيث شمل القوه كاشعروقافيه دسمه خاليه من الكرسترول
وقوه بالوصف وزود على ذالك مجارات ابو نايف بعد وجبت الغزنحلي بحلاوة الردالجميل متمم للوجبه
وايضا رايقنا روقنا برد على قلوبنا بكوكتيل
لنختم فيه الوجبتين ونقول أنعم الله عليكم
وفيتو وكفيتو

تحياتي


هلا بك يابو عبدالله
صح بدنك
وما عليك زود
كلماتك الطيبه احس ان وراهن ماوراهن الله يستر
كان الوالد رحمة الله عليه يقول اذا سبح القيطون فقد هم بسرقه
هههههههههههههه
ارفق على اخيك العوووووووووووووود
والحل عند برق القصيم
شلالات حنجرة الشيطان وشف صورهن يابو عبدالله ويرجعن لك شبابك

[ابو ماجد 2]

تسلم عل عمرك طويل على العز والمعزّه,,أخوي برق
ومن الآن اقول كفو =اذا اذن لي الفارس الله يسلمه
------
لكن القهر انك ما انت مخاوينا لها....بحكم ان ابوماجد يقول ودك يبدلونه بدال الضلع:D:good2:


كفووووووووووووو كفووووووووو
انت وبرق القصيم
تاييد موفق
بيض الله وجيهكم جميعا
واذا بغوا يستبدلون الضلع الحمر بهالشلالات سيحرم منهن برق القصيم وابو علي وهالاثنين حتى لو يتعمدون الغلط مايقدرون الله يزيدهم