مشكلتي ما احد يقبل يصلح سيارتي (ساعدوني ). [الأرشيف]

ابو البر

15/06/2012, 02:00 AM

عندي سياره كرفان (موتر هوم ) وفيه تفتفه بالسياره ورجه ترج السياره بالكامل عند الدعس على البنزين.

السياره مكينتها (مكينة جمس 454) والقير اتوماتيك وكل ما فيها مثل اللي بالجمس 79.

المشكله اللي انا فيها ما فيه ورشه تقبل تصلحها لأن حجم السياره كبير وكل هالميكنيكيين يقولون ما فيه مكان .

طبعا انا اتكلم عن صناعية ام الحمام بالرياض والعروبه .

ياليت فيه احد يتوسط لي عند ميكانيكي يستقبل سيارتي وياخذ حقه كامل وفوقها حبة خشم .

والسلام عليكم .

سباريت خلا

15/06/2012, 10:38 AM

الله يسر لك أمرك

وجعين

15/06/2012, 10:52 AM

الى هلحين ماعرفت وشي سيارك حصنيه ؟

al3teeq

15/06/2012, 11:12 AM

لاحبة خشم ولاغيره ودها لصناعية الدائري الجنوبي يستقبلونك في الشارع لانها جديده ولا عندهم زباين بس اهم شي تروح للميكانيكي المضبوط.
وبالنسبة لما ذكرت في سيارتك انا مره كنت عند مركز ترايستار وكانوا يفحصون السيارات قبل يدخلونها للمركز وانا واقف جاهم واحد قالهم نفس كلامك وزيادة ان القير يفصل اذا طب مطب،اخذها الفني وفحصا ولما رجع قاله غير كراسي المكينه المشكله منها.

ابو البر

15/06/2012, 03:31 PM

نسيت اسلم عليكم في الموضوع .
المعذره .

قمت بتغيير التالي ولا نفع

كراسي المكينه وكرسي القير
بواجي واسلاك بواجي
واتوماتيك مروحه ومروحه
وتصييخ الرديتر
وطقم سيور
وفحمات اماميه وخلفيه
ومساعدات اماميه وخلفيه

ولازالت المشكله .

االجباب

15/06/2012, 03:39 PM

البلاء في المكينة !

وجعين

15/06/2012, 04:41 PM

البلاء في المكينة !
غير صفاي البنزين بس الرجه مع الدعس هذي موضوعه ثاني

ابو البر

15/06/2012, 08:59 PM

غير صفاي البنزين بس الرجه مع الدعس هذي موضوعه ثاني
هلا بك

اساسا اول شي سويناه هو اصلاح كربريتر وصفاية بنزين.

وكل الشغل اللي سويناه كان برا الورشه .

اللي حاصل الحين ان الميكانيكيين يقولون عشان يكشفون على حذاف المكينه او ثقال عموم المكينه انه لازم يكون الكشف داخل ورشه عشان الرافعه او عشان حفرة .

وكلهم يقولون ان الورش صغيره .

متقاعد مبكر

15/06/2012, 09:10 PM

ابو البر

16/06/2012, 01:28 AM

نصيحه افحص الديلكوا زين احيانا الجلد الموجوده بالعمود تتلف يعني شيك عليه بطريقتك وصنفر ونظف واذا فيه امكانيه غيره واسلاك البواجي الي خذتها طلعها واحد واحد وخذ بوجي من الاولات وركبه في السلك وخل واحد يدق سلف وانت قربه من اي سالب في المكينه وشوف يطلع منه كهرباء ولا لا مر عليها كلها واحد واحد والسلك الي ما يطلع منه كهرباء غيره حتى ولو كان جديد تقبل مروروا واتمنا ان اكون قد افدتك
يا رجال
يومنه جاني احباط من هالميكانيكيه
رحت يم واحد يقولون فاهم وهو فعلا قال مثل كلامك
الديلكو يحتاج الى تغيير قطع فيه
المهم قاللي ترا يمكن هاذي تسوي المشكله ولاكن بنشتري القطع على حسابك وان صابت صابت وان ما صابت فلا تلومني .
قلت له على الله سوها .

وسوينا تغييرات شامله لكل القطع اللي بالديلكو ولاكن ما فيه نتيجه .

والله يطول بعمرك على مشاركتك .

انا احس ان السياره يبغالها واحد وسيع صدر وعنده ورشه كبيره .

صاروخ الغطغط

16/06/2012, 01:40 AM

هاذ ي الحاله كانت في جمس عند جارنا وطلعت الظفيره مجموعة الاسلاك فيها لخبطه في الكهرباء يفيدونا الزملا

al3teeq

16/06/2012, 09:37 PM

موقع صناعية الدائري الجنوبي اذا جيت نازل من الدائري الشرقي ومتجه للجنوب بيجيك مخرج 18 خذ معه يمين وبتلاقيها على يمينك.
اما اذا كنت جاي من طريق الملك فهد فاتبع اللوحات اللي تودي للخرج لحد مايجي المصنع على يمينك بعد المصنع تقريبا بــ800 متر بيجيك مخرج يمين كبري اطلع معه وخذ يسار تجيك الصناعيه على يمينك.
وللمعلوميه فيه صناعيه قبلها اسمها صناعية الحراج لوتمرها على طريقك يمكن تلاقي احد يصلح سيارتك.
بالتوفيق واعذرني الرسائل الخاصة موقفه عندي.

mekshaat

17/06/2012, 06:45 AM

فيه مهندس سعودي والفنيين اللي عنده فلبينيين يستقبل سيارتك وبيوقفها برا الورشه وبيصلحها في مكانها بس عطه وقت من اسبوع الى اسبوعين لأن عنده زحمه موقعه شمال الرياض.

المهاجر انا

17/06/2012, 07:33 AM

طيب يأخوي شيكت على الكنداسه يمكن مسدده وعلى فكره الكنداسه تسبب مشاكل الله يسر امرك

النجم 1435

17/06/2012, 08:09 AM

تأكد من التقالة الى على عمود الكرنك تعمل التفالة فى وزن عمود الكرنك
بعض محركات الموتر هوم تجى مكينة 400 واقف نفس حجم 350 بس تختلف من الداخل التقالة تختلف ادا تركب عليها تقالة 350 تعمل رجة قوية تحتاج مكنيكى فاهم فى المحركات القديمة

ابو البر

19/06/2012, 01:42 AM

فيه مهندس سعودي والفنيين اللي عنده فلبينيين يستقبل سيارتك وبيوقفها برا الورشه وبيصلحها في مكانها بس عطه وقت من اسبوع الى اسبوعين لأن عنده زحمه موقعه شمال الرياض.
الله يطول بعمرك والجميع
عطني رقمه انسق معه او عطه رقمي لاهنت

0551707858

ابو البر

19/06/2012, 01:44 AM

وجعين

21/06/2012, 10:15 PM

كان السياره يالله تمشي (تحبي)تدوس ولا تعطيك نتيجه تراى المشكله كهرباء وكانه تمشي صافيه شوي وتقطع شوي ترى عندك طرنبه البنزين ضعيفه او مليانه تراب ووصخ بعدين التفتفه اغلب شي يكون كهرب

ابو البر

28/06/2012, 06:51 AM

فيه مهندس سعودي والفنيين اللي عنده فلبينيين يستقبل سيارتك وبيوقفها برا الورشه وبيصلحها في مكانها بس عطه وقت من اسبوع الى اسبوعين لأن عنده زحمه موقعه شمال الرياض.
اتصلت عليه
وفي اثناء الا تصال صار لي موقف واضطريت اقول له بتصل عليك بعد شوي

الرجال شاف لهجتي جنوبيه او ان الرجال من الكلمتين اللي شرحت له قبل فصل الخط اظراريا من ذكاءه فهم وش المشكله ولا حب يرد على اتصالاتي لأن المشكله فوق قدرته .
على العموم
اسمح لي طال عمرك
انا بتصل عليه اذا بغيت يحول السياره الى مركبه فضائيه اما شغلات بسيطه ما احب اشغله هو وفلينه

انت ما قصرت كعضو بالمنتدى .
اما اذا كنت انت راعي الورشه فتطمن تراني اثق بمنتدى واعضاء مكشات حتى لو انت عضو بمشيها لك .

ابو البر

01/07/2012, 05:38 AM

احفاد صلاح الدين الأيوبي الله يغنينا عنهم

الكاش يصلح مركبات فضائيه

mekshaat

01/07/2012, 08:45 AM

اتصلت عليه
وفي اثناء الا تصال صار لي موقف واضطريت اقول له بتصل عليك بعد شوي

الرجال شاف لهجتي جنوبيه او ان الرجال من الكلمتين اللي شرحت له قبل فصل الخط اظراريا من ذكاءه فهم وش المشكله ولا حب يرد على اتصالاتي لأن المشكله فوق قدرته .
على العموم
اسمح لي طال عمرك
انا بتصل عليه اذا بغيت يحول السياره الى مركبه فضائيه اما شغلات بسيطه ما احب اشغله هو وفلينه

انت ما قصرت كعضو بالمنتدى .
اما اذا كنت انت راعي الورشه فتطمن تراني اثق بمنتدى واعضاء مكشات حتى لو انت عضو بمشيها لك .
اخوي لاتستعجل بدون ماتتأكد الرجال تعامله ممتاز مع الجميع وأنا فزعت لك يوم قريت موضوعك وكلمته لك قبل أكتب لك عنه وأنا والله مالي علاقه بالورشه ولامصلحه الا اني
زبون عنده فقط وعارف شغله لكن السبب اللي خلاه ماياخذ ويعطي معك على كلامك انه
بعد ماعطيتك رقمه صار له ظرف وقرر يترك الورشه لشخص ثاني وصار ماعاد يستقبل
زباين وبيدور له موقع ثاني وأنت متوصي لك عنده عشان كذا مابغى يرسلك للورشه وهو ماهو موجود فيها لأنه بيشرف على شغلك بنفسه وهذا كل مافي الموضوع ولايروح بالك بعيد.

ابو البر

02/07/2012, 03:36 AM

اخوي لاتستعجل بدون ماتتأكد الرجال تعامله ممتاز مع الجميع وأنا فزعت لك يوم قريت موضوعك وكلمته لك قبل أكتب لك عنه وأنا والله مالي علاقه بالورشه ولامصلحه الا اني
زبون عنده فقط وعارف شغله لكن السبب اللي خلاه ماياخذ ويعطي معك على كلامك انه
بعد ماعطيتك رقمه صار له ظرف وقرر يترك الورشه لشخص ثاني وصار ماعاد يستقبل
زباين وبيدور له موقع ثاني وأنت متوصي لك عنده عشان كذا مابغى يرسلك للورشه وهو ماهو موجود فيها لأنه بيشرف على شغلك بنفسه وهذا كل مافي الموضوع ولايروح بالك بعيد.

الله يطول في عمرك

كان يقدر يجاوب على الجوال ويقول اللي انت قلته
ما فيها شي اني اتقبل وأعذره .
ولو ما تقبلت وش بيصير يعني .

شكرا لك على التوضيح المقنع .

ما قصرت .
ملاحظه / انت معذور وأنا معذور اكثر .

جي يونت

09/07/2012, 02:30 PM

ابو البر

08/08/2012, 07:58 AM

نفس المشكله صارت معاي

شف طال عمرك
اذا لاحظت مع التفتفه الأنوار تقطّع في الإضاءه فثق تمام الثقه ان المشكله عندك بالكهرباء ,
وبخصوص الكهرباء
شوف هذا الموضوع لأخونا العزيز/ كبسولة2
افادني كثيراً في تحسن المحرك الله يجزاه خير
http://www.mekshat.com/vb/showthread.php?t=488912

ونصيحه لاتاخذ بواجي ايه سي ديلكو
ابوي او اخوي

سالفتي مالها علاقه بالكهرب

المشكله عندي بالمكينه
ترقل
رقل

لو ادوس بنزين كل اللي بالسياره يهز وسط

رقله ماهي طبيعيه بالمره

7ابو نواف7

09/08/2012, 06:20 AM

نظف المنظم (الثورتل) ودعسة البنزين
وغير حساس المنظم وفلتر الهواء وشيك على البلوف يمكن تحتاج وزن

ابو البر

10/08/2012, 06:44 AM

نظف المنظم (الثورتل) ودعسة البنزين
وغير حساس المنظم وفلتر الهواء وشيك على البلوف يمكن تحتاج وزن

ابو نواف

انت تعرف عايض

الكشات وافى

10/08/2012, 08:18 AM

ابو نواف

انت تعرف عايض

عرفت اللحين ليش محد يرد عليك وليش محد راضى يصلح سيارتك

الكلاسك

10/08/2012, 02:51 PM

عرفت اللحين ليش محد يرد عليك وليش محد راضى يصلح سيارتك

اتفق معك 100%
ابو نواف فازع على نياته
وكلنا ودنا نساعده
لكن مهب كفو حسبنا الله عليه وعلى أمثاله

kshtat999

11/08/2012, 01:08 PM

ابو نواف

انت تعرف عايض
ههههههههههه وش جاك على الناس راعي الورشه ما اعجبك واللي قال نضف الثروتل بعد اجتهد معك على بال مكينتك جديده ماقرا انها 79
الحين عرفت ليش ما استقبلو سيارتك

