ياصقاقير بفلوس ولابناموس

[roooq]

انا اخوكم احب الصقر واحب اشوفها دايم في قناه الصحراء وقناه الواحه وابي اصير مثلكم وانا ماعرف احد من الي عنده صقر ابي اصير مثلكم ابي اتعلم وروح البر اسوي مثلكم ولي فاضي ويقدر يعلمني حتا لو بفلوس بكون له ممنون يقول ابوي من زمان كان جدي يحب صقر ويصيد فيه حمام وارانب بس ابوي ماصار مثل جدي ولا كان انا مثل ابوي لو تعلم من جدي وانا صراحه ابي اصير رجال مثل جدي يقولون ان الي يحب صقر يصير عنده صبر وقدره عاليه التحمل الحر والبرد ويعرف البر واخطاره ويعرف رجاجيل مثلكم وشكرا اخوكم هاني

[عـــرادي]

اخوي / هاني الله يحيييك
ولكن الوقت الحين مهو وقت نقله طيور
اصبر لين يجي البراد وابشر باللي يسرك

[جـرح الشمـال]

مرحبا اخوي الغالي هاني
الله يحييك بين اخوانك الصقاقير
ومايقصرون ابدا
بنسبه لي طلبك على العين والراس
بدون مقابل
والساعه المباركه الي نقوم بخدمتك بها بس خله يما يجي وقت نقلة الطير
ومثل ماقلت الصقاره تعلم الصبر ومعرفت الرجال شرواكم
اخوك ابو فهد

[جبار1]

مثل ماقالو الأخوان الوقت توه يالله بشهر 11هجري

وكلن مستعد بيض الله وجيهم وأي استفسار مستعدين

وهذا رقمي وانا اخوك 0503164428

[عيسى عبد الله]

أرحب ياهاني أرحب مليووووووووووووووووووووووووون ...

مثل ماقالوو الاخوان متى ماجاء وقتها أبشرر يالي يسرك ..

والاخوان ماراح يقصرون معك وأنت من وين يالغالي ...

حدد مكان حنا من الشرقيه أذا كنت هنا أبشرر ..

ونتشرف بك ياغالي وخلك الايام على مواضع الصقوور وأنواعها من شان تعرف كل شيء ...

لين يجي وقتها أبشررر وانا أخووك عيسى عبد الله المطيري ونخدمكم ياطيب ..

[(هزاع)]

حياك الله ياهاني
الصقاره هوايه ممتعه للنفس وبها من الصعوبه شيء
واؤد ان ابلغك انه في هذا الوقت يقال عنه وقت المقيض
ووقت المقيض هو وقت تبديل الريش للصقور والطيور الان بالمرابط
وانت في هاذا الوقت حاول ان تتابع الاطلاع على كل مايتعلق بالصقر بمكشات من بيع والاطلاع على خيمة امراض الصقور وخيمة شبك الطيور وان تنمي هوايتك بالاطلاع الى ان يحين وقت نقل الطيور اي انتهاء المقيض
ويا مرحبا بك

[عناز الحره]

حياك الله ياهانى معنااا هناااا
وماراح يقصرون معك الرجال بالرأى والتوجيه

[بو عزه]

مرحبا يا اخوي هاني نورت المنتدى بطلتك و مثل ما قالو الشباب خل يجي شهر 11هـ و ابشر بالتعلوم الزين كلنا اخوانك لا تستحي من احد و اطللب الي تبيه كلنا لك

[راعي غضبان]

مرحبا ياهاني نورت المنتدى والشباب ماقصروا افادوك

[وسًاام]

اهلاً وسهلاً

[راعي الونه]

الشباب كفو و وفوا وافين ومايقصرون معك تقبل مروري

[جلاد الحباري]

والله يالربع انا ودي اصدق الرجال وان كان صحيح يبشر بالسعد والعلم الغانم لكن عندي احساس غريب من كلام هاني مدري ليش