تفتفة قوية في مكينة الجمس( 454 الزرقا)

[mgs71]

بسم الله الرحمن الرحيم
عندي استفسار بخصوص تفتفة قويه في مكينة 454 جمس رفرف GMC 76 ,غيرت بواجي واسلاك جديده وايضا غيرت كبريتر مع قاعده جديده وما فيه فايده هل من الممكن تكون المشكله من الديلكو لانها قبل ما تصير المشكله كانت السياره فيها تفتفه قليله مره , بس تجيك مرات كانها بتطفي وترجع تشتغل ونادر ما تصير , اما الحين كانه مافي الا 5 بواجي شغاله وكربون مع صوت قوي يطلع من الكربريتر مع الدعس , واذا فيه طريقة لفحص الديلكو ارجو منكم التكرم بشرحها ولكم جزيل الشكر.

[وجعين]

الله اعلم حسب شرحك للعطل عندك طرنبة البنزين ضعيفه مره ماتدفع بنزين

[mgs71]

بارك الله فيك يا اخ وجعين , تم التشييك على طرمبة البنزين ولله الحمد ممتازة

[الزهراني55]

اخوي العزيز
خطوه بخطوه
شغل السياره مو مشكله خليها تفتف لا تطفيها اوكي
وبعدين اسحب اسلاك البواجي واحد واحد السلك الي يطلع كهرب رجعه مكانه معنات انو شغال الى ان تنتهي عند رقم ثمانيه
اذا في سلك ما يطلع كهرب جيب سلك من الاسلاك القديمه الي خاشهم ههههه وجربه اذا صار في كهرب معنات انحلت المشكله
اما اذا كل الاسلاك تطلع كهرب يعني ان الديلكو تمام ومافيه مشكله
الخطوه الثانيه في حال ان الكهرب واصل طلع البواجي تسمع الكلام والا لا طلع البواجي ونظفهم وتاكد وتااااااااااااااااكدددددددددددددد ان مافي بوجي مكسووور او عظمة الشراره مكسوره او بعيده او قريبه لازم تكون تمام العضمه هي الحديده الي ملفوفه اسفل على شكل حرف ال
اذا كان الاسلاك والبواجي تمام ننتقل للخطوه الثالثه بس بعد ترجيع البواجي بس اهم شي التركيب لا تتكسر البواجي
الخوه الثالثه البنزين اذا دعست وطلع الصووت فرقعه شيك على البنزين الراجع يمكن مقفل الفرقعه تحدث عند زياده البنزين اذا كان الرجيع تمام شيك على وزنيه الهواء في الكربريتر
وانا اعتقد ان المشكله من الكلبريتر
هل هو حق 454 او 350
حتى لو غيرته مستعمل تشليح احتمال يكون خربان ركز على الكربريتر
الخطوه الاخيره والخطيره
اذا كانت كل اسلاك البواجي تطلع كهرب ركزززززززز
والسياره شغاله طبعاااااااااا
عندما تفصل السلك الاول اذا زادت التفتفه يعني البلف هذا شغال
انتقل للثاني والثالث والرابلع الى الاخير
اذا فصلت سلك بوجي وفيه شراره ولم يتغير شي يعني ان البلف هذا مو شغااال
تاكد من عدد البلوف الي مو شغاله عندك واحفظ اماكنهم
العلاج الفعال انك تفك الراس ولكن انا اقولك جرب انك تجيب زيت فرامل وتشيل البوجي الي مو شغال وتصب في شرنقه ابررررررررره مستشفى مقدار 2ونص ملي وترجع البوجي والصباح تشغل يعني بعد 10 ساعات تقريبا ولكن لا تجرب هذه الخطوه الا بعد ما تتاكد من الكربريتر تحياتي

[mgs71]

جزاك الله خير اخوي الزهراني 55 , تقدر تقول اني طبقت جميع الخطوات اللي انت ذكرتها مع تغيير بواجي جديده واسلاك اصلي جديده ,والكربريتر كان عندي ركبت له اصلاح وجربته على الكابرس وشغال تمام قبل ما اركبه على الجمس , لاني كنت شاك في كربريتر الجمس قلت يمكن هو سبب المشكله ولاكن مافيه اي تغيير , لاكن لاحظت انه فيه بعض البواجي افصلها مايصير فيه اي تغيير , الابرة موجوده وزيت الفرامل موجود وجاري التجربة واذا ما ضبطت ان شاءالله اكشف على ضغط البساتم وثم اشييك على التنسيم اذا كان من ثلاجه المكينه

[أحمد محمد1429]

حسب كلامك إذا فصلت أسلاك البواجي مافيه أي تغيير المشكله من البلوف أول خطوه وزن وإذا مانفع الله يعينك تفك الرأسين وتصنفرهم أو تغيرهم حسب نظافتهم ورأي الميكانيكي

[GMC89]

جزاك الله خير اخوي الزهراني 55 , تقدر تقول اني طبقت جميع الخطوات اللي انت ذكرتها مع تغيير بواجي جديده واسلاك اصلي جديده ,والكربريتر كان عندي ركبت له اصلاح وجربته على الكابرس وشغال تمام قبل ما
( ضبط على الكابرس لان مكينته 350 وماضبط على الجمس لان مكينته 454 ) تأكد ان الكلبريتر للـ 454
اركبه على الجمس , لاني كنت شاك في كربريتر الجمس قلت يمكن هو سبب المشكله ولاكن مافيه اي تغيير , لاكن لاحظت انه فيه بعض البواجي افصلها مايصير فيه اي تغيير ,
( تاكد من اسلاك البواجي او من الشاكوش داخل الديلكو )
طريقه التاكد : افصل سلك البوجي واشبك فيه مفك طويل شوي وقربه من الشاص وخل احد يدق سلف الموتر بس لا يطول يعني دقه ويطفي اذا طلع ماس يعني فيه كهرب والسلك سليم ... تاكد من هالاشيا ورد وش صار معك .. موفق
الابرة موجوده وزيت الفرامل موجود وجاري التجربة واذا ما ضبطت ان شاءالله اكشف على ضغط البساتم وثم اشييك على التنسيم اذا كان من ثلاجه المكينه
...............

[طيرشلوى 2]

البلوف قافله

[كاشت وحداني]

تأكد ان الكربيتر حق الكابرس ٣٥٠ يناسب الجمس ٤٥٤
اظن هنا فرق في كمية البنزين اللي تروح للمكينه
وعندي احتمال كبير ان عندك بلوف قافله
حصلت معانا بجمس كان اذا مشيت وجيت طلعه تحس انك جالس بالتانكي من ريحة البنزين واذا كان واقف يتفتف ويطلع دخان اسود خفيف


Sent from my iPhone using Tapatalk