ابو البر

02/09/2012, 12:26 AM

ههههههههههه وش جاك على الناس راعي الورشه ما اعجبك واللي قال نضف الثروتل بعد اجتهد معك على بال مكينتك جديده ماقرا انها 79
الحين عرفت ليش ما استقبلو سيارتك
الله يلعن شيطانك
ههههههههههههههههههههههه
ابشرك
تصلحت سيارتي

حصلنا الخلل في ان (2) بلوف ما تشتغل .

اغريت باكستاني بالفلوس وفك راس المكينه
ووجدنا ايضا ان راس المكينه يبغالها وجيه ومسح بالمخرطه .
الرجال اخذ علي 5000 الاف ريال وصلحها .

ومشي حالك .

ابو البر

03/09/2012, 12:04 AM

اتفق معك 100%
ابو نواف فازع على نياته
وكلنا ودنا نساعده
لكن مهب كفو حسبنا الله عليه وعلى أمثاله
حرام عليك يالوافي انت والكلاسك
والله اني كنت محبط من هالسياره

يمكن ان الأحباط وصلني لهالردود

ههههههههههههههههه الكلاسيك انت تعرف عايض.
خلني ارفع ضغطك هههههه

أطلال نجد

03/09/2012, 12:36 AM

وش سالفة عايض هذا وش المغزى منها ؟
أحد يفيدنا

YUKON_GMC

03/09/2012, 02:21 AM

الله يلعن شيطانك
ههههههههههههههههههههههه
ابشرك
تصلحت سيارتي

حصلنا الخلل في ان (2) بلوف ما تشتغل .

اغريت باكستاني بالفلوس وفك راس المكينه
ووجدنا ايضا ان راس المكينه يبغالها وجيه ومسح بالمخرطه .
الرجال اخذ علي 5000 الاف ريال وصلحها .

ومشي حالك .

ملاتلاحظ ان 5000 ريال واجد في مكينه موديل 79

سديراوي 13

03/09/2012, 02:40 AM

ابو نواف

انت تعرف عايض

قسم بالله انك منتب كفو من يرد عليك

والصراحه يعجبوني حقين الورش الي ما عطوك وجه لانك شخص قليل ادب ولا تعرف تقدر الرجال الخلا بس

الكشات وافى

03/09/2012, 12:22 PM

وش سالفة عايض هذا وش المغزى منها ؟
أحد يفيدنا

الله لايوفق الاسفاف والتفاهه اللى أسسها بعض المهرجين من أمثال طارق العلى ..!!

وخلقوا ثقافه جديده مليئه بالأنحطاط وقمة قلة الأدب ...!!

حتى أتذكر بالكويت لما طلبة الثانويه العامه تظاهروا أمام مكتب وزير التربيه

الدكتور المليفى ... كانوا طلبة الثانويه أغلبهم يحمل لافتات تطالب بحقوقهم .. وتعديل

طريقة الدرجات ... المهم كان أحد الطلبه يحمل هذه اللافته الوقحه ...

http://up.arab-x.com/May12/A7n63735.jpg (http://up.arab-x.com/)

تخيلوا .. طالب ثانويه عامه ...!!

الاعلام ياسيدى يصنع لك جيل مسؤول أو يدمر لك الجيل القادم ...!!

عايض لمن يسأل هوشخص وهمى وهى أسلوب أو طريقه توحى بأن اللى يعرف عايض

شاذ جنسيا ... !!!

YUKON_GMC

03/09/2012, 01:31 PM

^^^

اعوذ بالله .. دايم اسمع الشباب يرددونها( تعرف عايض ) وهو اسلوب سخريه بس مادريت ان له معنى اخر

ابو البر

03/09/2012, 05:56 PM

ملاتلاحظ ان 5000 ريال واجد في مكينه موديل 79
لأن المكينه يا طويل العمر والسلامه في بطن السياره من الداخل ..ولا يمكن استخراج المكينه الا من خلال تفكيك المقدمه كامله (فيه صعوبه ما تتصورها ).
وعلى العموم تم اصلاح المكينه بشكل مذهل والحمد لله.
وشكرا لمشاركتك .

