راعي العجراء المبعوث الرسمي للدكان(البقاله)

[راعي العجراء]

السلام عليكم ورجمة الله وبركاته
اليكم هذه السالفه
وهي اهداء الى العضو الجديد ابو علي بمناسبة نجاحه من مستوصف محو الاميه للدعايه والمكيانيكا من جامعه عين شمس في حلة بن دايل وتعيينه عضو في خيمة السوالف الشعبيه في مكشات
وقد ذكرتني بها عمتي منيفه بعد خروجها من مستفشى الصحه التنفسيه للعلوم والتنكلوجيا من سبايب خطيبها الهيال يوم يطيح من الخيل وقد ردت لها الذاكره بقوة ربع قيقا للساعه ولفتره محدوده 15 ريال للساعه الواحده والعرض مستمر حتى نفاذ الكميه
والمصيبه ان الهيل طاح من الخيل وعمتي منيفه هي اللي صار عندها ارتجاج بالمخيخ الايسر بالركبه اليمنى وادخلت على اثره للمستفشى
اليكم السالفه
قبل اسنين واجد على وقت بيوت الطين وقد كان عمري بالطعش مدري تسع مدري ثمان اسنين وكان عندنا عزيمه ومجتمعات بنات عمومتي وبنات خوالي وبنات الجيران وبنات حارس المدرسه جايت مع اهلهن وانتم عارفين ذاك الوقت القرش له قيمه مابالك الريال ويوم صار العصر قالو البنيات تروح للدكان ياراعي العجراء اللي هي البقاله الحين ماكنا نعرف الا الدكان البقاله عقب ماتطورنا وخطت شواربنا سمينها البقاله من زود التمدن تشتري لنا حلاو ونعطيك قرشين لك عن روحتك للدكان قلت مايخالف
وهم يجيبون ورقه وقلم وكل وحده تكتب اسمها وتكتب طلبها وكم دفعت اللي قرش واللي اربع قروش حتى صار اللي معي اكثر من ريالين عاد وش طلباتهن
حلاوة عود (حلاوة مصاص ) واللي حلاوة برميت واللي حلاو قطن واللي كاكاو
وكل وحده تمد رجله قدر اقروشه
وانا اروح للبقاله منطلق بقوة 7 درجات بمقياس رختر واول ما شريت بقرشيني حلاو على ذوقي واختياري
والباقي شريت فيه كورة صب بريالين وانا اجيك يمهن وعطيهن الكوره يوم شافن الكوره وهن يجيهن عقر البقر كل وحده في محلها ماتقدر تقوم اللي تصيح واللي تضحك بنات وجايب لهن كوره والله من زين الدبره ياراع العجراء وهن المسيكنات كل وحده تتلعمط بالسانه تحتري حلاوها قبل مايجي
لو جايب لهن مصاقيل اهون
بس يحمدن ربهن لو لقيت عظيم ساري جبته لهن بس منقطع من السوق ذيك الايام
وانا اعطيهن الكوره واطلع وخليهن يصيحن بعضهن الى الحين مادة السانه عقب ذاك التلعمط تحتري حلاوها صارت عاهه فيها مستديمه من هول الموقف
الحريم سمعن الصياح ولا يدرن عن السبب يوم درين بالسالفه وماتسمع الا ضحكهن
وتصير العزيمه تحت مسمى عزيمة الكوره لماوراء البحار ذات مسئوليه محدوده
المهم ماعلي منهن الكوره ماهيب مقسمة بينهن يوم راحوا وتفرقوا ولا الكوره بالبيت
خوش مكسب
انتهت السالفه
وانا لله وانااليه راجعون
وارجوا ان اكون وفقت في سردها لكم وقبل الختام
سبحانك اللهم وبحمدك لا اله الا انت استغفرك اللهم واتوب اليك
دمتم بالف عافيه
والله يحفظكم
اخوكم ابو جلنبوا والسبانه

[BDER-C1]

الله يكفينا شرك يا ابو العجراء داهيه ومصيبه انشهد ,,

[عابر سبيل 1]

حياك الله ...
كــــــــــــــوره
نعنبو بليسك ماتجوز عن سوالفك ...
تشتري للبنيات كوره ياللي ماتستحي ...
سرد مميز ...
تحياتي لك ...

[راعي العجراء]

الله يكفينا شرك يا ابو العجراء داهيه ومصيبه انشهد ,,

هلابك يالغالي
وان شاءالله مافيني شر ولا مصيبه
كل مافي الامر سوالف طوتها السنين وردتني للحنين
الى ايام الصباء وحلاوة ام عود وعسكريم ام سعود
في اكياس الباغات الظاهر انها تثلاجها بفريزر القربه مدري في مطارة الهدلق
دمت بخير

[راعي العجراء]

حياك الله ...




كــــــــــــــوره
نعنبو بليسك ماتجوز عن سوالفك ...
تشتري للبنيات كوره ياللي ماتستحي ...
سرد مميز ...


تحياتي لك ...


هلابك ياعم عابر سبيل
تواجدك بهذه السالفه خلا صدري صندوق تريلا
من وسعه
تشتري للبنيات كوره ياللي ماتستحي ..
اقول يحمدن ربهن ماشريت لهن عظيم ساري والا كعابه

[ال-رايق]

السلام عليكم ورجمة الله وبركاته
اليكم هذه السالفه
وهي اهداء الى العضو الجديد ابو علي بمناسبة نجاحه من مستوصف محو الاميه للدعايه والمكيانيكا من جامعه عين شمس في حلة بن دايل وتعيينه عضو في خيمة السوالف الشعبيه في مكشاتالله يحييه وبين اخوانه ومن رحب به راع العجراء لزاما نرحب به/لكن حسب مؤهلاته اي جهه هي المسئوله عن تثبيته -احولّت عيوني وانا اطالع :looney:
وقد ذكرتني بها عمتي منيفه بعد خروجها من مستفشى الصحه التنفسيه للعلوم والتنكلوجيا من سبايب خطيبها الهيال يوم
هههههههههههههههه وااااااااااااو ياراسي من الصعارير من كثر مايصفق بالجدار من الضحك..ياخوي ارفق علينا حسبي الله على شيطانك يطيح من الخيل وقد ردت لها الذاكره بقوة ربع قيقا للساعه ولفتره محدوده 15 ريال للساعه الواحده والعرض مستمر حتى نفاذ الكميه
والمصيبه ان الهيل طاح من الخيل وعمتي منيفه هي اللي صار عندها ارتجاج بالمخيخ الايسر بالركبه اليمنى وادخلت على اثره للمستفشى
ههههههههه كيف يعني مافهمت ..آه تقصد لو يشم البهارات اللي انت قطّعتها يوم الكاتم =منيفه هي اللي تعطس هههههه..هذي التضحية ولا بلاش وتقولون مافيه رومانسية اول:D:good2:
اليكم السالفه
قبل اسنين واجد على وقت بيوت الطين وقد كان عمري بالطعش مدري تسع مدري ثمان اسنين وكان عندنا عزيمه ومجتمعات بنات عمومتي وبنات خوالي وبنات الجيران وبنات حارس المدرسه جايت مع اهلهن وانتم عارفين ذاك الوقت القرش له قيمه مابالك الريال ويوم صار العصر قالو البنيات تروح للدكان ياراعي العجراء اللي هي البقاله الحين ماكنا نعرف الا الدكان البقاله عقب ماتطورنا وخطت شواربنا سمينها

