ياهل السوابر عطونا الفايدة

[النجم اللامع]

السلام عليكم ورحمة الله وبركاته
بندقي سوبر بلاك ايجل 2 الطول 28 انش مقاس السبطانة 1303 بغيت تشك يتحمل فشق قوي وخشن ويضم الحلبى ولا ينحل لاني جربت تشك 660 واحسن رميه مدري وين يروح ومتخوف من انفجار البندق حمان الله وياكم وبغيت استشيركم في افضل تشك لها اتمني ارفاق الصورة للتشك وشكراَ.
جزاكم الله الف خير

[ياحبي للغطاط]

هلا باخوي النجم الساطع وان شاء الله انك ساطع .ابقولك عدة نقاط او حلول لاتتعداها باي حال من الاحوال زين؟مضبوط توكلنا على الله
1_ البلاك ايقل اللي معك مقاس فوهتها 18,4 ومقاس اضوق تشوك فيها هو 684 وهو الفل تشوك
2_ من تجارب كثيره وخساير مايعلم فيها الا الله اقولك ان تشوك بلدها الفل افضل بالف مره من غيره ليش؟ جربت ال670 اقسم بالله انه يفرش اكثر وجربت ال660 صحيح انه يسوق اكثر لكن تشوهات الرصاص عند ضربه للهدف وضوقه الزايد لدرجة انه انشعر معي والحمدلله مانفجر وللعلم ارمي ب32 يعني ماكودت عليه بالاضافه للحرفه (الحذفه او ميلان الرش )نتيجة الضوق الشديد في كلا التشوكين تجعلك تكره التشوكات.
3_ بالنسبه لي انا ابدعت في رماية التشوك رقم 1 يعني الفل تشوك لكن لاحظت برودة الحلبي عند المسافات البعيده ولذلك قمت بتركيب سبطانه يابانيه على البنيلي وتبي الصراحه(فرق كبير)مابين السبطانتين في الحراره والسوق لذلك خذ الزبده ووالله لااجامل احدا ولااخشى احدا كائنا من كان رهم ماصوره سواء يابانيه او كنديه او بلجيك وانا اخوك لاتغرك التشوكات كنت من اكبر المدافعين عنها ولما جربت اقتنعت وبالاخير افعل ماترتاح له اتمنى اني افدتك لو بالقليل اخوك ابوعبدالله

[النجم اللامع]

لاكن الي عندي 18,3 لان فيه مقاسين علي حسب ماقراءت في بعض المنتديات مدري وشرايكم في التشك شد الي طوله 2 انش من بانللي هل يتحمل الفشق الخشن تدبيل ورا بعض (رمي الكرك من مسافات بعيدة) اتمني المشاركة من الاخوان من غير قصوراً في ابو عبدالله جزاك الله الف خير

[النجم اللامع]

مازلت انتظر الردود من خبراء مكشات جزاهم الله خير

[محسن المطيري]

من رأي الشخصي رهم سبطانة بلجيك وريح رأسك من التشكآت

او رهم عليها سبطانة ريفآيلو ديلوكس طولها 31.5

[النجم اللامع]

الترهيم ما تقدر ترمي بفشق ضغط عالي ويمكن تظبط ولا ماتظبط جزاك الله خير

[بدر العبدالعزيز]

اخوي النجم ماصورة الريفاليو ترمي ضغوط
و مواصير البلجيك هي الي ماترمي

بعدين وش تبي بالضغوط

الحلبي الخشن ينزل الي بالسماء عادي
عندك ٣٢ /٠٠٠٠٠
هذا ممتاز
انا مثلك عندي بلاك ايقل ٢ واستخدم تشك ٢ اشوفه ذا زين للبيعد و فرشه حليل
استخدم فشق ٣٢ سبعة و نص الاصفر ( RC )
و كاكا ٣٦ /٦ الازرق و علمنا عن الرمي
جرب منت خسران

انت وش جربت الفشق ؟
يمكن من فشقك

[عطيب الظرايب]

عليك بالمنتريال 32 انش وريح راسك صدقني بتدعيلي

[وجه الشمال]

اقوله وبكل صراحه انا ضد التشوكات رهم وارتاح وريح نفسك

[النجم اللامع]

بنسبة للفشق ماعندي اية مشكلة في الفشق الخفيف لانه يذبح كل الطيور مثل الجرجس 9,36 والقمري 32/7,5 والبط والكراوين 36/4 والكرك هوه الي قاهرني اول خمسة طلقات اذبحه لاكن اذا ارتفع روح بعضه صويب علماّ ان الفشق 42/00 rc او المتوسع رويال ومدري عن التشك شد بلد 2انش ينفع ولا لا؟ جزاكم الله خير

[بدر العبدالعزيز]

اسمع اذا امورك المادية تمام
عليك بماصورة اليابانية

ولا جرب الماصورة من احد تعرف مرهم على السوبر وشف مرماه اذا صلح لك رهم و تقضي من التشوكات

[عاشق البانيلي]

اسأل مجرب ولاتسأل خبير

العالم جربوا لين داخوا من هالتوصيلات مالك الا الترهيم

وترا ماصورة البلجيك نرمي به الى ضغط ٥٠ ماعندك مشكله

وخذ معلومة ترا الضغوط دعايه

يعني خلك على ٣٦ وتحت

[شاهين12]

افادوك الاخوان مالك الاالترهيم..
ومثل ماقال الاخ عاشق البانيلي..

[س.س.التميمي]

بالتوفيق استمتع بموضوعك وردود الاخوان

[ياحبي للغطاط]

الترهيم ما تقدر ترمي بفشق ضغط عالي ويمكن تظبط ولا ماتظبط جزاك الله خير
ماهوب صحيح وانا اخوك لو انك مجرب الترهيم ماقلت هالكلام وانا عطيتك الحل وانت ترجع بنا للتشوكات عالعموم والله ماكذبت عليك بحرف رهم وارتح:good2:

[النجم اللامع]

جزاكم الله الف خير ماقصرتو ابي احد جرب التشوكات

[النجم اللامع]

مازلت انتظر الردود

[النجم اللامع]

وين الي جربو وقارنو بين التشكات

[فرخ الجني]

اخوي النجم انا ما عرفت وش مشكلتك مع شوك 660 انا بندقي ستوقر ومركب 660 حق بنلي ام 1 ولا احل رمي عدال ما شاء الله وفشق 32 وماشية اموري ولي واحد من الربع كان معة بيكال واللحين بريدا الايطاليه وكلهن مركب 660 وماشيه امورنا بس بنبه على شي ترا 660 ضيق مره فيحتاج رمي دقيق لا تستعجل استخدم فشق 32 وشف ان شاء الله يزبط معك والله يكتب لك اللي فيه الخير واتمنى انك ما ترهم قبل ما تجرب لاني شخصيا غير مقتنع بالترهيم

[نديم الخيال]

عطوك الحل الشباب
انا مرهم ماصورة مونتريال كروم يابانيه وماشاء الله تبارك الله ترمي المنايا لدرجة ان واحد من الزملاء صار يسمي بندقي الخرازه من قو سوقها وحرارتها

[النجم اللامع]

شف اذا هي واقفه علي 32 و36 قميري ولا صفارا ولا كروان ولا جرجس ولا نحم والباقي مقدور عليه لانك تجيه احيان لدرجة انك تخاف البندق تخليه مفروم هذي بسيطه الدعوه علي الكرك المرتفع شوي

[بدر العبدالعزيز]

طيب جربت ترمي بـ ضغوط ؟ على الكرك ؟

كم اعلى ضغط رميت فيه ