بخصوص تنظيف السبطانه للخرازه؟

[قلايد الخيل]

السلام عليكم ورحمة الله وبركاته
انا عندي خرازه برنو موديل 94 ولا عمري زيتها ونظفتها غير مره مع ان رميت فيها واجد
المهم اني الحين طابت نفسي منها وعلقتها بالغرفه وصرت ماستخدمها لانها خيبت ظني اكثر من مره
وقلت يمكن تنظيف السبطانه له دور
وابغى الطريقه لتنظيفهاا ولا عليكم امر
وشكرااا

[مقدام الشهري]

قلائد عندي برنو 97 جابتلي نفسيه وعقدتني في الصيد وكم مره فاتني الصيد وهو قدامي وعذبتني حتى كدت أن أرتكب فيها جريمه لكن الحمدلله ركبت عليها ناظور وما شاء الله مثل الحلاوه لو سيمت مني 10000 والله ما بعت
الشاهد حبيبي أنا ما زيتها ولا اذكر اني زيتها ركب لك ناظور ممتاز وشف لعل الله يفرجها

تحياتي :good2:

[ابو سليمان--]

عليك بالشوزن عطية الله بالنسبه لصيد الطيور

[اتحشى الهم]

لاشوزن ولا يحزنون شلون ماعمرك نظفتها وتبيها تصيب وانت ترمي واجد تلقى كل اقصبتك بقايا رصاص واكثر البتوت متسكره ناظر للسبطانه من دخل بعد تنظيفك لها وشف البتوت هل هي متاكله او فيها شي ونشالله مابها الى كل خير ونا عندي خرازه بعد كل صيد انظفها
وفالك الشحم

[أبو تركي ..]

وبعد التنظيف شف الحبه فوق تراها متقدمه على الاخر إذا ماهي متقدمه حل المسمار وقدمها وما بتخيب ظنك

[ابو سليمان--]

ما يدسم شنبات الصياد الا الشوزن الله يثيبك

[ابوتركي5555]

ياخوي خذلك عدة تنظيف ونضفهاااا وركب دربيل وماراح تندم لان سوقهااا من مسافات تحياتي

[بياع]

اكبر خطأ انك تترك السلاح بدون تنظيف وبدون صيانة

واذا خرب عليك اي جزء في سلاحك وقتها تعرف قيمة الصيانة الدورية والتنظيف



على العموم .. الحق على سلاحك قبل ان يخرب


فيه عدة تنظيف عند محلات الاسلحة ممراط قطني ونحاسي للتنظيف


على فكرة قريبا ان شاء الله
راح توصل عده للتنظيف سهلة الاستخدام من ضمن معروضات متجر البائع

[علي101]

http://www.mekshat.com/vb/showthread.php?t=407716

[مقدام الشهري]

والله خوفتوني يا شباب :( بنظف عطية الرحمن لا تروح علي جزاكم الله خير

أسأل الله ان يحفظها من كل مكروه

[قلايد الخيل]

الله يعطيكم العافيه كلن باسممه اما بخصوص البرنو الي عندي راكب عليها دربيل (وبلي كوري صناعه قديمه شويه)
ومع العلم اني جربت اكثر من دربيل بس تخرب الوزنيه بسرعه
وان شاء الله راح انظفها ونشوف
بس الي عنده طريقة تنظيف السبطانه الله لايهينه يفيدني فيه

[قلايد الخيل]

قلائد عندي برنو 97 جابتلي نفسيه وعقدتني في الصيد وكم مره فاتني الصيد وهو قدامي وعذبتني حتى كدت أن أرتكب فيها جريمه لكن الحمدلله ركبت عليها ناظور وما شاء الله مثل الحلاوه لو سيمت مني 10000 والله ما بعت
الشاهد حبيبي أنا ما زيتها ولا اذكر اني زيتها ركب لك ناظور ممتاز وشف لعل الله يفرجها

تحياتي :good2:
الحمد الله انك مارتكبت الجريمه يالشمري:D
بس ياليت تفيدنا بنوعية دربيلك

[محمّد]

افضل طريقة لتنظيف الماصورة هي تجيب لك حبل خاص للتنظيف وتلقاه في محلات ادوات الصيد قيمته 10 ريال وتربط براس الحبل قطعه قطن وتزيت القطنة عشان تدخل فالماصورة واهم شي لاتكون القطنة حجمها كبير وتنشب داخل المهم تدخل راس الحبل فالبندق وتكون القطنة برا واذا وصل راس الحبل للجهه اللي يطلع منها الحبل تسحبه لبرا وتعيد الطريقة ذي مرتين او ثلاث وبتشوف كيف بتكون سبطانة سلاحك
للمعلومية الحبل ازين من الممراط فالتنظيف من واقع تجربة

[اتحشى الهم]

الله يجزاك خير

[mjeeed]

لالالا لازم تنظيف بشكل مستمر

واشتر لك عده تنظيف تلقاه عند الرمااايه

[عسام الوقت555]

الله يعطيك العافية ممكن ما تعرف تصيد بالبنادق البرنو شوف لك خبير في الرماية يمكن يفيدك

[AL-Hadbani]

الي يخبر لي93 ام ثلاث ختوم يبلغني...

[قلايد الخيل]

الي يخبر لي93 ام ثلاث ختوم يبلغني...

تراني قاعد ادور على مشرف بعلممه علييك قاعد تتاجر بالاسلحه:D
ان شاء الله تحصل على التبيه بسعر طيب وسلاح نظيف

[قلايد الخيل]

الله يعطيك العافية ممكن ما تعرف تصيد بالبنادق البرنو شوف لك خبير في الرماية يمكن يفيدك
الله يعين والله كان اول ينضربي المثل بالصيد بالبرنو:D
بس شكلي بكرفتها بالمستودع خلاص ماصرنا نعرف لها ولا نشوف لنا دربيل طيب وننظفها ان شاء الله:good:

[الكليباني]

شف محلات الاسلحه كيف ينظفونها خذلك خبره من عندهم واشتر عدة تنظيف
بعده نظف بنفسك

[هضبان]

ياشباب من واقع تجربه السبطانه لازم تتنضف كل مده لأن السبطانه اذاكان فيها اوساخ تأثر على الرمايه وقد لا تصيب الهدف . احيانا تكون الاوساخ قطع رصاص يتم تنضيفها بفرشاه خشنه بعض الشئ

[هضبان]

اخوي قلايد الخيل نظف السبطانه وانشالله ينضرب بك المثل على طول