خطت شواربكم نسخ ولا رقعه ههههههههه البقاله من زود التمدن تشتري لنا حلاو ونعطيك قرشين لك عن روحتك للدكان قلت مايخالف
وهم يجيبون ورقه وقلم وكل وحده تكتب اسمها وتكتب طلبها وكم دفعت اللي قرش واللي اربع قروش حتى صار اللي معي اكثر من ريالين عاد وش طلباتهن
حلاوة عود (حلاوة مصاص ) واللي حلاوة برميت واللي حلاو قطن واللي كاكاو
وكل وحده تمد رجله قدر اقروشه
وانا اروح للبقاله منطلق بقوة 7 درجات بمقياس رختر واول ما شريت بقرشيني حلاو على ذوقي واختياري
والباقي شريت فيه كورة صب بريالين وانا اجيك يمهن وعطيهن الكوره يوم شافن الكوره وهن يجيهن عقر البقر كل وحده في محلها ماتقدر تقوم اللي تصيح واللي تضحك بنات وجايب لهن كوره والله من زين الدبره ياراع العجراء وهن المسيكنات كل وحده تتلعمط بالسانه تحتري حلاوها قبل مايجي
لو جايب لهن مصاقيل اهون
بس يحمدن ربهن لو لقيت عظيم ساري جبته لهن بس منقطع من السوق ذيك الايام
وانا اعطيهن الكوره واطلع وخليهن يصيحن بعضهن الى الحين مادة السانه عقب ذاك التلعمط تحتري حلاوها صارت عاهه فيها مستديمه من هول الموقف
الحريم سمعن الصياح ولا يدرن عن السبب يوم درين بالسالفه وماتسمع الا ضحكهن
وتصير العزيمه تحت مسمى عزيمة الكوره لماوراء البحار ذات مسئوليه محدوده
المهم ماعلي منهن الكوره ماهيب مقسمة بينهن يوم راحوا وتفرقوا ولا الكوره بالبيت
خوش مكسب
انتهت السالفه
وانا لله وانااليه راجعون
وارجوا ان اكون وفقت في سردها لكم وقبل الختام
سبحانك اللهم وبحمدك لا اله الا انت استغفرك اللهم واتوب اليك
دمتم بالف عافيه
والله يحفظكم
اخوكم ابو جلنبوا والسبانه

تسلم الله يوسع صدرك بالعافية -والله مدري وش اقول لك
لكن تراهم يبون مدرب في المنديال=طبعا حريمنا عيب يلعبن برا=وعيب يلعبن اصلا ..لكن نبغاك تدرب منتخب تشيكوسلوالمانيا البرتغالي التفاحي الاصفر النسائي الرجالي.
ولك اجمل تحيه يا اجمل مكشاتي.
والف مبروك تثبيت خوينا ابوعلي.

[ابو الشبرميات]

حرام عليك ياراعي العجراء
كسرتَ خواطرهن ولعبتَ عليهن
وفعلتك هذي جريمة بشعة جداً وشنيعة
بحق اخواتنا المغلوبات على امرهن
لكن لازم تكفر عنها وبسرعة
واتوقع ان ابو مهند ال رايق يقدر يحدد الحكم عليك لو ما يجينا الا تيس اصمع ما خالفنا
...

[هيل]

السلام عليكم ورحمة الله وبركاته
حسبي الله عليك ياراعي العجراءأنت وسوالفك
كان كل سالفه أفضل من الثانيه ومشاءالله عليك نبع من السوالف
بس تراي قاهرك بالخيل ,أسئل ابومهند يوم أنزل ألخيل بحفرة بنشري
علشان نبي أنصورك نبيك تركب أنت ركبت بس أفخوذك من كبرهن
أنشبن بالحفره ويالله مكعناك مكع من ظهر الخيل وصار الخيل يجفل
أذا شافك من حملن تحمله الضعيف


لاشفت أسمك .أصبح المخ مشدود

عـمك مـنيـفـه. هـل عـياله يجـونه؟

قـطـع الوصل لا.ماهـوب محـمـود

مادري وراهـم ليه. هـم مايـبـونه؛



قالو السبب انك .طمعان بالذود

لجـل الـتفـرد بالـبهـم .والمـؤنه


حرضتهم عليه .ثابت وبه أشهـود

نسيت بالعجراء. تبي تكسر سنونه

ون ماعقلت خليت.عـيونك الـسود
كنه معصورنبه .ابوزهير لـيمـونـه

مع فائق التقدير والاحترام للجميع
الهيل

[Al3rands]

ههههههههههه شلون جت فكرة حلاوة عود وكورة صب

[راعي العجراء]

تسلم الله يوسع صدرك بالعافية -والله مدري وش اقول لك





لكن تراهم يبون مدرب في المنديال=طبعا حريمنا عيب يلعبن برا=وعيب يلعبن اصلا ..لكن نبغاك تدرب منتخب تشيكوسلوالمانيا البرتغالي التفاحي الاصفر النسائي الرجالي.
ولك اجمل تحيه يا اجمل مكشاتي.
والف مبروك تثبيت خوينا ابوعلي.


