ابغى فزعتكم

[so9or]

السلام عليكم ورحمه الله


اهنيكم على منتداكم الرائع شرف لي ان اكون احد اعضاء المنتدى-يارجاجيل انا سويت

لي استراحه كلفتني حول 400 الف وصرت على الحديده وبابيع الحديده عشان اشوف

لي حل في الكهرب الله لايوفق الكهرب---- وغالبا باكون فيها ---بس تعرفون المشكله

الكهرباء تشترط علي صك والارض ارض جدود ... انا عندي تلفزيون توشيبا lcd

وباشغل يمكن عشر لمبات ---وباجلس في ديرتي حوالي شهرين صراحه ماتردد حتى

نشوف لنا حل في مشكله الكهرب ولو في طريقه اشغل فيها ثلاجه معهم الله يجمل حال

من يرد طبعا انا ميزانيتي مابين الف الى 3000 ابغى حل ممتاز للكهرب :

انا في راسي شغلات مثل:

1- المواطير بس احس انها مزعجه وتكلف كثير ؟؟؟

2- الطاقه الشمسيه سمعت عنها وش رايكم فيها ولو تعرفون موسسه ثقه

في جده ياليت تعطون المعلومات عنها؟؟؟

وش رايكم ياشباب اللى عنده حل لمشكلتي العويصه يدلني وله مني دعوه فيي اخر

الليل في يوم الجمعه .... وحسبي الله على الكهرب في الجنوب. وهم عارفين ان

غالبيه اراض الجنوب اراض جدود....

شكرا لكم

[رحال كعب]

اخي الكريم انت حيرتنا الان تقول استراحة وكلفة 400 الف امرك عجيب وعاجز عن ماطور نصيحتي لك ماطور ينمر ديزل اصلي تورثه لعيال عيالك جديد من الوكاله لايقل عن 8000 كيلو او فما فوق او ابحث في الحراج لاطاقه شمسيه ولاغيرها الماطور سعره فيه مشكلتك مع الشركه تنحل والله يعينك لا تستخسر الماطور تعبت على الاستراحة تحمل ازعاج الماطور الشكوى لله

[so9or]

حياك اخوي انا ولد شباب واملاكنا في الديره تم التعدي عليها قبل فتره وصارت مشكله كبيره عويصه وصلت

للملك واالحمد لله اخذنا حقنا لاسف انا كبير العائله رحت البنك واخذت قرض ب 200 الف وتسلفت مئتين

الف من احد اعمامي عشان ابني حوش على املاكنا وانت تعرف الجنوب جبال وصخور وانا مجبر عشان

احافظ على حق اجدادي -------- مالك في الطويله ---وسويت فيها مجلسين وثلاث غرف --طبعا

كل ماكان عندي راح ---فالكلفه كانت مبرره ------ اذا تقدر تفيدنا بيض الله وجهك

[لاتكب البيالة]

3000 اعتقد مالك حل الا الماطور لان الافكار الثانية سواء الواح شمسية او تربينة هوائية بتكلف اكثر من 3000

[الزعازع]

مالك حل الا الماطور .... بالنسبه للصوت المزعج ركب له شكمان سياره وحطه داخل غرفه مغلقه و طرف الشكمان خارج الغرفه
لكي يخرج غاز أول أوكسيد الكربون (CO) و يعد من أكثر ملوثات الهواء هو غاز شديد السمية للإنسان والحيوان

غاز ثاني أكسيد الكربون (CO2) يؤدي إلى صعوبة في التنفس والشعور بالإختناق، وحدوث تخريش للأغشية المخاطية والتهاب القصبات الهوائية

وغيرها من الغازات لذا خله بعيد عن المباني الى ذكرتها ويكون عكس اتجاه الرياح
بمعني اذا كانت الرياح شماليه ضع الماطور اقصى جنوب المباني لكي لا تأتيك الروائح اولاً ولا يعدم عليك
اصباغ المباني ثانياً خصوصاً اذا كان ديزل وهو الأفضل بالنسبة لك من حيث قله الصيانه و التوفير في الوقود

تحياتي لك

[جالس لوعدك]

ليه تدعي على الكهرب والشركة جهة تنفيذية
عتبك على المشرعين للقوانين:)
والنظام الي يسمح للغير بالتعدي
ومن الطبيعي اذا مامعك صك ماراح يتم توصيل الكهرب لك
\
على العموم مالك إلا ماطور والله يسر امرك

[بريمي]

عفوا..كيف تخاطر تبني على أرض ما فيه صك
حاول تطلع صك للأرض واترك عنك المواطير ما وراها الا الإزعاج ودوخة الراس والدايم شديد!!

[adnanmgh]

ماطور وحاول تمر حراج الصواريخ بجدة

موفق