الله يخليكم فزعتكم ياخوان

[قلب الشارجه]

السلام عليكم ورحمه الله



اخوني الكرام هاذي اول مشاركه لي ولو ممكن تفيدوني


انا عرضو علي طيرين وانا ما اعرف شي في الطيور واحد منهم حر وثاني يسمونه في الامارات قرموش من عند واحد اعرفه قالي اختار واحد كهديه نجاح ولثنين كبار مب وايد وايد بس كبار ومب مدربات شو رايكم اي واحد اختار؟؟
ما عندي صور


والتدريب سهل ولا صعب؟؟

و اي واحد اسهل في التدريب؟؟


ما تقصرون وسلامتكم


دمتم بود

[قلب الشارجه]

وينكم ليش محد معبرني؟؟

[طيرحوران]

أبشر بسعدك ياقلب الشارجه الشارقه

والله ياخوي امرك محير لأنك لم تصف الطيور وصف جيد

عموما أسئله عن عمر كل من الطيور ولا تدري أقولك أختر الحر الوافي وخل عنك القرموشه

والف شكر

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير يا خوي / قلب الشارقه
انت وان اخوك ما وضحت شيء يعتمد عليه الصقارين في إبداء الراي
لكن اسمع قرموشه معناه في شرق الخليج( الرجل اللي ما فيه خير )
وفي غرب الخليج يقولون كوبج ( الرجل ما فيه خير )
وفي نجد يحترمونه شوي ويقولون مثلوث (يعني دقاق ما فيه عرض )
ومن باب العقل والمنطق اللي ما فيه خير وش ينبغى به

والسلام
الفيتو
الحجاز
25/6/1427هـ

[قلب الشارجه]

مشكووورين اخواني ما قصرتو وياي

[قلب الشارجه]

بس يل اخوه محد ساعدني بسوالي عن التدريب لانهم مب مدربات



التدريب سهل ولا صعب؟؟



ومشكورين

[قلب الشارجه]

وكيف ممكن اتعلم ادربه كتب خاصه ولا مدرب ولا شوو؟؟

[خيال الصبحا]

السلام عليكم
أنت أن أخذت الطير
عطه لأي صقار يدربه لك
وتدريبه راح ينعكس عليه مستقبلاً
أن دربته تدريب زين يصير لك زين
وان كان التدريب نص ونص يصير لك الطير
نص ونص.أنت شف لك أي صقار تعرفه وخله يدربه لك
أتمنى أكون أفدتك.وشكراً.

[قلب الشارجه]

مشكووور اخوي

خيال الصبحا (http://www.mekshat.com/vb/member.php?u=29508) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_429954", true); </SCRIPT>



انا ما اعرف غير صقر ولحد وهو نفسه الي بيعطيني الطير بس للاسف بيسافر بعد اقل من اسبوع وما بيرجع الا بعد سنه((دراسه))



ما من حل بديل؟؟


ما في محلات في الامارات يدربون؟؟


وشكرا

[المطيري 1]

السلام عليكم (((((((((( ))))))))))

اخوي قلب الشارجه بالنسبه للطير اختار الوافي مثل ماقالولك الاخوان وبالنسبه للتدريب أسأل صاحبك راعي الطير عن اماكن التدريب وتكون قريبه لك


ومع تمنياتي لك بالتوفيق

[قلب الشارجه]

مشكوووورين اخواني كلكم ما قصرتو

[solo_909]

اقول يا قلب الشارجه
اذا شي من الطيور الي قلت للبيع خبرني
واذا تبي من يدخل الشتا انا عارف واحد فاضي ممكن يدهل لك الطير و يعلمه لك تعليم طيب

[قلب الشارجه]

يا solo 909

تعرف حد في الامارات ؟؟


لانه انا في الامارات


ومشكووور

[solo_909]

نعم انا اكلمك عن واحد هني في الامارات

[قلب الشارجه]

لو ممكن يا سولو تضيفني بلايميل


el_s0ol3y@hotmail.com


ونتفاهم


شو رايك؟؟


ومشكووور

[1400]

السلام عليكم
ودي افيدك بأي شي لكن ما اعرف اي شي عن الصقور..........
بس اعرف شي واحد وهو:
الاستخارة مع المشاورة الاستخارة مع المشاورة


ماندم من استشار ولا خاب من استخار