الله يسلمك يابو مهند على هذا الحضور
واشكرك على كل حرف سطرته
صحيح انا اخذت دوره تدريبه في جميع الالعاب الرياضه
وكانت البدايه في تنس الطاوله ومسكوني حارس تنس طاوله واخذت جائزه احسن حارس في دورة الالعاب الشتويه للتزحلق على الجليد الاولمبيه في مدينة لكسمبرغ في بنجلادش ثم تم تكليفي في حراسة كرة السله ويشوتون علي من خط السته يارده وعجزوا يجيبون هدف حتى البنتي صديته
والسبب اني منسدح داخل الشبكه ودابخها نومه ماطلع من السله الا راسي
ثم تحولت الى مدرب في هندكستان بولايه مشيقن وحققت المركز 13 وعطوني الميداليه القرمزيه الخشبيه (جبر خاطر) وياليتك حاضر يوم شالوني على الاعناق في هند كستان
عقب تحقيق الميداليه
وانا بالصراحه دخت عليهم يوم رفعوني فوق هم يحسبوني دايخ من الفرحه وانا دايخ من ريحة الزيت المحروق في روسهم لا شميت اباط الواحد تقول تيس فايحه ريحة كلتشاته
دمت بخير

[راعي العجراء]

حرام عليك ياراعي العجراء

كسرتَ خواطرهن ولعبتَ عليهن
وفعلتك هذي جريمة بشعة جداً وشنيعة
بحق اخواتنا المغلوبات على امرهن
لكن لازم تكفر عنها وبسرعة
واتوقع ان ابو مهند ال رايق يقدر يحدد الحكم عليك لو ما يجينا الا تيس اصمع ما خالفنا
...



هلابك يابو الشبرميات
وهلا في حضورك
بالصراحه انا بعدين خجلت من نفسي يوم شريت كورة الصب
ولعبت على البنيات
قلت ان شاءالله لاصار معي قروش ابا اعوضهن واشتريلهن كورة جلد اديداس بدل كرة الصب

[راعي العجراء]

السلام عليكم ورحمة الله وبركاته






حسبي الله عليك ياراعي العجراءأنت وسوالفك
كان كل سالفه أفضل من الثانيه ومشاءالله عليك نبع من السوالف
بس تراي قاهرك بالخيل ,أسئل ابومهند يوم أنزل ألخيل بحفرة بنشري
علشان نبي أنصورك نبيك تركب أنت ركبت بس أفخوذك من كبرهن
أنشبن بالحفره ويالله مكعناك مكع من ظهر الخيل وصار الخيل يجفل
أذا شافك من حملن تحمله الضعيف



لاشفت أسمك .أصبح المخ مشدود



عـمك مـنيـفـه. هـل عـياله يجـونه؟




قـطـع الوصل لا.ماهـوب محـمـود




مادري وراهـم ليه. هـم مايـبـونه؛






قالو السبب انك .طمعان بالذود




لجـل الـتفـرد بالـبهـم .والمـؤنه






حرضتهم عليه .ثابت وبه أشهـود



نسيت بالعجراء. تبي تكسر سنونه



ون ماعقلت خليت.عـيونك الـسود


كنه معصورنبه .ابوزهير لـيمـونـه






مع فائق التقدير والاحترام للجميع


الهيل















لا يهابيــل الراي يالهيــل مقــرود ... مخك هبيـــــل لركبتـــك ينسبونه


هذا كلامك ياعسى الهرج محـدود ... خلك شجاع واترك الخوف دونه


ترا منيــــــــفه سقتها لك بقـــــيود ... قيدتها قيـــــد الطفل يمهــــدونه


واليـــــوم لليتمان يالهيـــــل منقود ... طمعت بورث شفتهم يقســـمونه


ادعيتهم يالهيـــــــــل ملـــح وبارود ... ويتمتهم يالهــــيل بأم حنـــــــونه


يوم الوصل من بينكم صار معقود ... فرقت شمل عقـــــب جمع يبونه

[غريبه]

أسعدتنابسالفتك أخوي راعي العجراء
أجل مساكين يتحرون الحلاو وانت صكيتهم
بكوره وأي كوره لوتصكك دار راسك يوم كامل
الله يسعدك دنيا وآخره مثل ماأسعدتنا بسواليفك
شكري وتقديري لك ننتظر جديدك
التي لاتمل وكل سالفه لها مذاق خاص

[النبهاني]

