المساعد الشخصي الرقمي

مشاهدة النسخة كاملة : مطلوب فني تكيف في الرياض


abo-lma
13/06/2012, 11:31 PM
السلام عليكم ورحمة الله وبركاته


أخواني المكشاتيه أنا أن شالله يوم الجمعه بكون في الرياض


وابي فني تكيف سيارات متخصص للنيسان الباترول


عندي المكيف عطلان والسبه من الكمبرسور

وابي فني تكيف يزبط المكيف والمروحة اليي قدام مولفها ويبيلها ترميم

اليي يخبر فني تكيف شغله عدل لا يخلينا

عسي الله يكفينا واياكم من نار جهنم


الجو لاهايب تروع القلب :f


وانا بمشي ان شالله من جدة يوم الجمعه لي لزوم في الرياض

قلنا خلنا نشوف لنا مهندس عدل دامنا وصلنا للعاصمة


لان جدة بالعربي ماحولك أحد


وبالتوفيق للجميع
ابو فهد...
14/06/2012, 12:26 AM
فيه واحد عند مخرج ١٤ كويس تروح معه شرق يجيك تي تروح يسار امش اول شارع سيدين يمين تروح معه امش يجيك شارع سيدين على اليمين امش يجيك سيدين على اليمين رح معه يجيك يمين محل صغير حق مكيفيات وثلاجات سعودي وعنده عامل شغلهم حلو وفاهم للباترول ونصوح
abo-lma
14/06/2012, 12:47 AM
ابوفهد جعل من جابوك للجنه

والله عجزت أفهم وصفك للمحل ماعندك رقم تلفونه او الاحداثي تكفي
كاشت وحداني
14/06/2012, 01:38 AM
فيه واحد عند مخرج ١٤ كويس تروح معه شرق يجيك تي تروح يسار امش اول شارع سيدين يمين تروح معه امش يجيك شارع سيدين على اليمين امش يجيك سيدين على اليمين رح معه يجيك يمين محل صغير حق مكيفيات وثلاجات سعودي وعنده عامل شغلهم حلو وفاهم للباترول ونصوح

شكرا لك على الافاده
لكن ليت توضح الوصف اكثر
لان مخرج ١٤ ما ينتهي ب تي الا في بوابة الحرس الوطني
وبيض الله وجهك


Sent from my iPhone using Tapatalk
al3teeq
14/06/2012, 11:09 AM
بوصف لك ورشه متخصصة في تكييف جميع انواع السيارات في الصناعية القديمه اسمها ورشة البلبيسي يفحصون المكيف اعتقد بمية ريال ويعطونك التقرير عنه كامل وماذا يحتاج وبعد تقريرهم لاتدور اذا صلحته عندهم يضمنون شغلهم ،وانا مجربهم بس غالين شوي.

مكانهم اذا جيت مع طريق علي بن ابي طالب متجه للجنوب بيجيك مسجد على يدك اليمين ادخل يمين وابتل وتشوف لهم على يمينك تقريبا بعد المسجد بــ300 متر او ازود شوي.
بالتوفيق
ماون ماركز
14/06/2012, 12:53 PM
تبي تدفع فلوس .. ويرجع مكيفك مثل بده وضامن عليه لو بعد عشر سنوات

رح للبلبيسي في الصناعية القديمة بالرياض

17 سنة بسيارتي بعد الأصلاح .. ولا تغير الى أن بعتها

تحياتي
abo-lma
14/06/2012, 09:32 PM
بيض الله وجيهكم

وتوكلنا علي الله نروح للبلبيسي

مالهم رقم تلفون او أحداثي للموقع
abo-lma
14/06/2012, 10:54 PM
شف علامة الزائد + اللي بنص الصورة .. وشف الأحداثية تحت على اليسار
عاد ما أدري عن الأحداثية هي 100/100 ع المحل ..

المهم أنه بنفس صفة ها المحلات .. واسأل عنه
http://wikimapia.org/#lat=24.633992&lon=46.7535341&z=16&l=0&m=s

شارع الأمام علي بن أبي طالب ( رضي الله عنه ) هو اللي بيمين الصورة .. جاي من تحت الى فوق ..


اقول بيض الله وجهك وتسلم يالغالي
المهاجر انا
14/06/2012, 11:06 PM
فيه سوداني عند حراج ابن قاسم شغله نظيف اسمه جمال اذا تبي رقمه راسلني اعطيك الرقم