ولا هن يابو نايف يِعَدَّن سحالي............ الحل بواخر ..............حله ابوالشبرميات

[ابو ماجد 2]

بسم الله الرحمن الرحيم

السلام عليكم ورحمة الله وبركاته

ياللي مراميعه سواة الصواريخ=لو جن للغزي قيل ياهملالي
لغزي عن اللي ماحضنن للمفاريخ=ولا بالضنى ياشيخ الهن مجالي
ولا هن من اللي حاملات شماريخ=ولا هن يابو نايف يِعَدَّن سحالي
اليابغيت الحجم شيفن مكاليخ=تقصر خطاهن ماتطول الجبالي
جمع حروفه خمس جنّك مساليخ=مع نقطتين بالوطا والعلالي
لو زيح ذيل الجمع يكفي طبابيخ=واتلى ثلاثه دايم الدوم تالي


مع تحيات ابو ماجد

منتديات مكشات 0 خيمة الالغاز

مكاليخ 0كبيرات الحجم
شماريخ 0مايحمله عذق النخله

[حميد الهذلي]

يا فارس الألغاز شيخ المطانيخ


يا النادر الزيزوم قرم الرجالي


يا اللي لكم في صفحة المجد تاريخ


تاريخ نقرأ به بيوت.ن جزالي


ترقى بها روس الجبال الشواميخ


وتشرب بها من كيف صفر الدلالي


ولغزك يا أبو ماجد عطى بي تخاتيخ


وأصبحت في قفر.ن من الناس خالي


تلعبي الأفكار طاخ.ن على طيخ


والحمد لله يوم قلبي شمالي


وأن قدرالله نوخ الحل تنويخ


وعساك سالم ياكريم السبالي

[ابو ماجد 2]

يا فارس الألغاز شيخ المطانيخ


يا النادر الزيزوم قرم الرجالي

يا اللي لكم في صفحة المجد تاريخ

تاريخ نقرأ به بيوت.ن جزالي

ترقى بها روس الجبال الشواميخ

وتشرب بها من كيف صفر الدلالي

ولغزك يا أبو ماجد عطى بي تخاتيخ

وأصبحت في قفر.ن من الناس خالي

تلعبي الأفكار طاخ.ن على طيخ

والحمد لله يوم قلبي شمالي

وأن قدرالله نوخ الحل تنويخ


وعساك سالم ياكريم السبالي

ياسلام عليك اخوي حميد
ابدعت 0 ابدعت 0 ابدعت
لله درك على هالابيات اللي ماتجي الا من جزيل
ابيات فاقن اللغز ورمعته
وماشاء الله منتدانا يزخر بالشعار واليوم ينظم شاعر فذ
اقصد كشاعر اما كمشارك فصارلك مدة ومراميعك تدل ان لك باع بالالغاز
انتظر مرماعك يالغالي

[قصيمي 9311]

لله دركما

انا ما ادري هذة صفحة الغاز او صفحة أجمل الأشعار

[ابو ماجد 2]

لله دركما




انا ما ادري هذة صفحة الغاز او صفحة أجمل الأشعار


هلا بك يالغالي
وتشريفك وكلماتك الطيبه تاج على راسي
والمنتدى مدام فيه هالشعار امثال الخامسي والرايق وحميد الهذلي وغيرهم ممن لاتحضرني اسمائهم فسيغرد بالمجالين
واللغز والشعر
كالحكمة اذا اتت بخط جميل وحليت باطار حلو

[هيل]

بسم الله الرحمن الرحيم
السلام عليكم ورحمة الله وبركاته
ماشاءالله عليك يابو ماجد لغز يدوخ تدويخ
جميل ومثل ماتفضلت أثر معنا شاعر أخوف
ماشاءالله عليه حميد الهذلي محترف مكسب للخيمه
بس أنتحرا ه يطرح لغز
تحياتي

[ابو الشبرميات]

صح لسانك ايها الفارس المغوار
ويكفينا من هاللغز امتاع انه بين لنا حمد الهذلي
شاعرٍ جديد وفحل
الله يحييه بين ربعه واخوانه
الرمعة يابو ماجد هي
بَواخِر
جمع باخرة وهي السفينة
بواخ وهو البخار الصادر من الطبخ او الشوي
واخر تاتي في الاخير او تالي الشئ
...

[المزيدي4]

وعليكم السلام ورحمة الله وبركاته
صح لسانك ودمت مبدعا ممتعا يا أبو ماجد
وأنا هنا أبدي إعجابي الشديد بالشاعر القادم بقوة حميد الهذلي
ما شاء الله تبارك الله قناص وشاعر لا يشق له غبار على نهج الخامسي أبو نايف وال رايق أبو مهند
أرجو منه أن يمتعنا بالمزيد من القصائد والأبيات ولا يقاطعنا
وبالنسبة للرمعة إعتبرني مؤيد للقناص أبو الشبرميات ..

[النبهاني]

وعليكم السلام ورحمة الله وبركاته
الله يمسيك والجميع بالخير
كالعاده مبدع يازعيم
فصح لسانك
ابو الشبرميات ما شاء الله عليه قال به
فاعتبرني مؤيد له وبقوه

[حميد الهذلي]

أسعد الله مساءكم
ماعليكم زود يا أخواني كل باسمه
والفضل لمنتدى مكشات اللي جمعنا
على الخير وعلوم الطيب اللي تشرف وتنومس
وأ نا سعيد لتواجدي بينكم
دمتم بخير

[ال-رايق]

وعليكم السلام ورحمة الله وبركاته
الله يرضى عليك
كانك ماقصّرت مع الجميع
من يبدأ الشخص بالدخول وانت مثل اللي يمسكه بيده حتى يجلس على فرش الكرامه وترحب بالواحد وتشجعه وزيد تثني عليه وتسند له الالغاز
وبدل ماترتاح ..لا
تجدك يالفارس تقوم بسد الفراغ والتواجد في حال الركود.
لله درك وبيّض الله وجهك.
-----
واللغز قلما نجد مثله من كل ناحيه.
---------------
والرمعه مؤيد لأخي/ابو الشبرميات.
وتقبل يابو ماجد تحياتي وتقديري.

[الخامسي1]

بسم الله الرحمن الرحيم

السلام عليكم ورحمة الله وبركاته

ياللي مراميعه سواة الصواريخ=لو جن للغزي قيل ياهملالي
لغزي عن اللي ماحضنن للمفاريخ=ولا بالضنى ياشيخ الهن مجالي
ولا هن من اللي حاملات شماريخ=ولا هن يابو نايف يِعَدَّن سحالي
اليابغيت الحجم شيفن مكاليخ=تقصر خطاهن ماتطول الجبالي
جمع حروفه خمس جنّك مساليخ=مع نقطتين بالوطا والعلالي
لو زيح ذيل الجمع يكفي طبابيخ=واتلى ثلاثه دايم الدوم تالي


مع تحيات ابو ماجد

منتديات مكشات 0 خيمة الالغاز

مكاليخ 0كبيرات الحجم
شماريخ 0مايحمله عذق النخله


ان اشهد انك ياابوماجد كفو شيخ ... شيخً تعلى ومن تقدم بدالي
سد اللزوم والعذر قبل توبيخ ... عذري مسافر ومنشغل بالعيالي


عذرً أنا على سفر ومنشغل واذا ركد الوضع رجعة واشكرك
على الإسناد واشكر الجميع

[ابو ماجد 2]

بسم الله الرحمن الرحيم

السلام عليكم ورحمة الله وبركاته
ماشاءالله عليك يابو ماجد لغز يدوخ تدويخ
جميل ومثل ماتفضلت أثر معنا شاعر أخوف
ماشاءالله عليه حميد الهذلي محترف مكسب للخيمه
بس أنتحرا ه يطرح لغز
تحياتي


وانت الجميل يابو عبدالله
وحميد الهذلي يبدو لي انه يعايس الجو ليطرح ماتجود به قريحته من ابداع

[ابو ماجد 2]

صح لسانك ايها الفارس المغوار

ويكفينا من هاللغز امتاع انه بين لنا حمد الهذلي
شاعرٍ جديد وفحل
الله يحييه بين ربعه واخوانه
الرمعة يابو ماجد هي
بَواخِر
جمع باخرة وهي السفينة
بواخ وهو البخار الصادر من الطبخ او الشوي
واخر تاتي في الاخير او تالي الشئ
...


ماأروعك
مرماع كتم انفاس لغزنا
صح لسانك ملايين
نعم
بواخر
من دون ذيله بواخ ويكفي طبابيخ على راي المثل
الطباخ يكفيه البواخ
واتلى ثلاث حروف آخر والآخر دائم الدوم آخر
كفووووووووو كفووووووووو
ولله درك يالغالي

[ابو ماجد 2]

وعليكم السلام ورحمة الله وبركاته

صح لسانك ودمت مبدعا ممتعا يا أبو ماجد
وأنا هنا أبدي إعجابي الشديد بالشاعر القادم بقوة حميد الهذلي
ما شاء الله تبارك الله قناص وشاعر لا يشق له غبار على نهج الخامسي أبو نايف وال رايق أبو مهند
أرجو منه أن يمتعنا بالمزيد من القصائد والأبيات ولا يقاطعنا
وبالنسبة للرمعة إعتبرني مؤيد للقناص أبو الشبرميات ..


هلا بك يابو سعد
والحمدلله على السلامه
صار لنا مدة مفتقدينك
حميد الهذلي ينم الى ككبة شعراء المنتدى وانت منهم لاعدمناك
وانشاء الله اخوي حميد يمتعنا بجديده
صح لسانك انت وابو الشبرميات تاييد موفق

[ابو ماجد 2]

وعليكم السلام ورحمة الله وبركاته

الله يمسيك والجميع بالخير
كالعاده مبدع يازعيم
فصح لسانك
ابو الشبرميات ما شاء الله عليه قال به

فاعتبرني مؤيد له وبقوه


مساء النور
هلا بالقطوع
الابداع انتم اهله
وصح لسانك انت وابو الشبرميات

[ابو ماجد 2]

أسعد الله مساءكم

ماعليكم زود يا أخواني كل باسمه
والفضل لمنتدى مكشات اللي جمعنا
على الخير وعلوم الطيب اللي تشرف وتنومس
وأ نا سعيد لتواجدي بينكم

دمتم بخير


هلا بك يالغالي مليون وما يسدون
والربع وانا منهم ننتظر لغزك
فلا توخر علينا يالغالي

[ابو ماجد 2]

وعليكم السلام ورحمة الله وبركاته



الله يرضى عليك
كانك ماقصّرت مع الجميع
من يبدأ الشخص بالدخول وانت مثل اللي يمسكه بيده حتى يجلس على فرش الكرامه وترحب بالواحد وتشجعه وزيد تثني عليه وتسند له الالغاز
وبدل ماترتاح ..لا
تجدك يالفارس تقوم بسد الفراغ والتواجد في حال الركود.
لله درك وبيّض الله وجهك.
-----
واللغز قلما نجد مثله من كل ناحيه.
---------------
والرمعه مؤيد لأخي/ابو الشبرميات.
وتقبل يابو ماجد تحياتي وتقديري.


هلا بك يابو مهند
وماشاء الله يالغالي الجيد يفرض نفسه ماهو بحاجة لكلمة من ابو ماجد
والجميع هنا يالغالي يقومون بالترحيب باي ضيف جديد لاسيما من يظهر بوادر انه رماع او شاعر
الله يديم الالفة والود بين الجميع
شهادتك باللغز فخرلي وتاييد موفق بيض الله وجهك انت وابو الشبرميات

[ابو ماجد 2]

ان اشهد انك ياابوماجد كفو شيخ ... شيخً تعلى ومن تقدم بدالي

سد اللزوم والعذر قبل توبيخ ... عذري مسافر ومنشغل بالعيالي



عذرً أنا على سفر ومنشغل واذا ركد الوضع رجعة واشكرك
على الإسناد واشكر الجميع


تروح وترد سالم وغانم
وترد لنا وانت كما عودتنا مغردا بكل حيويه ونشاط