وعليكم السلام ورحمة الله وبركاته
ياهلا ببوجلمبو
واهلاً وسهلاً بالعضو الجديد ابو علي
وعمتي منيفه هي اللي صار عندها ارتجاج بالمخيخ الايسر بالركبه اليمنى وادخلت على اثره للمستفشى والسلام عليكم قضت الاخبار
على غرار كل عام وانتم بخير انتهى العيد
مبدع كما عهدناك ياراعي العجراء
دمت بخير

[ال-رايق]

الله يسلمك يابو مهند على هذا الحضور
واشكرك على كل حرف سطرته
صحيح انا اخذت دوره تدريبه في جميع الالعاب الرياضه
وكانت البدايه في تنس الطاوله ومسكوني حارس تنس طاوله واخذت جائزه احسن حارس في دورة الالعاب الشتويه للتزحلق على الجليد الاولمبيه في مدينة لكسمبرغ في بنجلادش ثم تم تكليفي في حراسة كرة السله ويشوتون علي من خط السته يارده وعجزوا يجيبون هدف حتى البنتي صديته
والسبب اني منسدح داخل الشبكه ودابخها نومه ماطلع من السله الا راسي
ثم تحولت الى مدرب في هندكستان بولايه مشيقن وحققت المركز 13 وعطوني الميداليه القرمزيه الخشبيه (جبر خاطر) وياليتك حاضر يوم شالوني على الاعناق في هند كستان
عقب تحقيق الميداليه
وانا بالصراحه دخت عليهم يوم رفعوني فوق هم يحسبوني دايخ من الفرحه وانا دايخ من ريحة الزيت المحروق في روسهم لا شميت اباط الواحد تقول تيس فايحه ريحة كلتشاته
دمت بخير


اصبر الله يحسبي على غيرك
نويت اقدم اجازة اضطرارية عرضيه سنويه فوق طعش يوم (على قولتك)
من شان اجمع هالاسلاك ..والله ماعاد هن عيوني اللي احولن
كل شي.
وكنت احسب الفرحه هي سبب الاغماء-واااااااااااوه وين جبت هالهرج منه-- وصار من ابو هنّودكستان الكشصيني.وتقول زيت محروق (اباط الماخوذ يبي لهن صوف عشان ماتهرب)
خرّبتنا الله يهديك.
تبينا ناخذ دورة في امريسيا مدري روكيا:D:good2:
---
لكن صورتك صوب وأطفال مدارس الرياض النموذجيه صوب
اصلا مايسوونك خصوصا ماشاء الله المشية العسكرية فيك(انظر رفعة الرجل اليمنى) وانت ما بعد خط شنبك.
تسلم تسلم تسلم الله يعزّك ياشيخ.

[قوافي ( أم نهار )]

عليكم السلام ورحمة الله وبركاته


المهم ماعلي منهن الكوره ماهيب مقسمة بينهن يوم راحوا وتفرقوا ولا الكوره بالبيت
اكيد ما عاد عطوك تشري لهن ..
الله يوسع صدرك بالعافيه..طبت وطابت سواليفك ..
دمت بحفظ الله
تحياتي وتقديري واحترامي
اختك
..قوافي..

[الدافور 1430]

الله يسعدك دنيا وآخره مثل ماأسعدتنا بسواليفك

[هيل]

السلام عليكم ورحمة الله وبركاته
ذا راعي العجراء بالعيش مفرود
كل الجماعه والربع مايبونه
خبيلن وكل يومن و مجلود
مابه الا الشنب والكبرفي عيونه
بالدرس ماأفلح بس يقعد ينود
همه بطينه بس ويش يعطونه
الي مسكله درب إدرهم سنود
ثم نرسل العربان لهله يردونه
يجيله أيامن والعقل مشدود
الجن في راسه مقره سكونه
كل السوالف يحلمبه رقود
ثمن يسولف من ليله يجونه
ماهم بشر لله وأثبات موجود
يسمر طوال الليل مع ربعه جنونهتحياتي

[ال-رايق]

راعي العجراء(ابو جلمبو)---------الهيل(ابوعبدالله)

أنتما يا أغلى وأغلى وأغلى الحبايب؟؟؟؟؟
دعاني أقول لكما:
لله دركما لله دركما لله دركما لله دركما

