عدة متكاملة لسيارة وللبيت ودريل

[trooq]

السلام عليكم ورحمته الله...

معليش الموضوع فيه لفه شوي :D

ابي اشتري عدة متكاملة +دريل بوش

طبعاُ لقيت العدة عند ساكو حوالي 138 قطعه طبعاً صناعة صينية لشركة امريكية؟؟

وفي دريل بوش شحن

طبعاً ابيها استخدام شخصي لأي شي سواء بالبيت او السيارة وغيرها...

فمشورتكم هل باخذ العدة اللي صناعتها صينية لشركة امريكية ؟؟يقول انها درجة اولى وسعرها 350 تقريباً..

انا اللي عجبني فيها انها شنطة ماتاخذ حيز كبير من السيارة ...:)

فاياليت اللي عنده خبره يفيدنا...

واذا في بديل افضل سواء قل السعر او زاد ياليت تفيدونا...

[ksaboss]

اخي trooq اشجعك على الخطوة هذي بس عندي لك تنبية:

الدريل الشحن للخشب و ليس للاسمنت. انتبه لا تشتريه اذا كنت تبغى تستخدمه لجدران البيوت في السعودية. اما الدريل المستخدم للاسمنت دائما يتوصل بكهرباء 220 فولت.

[trooq]

الدريل نوعه بوش ويستخدم للجدارن والخشب وللحديد بس صناعته صيني طبعاُ القطع انت تشتريها حقت الخشب والحديد والجدران كلن منفصل عن الثاني..

بس مشكلتي ياخوي انه هل يعيش معي او لا وخاصه انه صيني سواء عده او دريل...

والله لا يحوجنا لها لكن الواحد يحتاط فيها..

[ksaboss]

اذا تقصد زي هذا الدريل
http://www.prlog.org/10258772-bosch-drills.jpg

لا تخسر نفسك و تشتريه لانه مستحيل يدخل في الجدار الاسمنتي. قوته فقط 14 فولت و يجي منه اقوى شوي 18 فولت


انت تحتاج 220 فولت مشابه لهذا
http://www.goinfomart.in/tamanna/images/bosch%20drill%20machine.jpg

علشان تقدر وقتها تركب ستارة او تثبت شاشة بلازما في الجدار او غيرها من الامور اللي تستلزم تخريم للجدران

موفق

[trooq]

اذا تقصد زي هذا الدريل
http://www.prlog.org/10258772-bosch-drills.jpg

لا تخسر نفسك و تشتريه لانه مستحيل يدخل في الجدار الاسمنتي. قوته فقط 14 فولت و يجي منه اقوى شوي 18 فولت


انت تحتاج 220 فولت مشابه لهذا
http://www.goinfomart.in/tamanna/images/bosch%20drill%20machine.jpg

علشان تقدر وقتها تركب ستارة او تثبت شاشة بلازما في الجدار او غيرها من الامور اللي تستلزم تخريم للجدران

موفق

حسب كلام الفلبيني انه ينفع للجدار؟؟

بس مو مشكله انا عندي ابوسلك عند الوالد متى مابغيت بلطشه منه..

بس ابوشاحن 18 فولت شرايكم فيه؟؟؟

ولا تنسوا طقم العدة أهم من الدريل بتنصحوني باللي عند ساكو ولا في طقم بمكان ثاني؟؟

[الصمان 2]

أفضل منتجات شركة ماكيتا اليابانية

http://www.caulfieldindustrial.com/product_images/caulfieldindustrial.com/5-127B_L.jpg




رابط الشركة : Makita (http://www.makita.ae/Drilling_Fastening/drill.html)





متوفرة في شارع الريل .






.

[وبل نجد]

عليك بشارع الريل

فيه انواع واشكال

اذا تبي عدد صاحيه وممتازه بتكلفك حول ٣٠٠

واذا ماانت براعي فك وربط وشغل دايم
فاشتر حقات ساكو

يجي منهم ساكو اشياء زينه

موفق

[بريق الحسام]

الدريل زي ماقالولك الشباب لعمال الخفيفة

أما العدة فأحذرك من عدة ساكو ماشفت عندهم إلا أنواع سيئة وغالية ولكن فيع عدة ألمانية صناعة صينية وبحدود هذا السعر أنصحك فيها وتضم شنطة بلاستيكية قوية وفيها الحبات التقليدية والنجمة الطويل والقصير إسم هذه الشركة لم أنتبه ولكن تجدها عند غير ساكو المتخصصين في هذا المجال وجودتها عالية ويظهر في التماتيك الذي يركب فيه الحبات وذلك في عدم الفضاوة في التكة وتقاربها وهنا تظهر دقة الصناعة
عموما إذا أردت أن آتي لك باسم الشركة فأبشر وهي معروفة قل لهم أبغي طقم مفكات الألماني طبعا تصنع في الصين لكن كما قلت تلمس الجودة ولايأجذها إلا أصحاب الورش لجدمتها وجودتها

[trooq]

جزاكم الله خير...

بس وين شارع الريل..<<أنا بالرياض:(

وياليت تعطيني اسماء شركات و أماكن البيع...

ومشكورين ماقصرتم

[صاحب الذود]

شارع الريل قريب من الغرابي. اذا وصلت للغرابي اسئل اقرب واحد قله وين شارع الريل.

[GM_400]

نصيحه لايقربك دريلات بووش الأن صناعه صينيه رديئه الأصلي صناعة سويسري وموجود في الريل بدبل سعره

فيه بووووووش صناعة هنجاري جيد للبيوت والاستخدام الخفيف




و نوع ماكيتا الافضل على الاطلاق maketa ياباني




وكانك تبي لك وللزمن رح لشارع الريل وعليك بالعده اليدويه الألمانيه واليابانية وكان بالك طويل مر على الحراج بتحصلها مستعمله ونظيفه وبربع القيمه حتةى الدريل والصاروخ وووالخ

والدريلات فيه ياباني لك وللزمن وفي الحراج متوفره ببلاش وانت وحظك تحصل النظيف


فيه عده نوع ستانلي تتوارثها ما تخرب والحبه عندك الألماني بلا منازع تجي شنطتها سوداء

ساكو للأسف ماعاد يجيب صناعة قويه مثل أول لايقربك عدته ماتصلح الا لتركيب ستاير