قصيدة محبة وعتاب لصديق

[نعم الخوي]

هذة قصيدة كتبتها وأرسلتها لصديقي ( أبو زيد ) اللي مر فترة طويلة ماطلعنا سوا للبر بعد ما كنا متعودين نطلع ودائما مايتحجج بمشاغل الدنيا فأقول:

بو زيد وينك ماطرى لك طواري
العمر يفنى قبل تخليص الاشغال

وينك عن أيام القنص والبراري
والسجًة اللي تبهج الصدر والبال

عوًد ترى طال الصبر وانتظاري
ودي بشوف البر مع عز رجال

مكمَل العزبة و رايح وشاري
من هيلها من بنَها أطيب اشكال

والموتر اللي مااتعبته المساري
ماعاد يشكي من كثيرات الاعطال

تكفى دخيلك ودي آشب ناري
وأصلح من الهيل للكيف فنجال
وسلامتكم،،،

[راع الحيزا]

صح لسانك قصيده جزله ماشاالله

[يوسف الخليفة1]

حياك الله أخي العزيز نعم الخوي

[ابو زايد1]

صح لسانك>>...

[مكرم الضيف]

صح لسانك وانت نعم الخوي

[س.س.التميمي]

صح لسانك قصيده جزله ماشاء الله

[الواهج]

صح لسانك والله يعقله ويستر عليكم

[نديم المجره]

صح لسانك
الله يجمعك انت وابوزيد على الخير
قصيده عذبه وسلسه
تحياتي