لله دركما لله دركما لله دركما لله دركما

لله دركما لله دركما لله دركما لله دركما

لله دركما لله دركما لله دركما لله دركما


كل شعر يدور سجاله في هذه الساحه بينكما
قمة في الابداع والامتاع
تحياتي وتقديري

[ناصر العلي]

وعليكم السلام ورحمة الله وبركاته
وحيا الله أخونا العضو الجديد أبوعلي
أسفرت و أنورت
:r:r:r:r:r:r:r
لايمقرودات هالبنيات
مالقن يرسلن يجيب لهن مقاضيهن إلا أنت
والله ياأبوجلنبو ماقواك إلا الباكستاني اللي
أخذ موقف سيارك بالخبر
:D:D:D
وماشاءالله
كلك ملح يوم صغنون
لو تفصخ ثوبك وتوقفه إن ياقف
لك مني خالص الود

[راعي العجراء]

ههههههههههه شلون جت فكرة حلاوة عود وكورة صب

هلابك يالعرندس
اعلمك وشلون جت الفكره
جت على هايلكس موديل 73

[أبوفيصل 2007]

هههههههههههههههههههههههههههههههه والله سالفة تمام التمامي ولا وفي الموضوع شعر ورد قصيد بعد

[ذيب الفقارة]

ما قول غير الله يستر من السالفة الجاية

تراكم مثل اللي يصب الكاز على النار

تحياتي وتقديري

[راجي السيل]

مشاءالله عليك نبع من السوالف

[فهد 003]

هههههههههههههههههههههههههههههههههههههههههههههههههه هههههاااااااااااااااي
فقعت تسبدي من الضحك اتخيل اشكالهن عند باب البيت ينتظرون الحلاو هههههههههه
بس البنات هذول على نياتهن لو وحده فيهن ذكية كان حذفت الكورة او قطعتها بالسكين عشان ماتستفيد منها هههههههههههه

لبى سواليفك والله قرقعت بلعومي هع هع

[راعي العجراء]

أسعدتنابسالفتك أخوي راعي العجراء
أجل مساكين يتحرون الحلاو وانت صكيتهم
بكوره وأي كوره لوتصكك دار راسك يوم كامل
الله يسعدك دنيا وآخره مثل ماأسعدتنا بسواليفك
شكري وتقديري لك ننتظر جديدك
التي لاتمل وكل سالفه لها مذاق خاص

هلابك يالغريبه
اشكرك على حضورك وردك بهذه الكلمات الجميله
والمسيكنات اعرسن وهن يتحرن الحلاو الى يومنا هذا
دمتي بخير

[عاشق الوعل 1]

الله يمتعك بالصحة والعافيه ياراعي العجراء والله انك متعتنا بهالسالفه وهذا الذي جعلني
دائما عند دخولي على قسم الالغاز يتحول نظري الى الجهة اليسرى من الشاشة وكأني
مثل الذي يشري الجريدة و اول مايقرأ اخر صفحه منها وانا واحد من هالعينة ,
اخوي راعي العجراء اتمنى من رحيمك الهيل ان يكلفك باعادة الاموال التي اخذتها
من هالبنيات الآن وتجيب له من كل وحده براءة ذمه انك سددتها ومؤثق من المحكمه
ويجب على الهال ان لايتهاون معك بهذا الموضوع .

[تلميذ]

ترحيب جميل بالعضو الجديد ابو علي ... ويستاهل
اما انت ياراعي العجراء ... ما فيك حيله
على بابا كبير على قوله الهنود ...
سلمت ودمت ايها المتالق ووالرشيق في علومك وسواليفك
امتناني

[ابو صفوق]

هههههههه ياوالله مبعوث
شريت اللي تبي وتركت البنيات أمام الامر الواقع
لوانا منهم شققت الكوره
مبدع لا منازع
اخوك
ابو صفوق

[الزعول]

والله من الخبال يارع العجراء
بس مقبوله منك

[موسى الشنور]

حتى البنات ما سلمة من قالب راع العجره

[راعي العجراء]

اشكركم على حضوركم في هذه السالفه كثيره
وانتم عارفين راعي العجراء تعوقه الكتابه في اصبع واحد
وانتم خير من يعذرون
لذلك اقدم لكم جل اسفي على هذا الرد الجماعي
والله يحفظكم