هايلكس ورايكم وجبريال

[جاروود]

بسم الله الرحمن الرحيم
السلام عليكم ورحمة الله وبركاته
ياشياب توني طاق هايلكس 2003 مدبل
ودي اركبله مساعدات جبريال
على حسب علمي فيه ثلاث مساعدات
واحد غاز
واحد ياي داخله مساعد غاز
واحد زيت
ودي بالمشورة و الي عنده معلومات يفيد ني
اي واحد اركب تراني محتار
على فكره تراني راعي بر منجد ابي الي يصبر والمريح في نفس الوقت

الله يحرم وجيهكم ووجيه والديكم عن النار
الله يجعلنا وأياكم من عتقا هاذ الشهر الكريم امين امين







اوصيكم واوصي نفسي بالصلاة وقرأة القرأن الكريم

[أيمن]

وعليكم السلام ورحمة الله وبركاته ..
عزيزي جاروود
أنت ليش تبي تغير المساعدات ؟

[ابوعبدالله]

خير الكلام ماقل ودل
من تجربه قدام مساعدات مرسدس بلاستين ورا جبريال زيت طقه ثقيل

[جاروود]

معليش ياشباب تأخرت عليكم في الرد
يرجال الي مدحولي جبريال خلوني افكر ها التفكير لو مايجيك الا الهزهزه الي فيه

بعدين والله يمدحونها مره

اخوي ابو عبد الله يعطيك العافيه وشلا حضت يوم غيرت الله لايحرمني منك ومن اعضاء المنتدى

[ابوعبدالله]

حياك الله اخوي
اول شي الموتر يزيد رساوه يعني اذا فيه منحنا ما تدخله الاعلي 120 بندخله علي سرعه اكبر وتزين مطابه تسير الين وخاصه البر اذا جيت الغراز بمساعدت البلادالسياره لازم تهدي او تشيلك وتضربك اما بمساعدات المرسدس والجبريال يختلف الوضع اختلاف كلي حتئ وجه السياره يصير مايلعب ولا تحك الكفرات
بالرفرف المهم نصيحت مجرب غيرها وما تحسف واذا انت بالرياض علمني ادلك علي ورشه هذي شغلتهم

[الخبير]

السلام عليكم
شف يا جارود
مساعدات جبريل ما عليها كلام لكن انتبه تاخذ الغاز لانها جامدة بالحيل على الهايلوكس.
شف الزيت مناسبة لكن برضوا هل انت متأكد انك تبي تغير مساعدات الشد البلد؟؟؟؟؟؟؟؟
==============================

http://nobody.jeeran.com/jkduhpma1.gif

[أبوسليمان]

وعليكم السلام
أخوي جارود

ركب قدام مساعدات مرسدس

وخلف مساعدات أمريكيه يجي لونهن أحمر
يقولون أنهن يصبرن أكثر من الجبريال


أخوي أبوعبدالله

قلت للأخ جارود
واذا انت بالرياض علمني ادلك علي ورشه هذي شغلتهم
أخوي أبيك تدلن أياه أذا كان ماعليك كلافه

تحياتي
أبوسليمان

[جاروود]

يعطكيم العافيه
الله يجزاكم خير ولو ان التفاعل ماهو مثل ما توقعت




واخوي ابو سليمان الله لايحرمني منك يليت تعجل علي بهم

مكان الأقامة الرياض

[ابوعبدالله]

الله يحيكم جاروود وابو سليمان
الورشه ياطويل العمر بصناعية البلد مخرج 17 إذانعديت الكبري تجيك إشارة لف من الاشاره يسار ثاني شارع عشرين انتبه عشرين ادخل منه يمين وابتل حتا قبل نهاية الشارع اذا تعديت ميزان اليرموك تجيك علئ يسارك ورشه (والله اني مضيع اسمه )اذكر لوحتها مكتوب تلحيم شكامين وتركيب مساعدات وبجانبها محل زينه هذي الورشه واحرص يشتغالك اليماني مبارك تراه فنان ونصوح واتمنا لكم تطعيس موفق

[جاروود]

الله يعطيكم العافيه

كلكم
أيمن


ابو عبد الله


الخبير



ابو سليمان






الله يجزاكم ويجزا اعضاء المنتدى خير الي دخلو ولا ردو ولي مادخلو

انا بروح للورشه وإذا أشكل علي شيئ كتبت لكم


وأيضا لامانع من المشاركه للي عنده خبره

او أي رأي تراني ولد منتاكم لاتخلوني


على العموم غدي الي منكم يسمع نداي فالبر البر لايخليني ( جاروود)

[أيمن]

هذا قد يفيدك من مشاركة الأخ جلمود:
http://www.mekshat.com/vb/showthread.php?s=&threadid=4818

[جاروود]

بسم الله الرحمن الرحيم
السلم عليكم كلكم ياشبا ب

الله يعطيك العافية يا ابو عبد الله ولا يهونون الربع
رحت للورشه وبلمارية جمبها تسالي كلمت مبارك ولا قصر قال بركب لك بلاستاين قدام وجبريال ورا
بس نغزني واحد من اخواي وقالي البلاستاين مهوب مريح في المطب ولا البر يبي يقعد يطامربك بس انه مريح في الخط يمسك وجه الموتر هل هاذا صحيح
الله لايهينكم
وبعد المساعدات من وين اجيبها وكم سعرها
ارجو الأفادة

ملاحضه الموتر دبل

[ابو الريم]

الاخ جاروود


بالنسبة لمساعدات جبريال ما يعلى عليها ....... بس لازم تعرف تتحكم فيها .......... واذا عرفت راح تتأكد ان المساعدات هذي احسن شي ...