ابو البر

03/09/2012, 05:59 PM

قسم بالله انك منتب كفو من يرد عليك

والصراحه يعجبوني حقين الورش الي ما عطوك وجه لانك شخص قليل ادب ولا تعرف تقدر الرجال الخلا بس

شفك اقسمت بالله

وعند الله تجتمع الخصوم .

ابو البر

03/09/2012, 06:10 PM

الله لايوفق الاسفاف والتفاهه اللى أسسها بعض المهرجين من أمثال طارق العلى ..!!

وخلقوا ثقافه جديده مليئه بالأنحطاط وقمة قلة الأدب ...!!

حتى أتذكر بالكويت لما طلبة الثانويه العامه تظاهروا أمام مكتب وزير التربيه

الدكتور المليفى ... كانوا طلبة الثانويه أغلبهم يحمل لافتات تطالب بحقوقهم .. وتعديل

طريقة الدرجات ... المهم كان أحد الطلبه يحمل هذه اللافته الوقحه ...

http://up.arab-x.com/May12/A7n63735.jpg (http://up.arab-x.com/)

تخيلوا .. طالب ثانويه عامه ...!!

الاعلام ياسيدى يصنع لك جيل مسؤول أو يدمر لك الجيل القادم ...!!

عايض لمن يسأل هوشخص وهمى وهى أسلوب أو طريقه توحى بأن اللى يعرف عايض

شاذ جنسيا ... !!!
والله يا اخي
والله اني كتبتها ما دريت عن معناها
يعلم الله
والعذر والسموحه .

لاحول ولا قوة الا بالله .
طبيت طبه جامده
(((وأنا اقول ورى ابو الشباب اللي فوق ) طب فيني ....معذور والله .

حسبي الله ونعم الوكيل .

ابو البر

03/09/2012, 06:14 PM

^^^

اعوذ بالله .. دايم اسمع الشباب يرددونها( تعرف عايض ) وهو اسلوب سخريه بس مادريت ان له معنى اخر
والله اني مثلك أفتكرتها كلمه عاديه من باب المزاح

أثاريها كلمه ماهي هينه والله .

سديراوي 13

04/09/2012, 02:06 AM

انا اعتذر من صاحب الموضوع لاني توقعته يعرف معنا الكلمه والصراحه استعجلت بردي عليك

ارجو ان تقبل اسفي

ابو البر

04/09/2012, 05:41 PM

انا اعتذر من صاحب الموضوع لاني توقعته يعرف معنا الكلمه والصراحه استعجلت بردي عليك

ارجو ان تقبل اسفي
ليش ما أتقبل اسفك
اتقبله وانا ما اشوف الجاده هههه

لأن فيه سببين
الأول ...أنا ومن دون قصد يعلم الله خدشت الذوق العام بسبب جهلي بالكلمه (اعلاه ) وأكرر يعلم الله اني ماكنت اعرف معناها ...ولا وصل فيني الظن ان ممثل مثل ماذكر الأخ اعلاه في رده بيقولها ممثل قدام الناس .
الثاني ...أحنا اخوان بهاذا المنتدى الكبير والعزيز على قلوبنا فلازم نتحمل بعض ونناصح بعض والغلط وارد من الصغير والكبير .

فلا يصير في خاطرك الا كل خير والأمور بسيطه ان شاء الله ومثل ما قلت لك على الخاص
الله يحللك ويبيحك والآعتذار من شيم الرجال مثلك وشرواك .

تقبل تقدير وأحترامي .

ابو البر

11/09/2012, 12:00 AM

وش سالفة عايض هذا وش المغزى منها ؟
أحد يفيدنا
اعجبت بالحروف الذهبيه اللي (بالتوقيع)
جتني تنهيده كبييييييييييييييييييييييييييره يا اطلال نجد .

يا أخي فينا خير وفينا تكاتف وفينا نوايا طيبه وفينا ذكاء وفينا كرم وفينا نخوه وفينا حرص
لاكن اذا طلعنا من بيوتنا تجتاحنا البلاده بالتصرف الحكيم (ما اعم ) ولاكن النسبه كبيره .
نصير ملاطيخ بالتصرفات
السواقه لطخ
طلعة البر لطخ
التعامل لطخ
كل شي لطخ

هل شركات التغذيه اللي تبيعنا بالتموينات
حاطه لنا شي يخلي تعاملنا في داخل بيوتنا وخارجها
كنا سكارا مخبل .
فيه شي مو طبيعي .