تأتي هذه المساعدات بثلاث حركات ....... خفيف .. وسط .... ثقيل ......... يجي من وكالته ثقيل ....... ومشكلة الثقيل انه يصير مثل الحجر ........ كل اللي عليك تسويه تركز بالمساعدات زين ..... راح تشوف ثلاثة اسهم جنب بعض وهي الوضعيات التي ذكرتها ...... اضغط المساعد بيدك الثنتين للنهاية ....... اخيرا يرتكز المساعد في النهاية على احدى الوضعيات الثلاث .... وعندها تعرف انت مركب المساعد على ايهم ........

بعد كذا تستطيع انك تحركه على اي الوضعيات تريد ........ خفيف وسط ثقيل ....... وللمعلومية وضعية الخفيف اقوى من الاصلي والوسط اقوى واقوا والثقيل اقواهم .....


عموما بالجمس مجرب وافضلهم الوضعية الوسط للمساعدات الاربع ........ اما عن الهايلكوس يبيلك تجرب اول شي ركب الوسط واذا ما عجبتك ركب الخفيف بس ان شاء الله تعجبك ..,,


تحياتي ابو الريم ,,,,,

[فتـ الخرج ـى]

وين المحل الي يبع هذي المساعدات

[سديراوي 2001]

تبي نصيحتي رتسب لمقفا الموتر مساعدات جبريال البيضاء ام 3 طقات
واللي قدام رتسب مساعدات ام ياي

وبالنسبه لمحله
تلقاه يم دوار الخرج اللي في الصناعيه اسم محله السبت وهو متخصص في مساعدات جبريال

[المستشار الخبير]

السلاااااااام عليكم انت قلت ان الهايلكس دبل والمعروف ان رفعه زايد
يعني حط مساعدات خفيفه لينة وحقت المرسيدس ممتازة للامام اذا كان بدون دبل
اما الخلف ...........حط مسا عدات يجي لها ضبط فرار المهم الناس تظبطه للتطعيس على القاسي وهذا خطاء
لان القاسي للحمولة الزائدة
والي اخف منه للحمول الوسط
اما الخفيف جدا فهوا للاستخدام العادي واذا كانت السيارة رفيعه في البر استخدمه مثل سيارتك يعني لانه ياكل المطب ولا يزيد الضغط على المقصات ولا ينقل الوعوره للركاب وكذلك يستخدم الخفيف للطرد مثل قنص الارانب وغيرها
اما الهايلكس بدون دبل فعلى الخط وفي الديرة استخدم الخفيف وفي البر الوسط حتى لو انت غير محملوالثقيل للتحميل
وانا افضل انها تكون في الامام والخلف نفس النوع ونفس الضبط لسيارات الدفع الرباعي



وشكرااااااااااااااااا

[جاروود]

الله يعطيك العافية يا المستشار الخبير ولا يهونون الشباب ودي تشور علي الي مثلي وش يركب

[ابو علي القصيمي]

....... بصراحه حيرتونا ياشباب بين انواع هالمساعدات ؟؟؟؟؟؟؟

.... (( مرسدس . جبريل . ام ياي . الحمر . البيض ..................))


......... نبي تكفون الممتاز والاصلي والمريح , واللي مايضر الهايلوكس ................؟؟

........ نبي القول الراجح اللي عليه الاجماع << الكلام اللي اجتمعوا عليه اهل الهايلوكسات الغمارتين >


ملا حظه : اقول فيه مشكله لوطاعس الواحد بمساعدات الوكاله ؟؟؟؟؟؟؟؟



..............................وشكرا للجميع

[الطير]

تحيه طيبه


ابو عبد الله او من لديه علم الله لايهنيكم البين ان عندك خلفيه عن مسا عدات المرسد تكف علمنا كم سعرها وهل هي تركب على طول او ترهيم .


وبالله دلنا على الورشه الي تقول .



لك تحياتي وتقديري

[وجه الخير]

اخوي الطير انا مامعي علم عن مساعدات المرسيدس لاكن انا اشتريت الجبريال ب280 ريال الاربع وركبتهن وحلوات ومريحات بس سمعت عن البلاستين ولم اجربهن ونصحوني اكثر الربع ان استعمل الجبريال امام وخلف وتركيبهن سهل بس طقه خفيف:rolleyes: انتبه من الثقيل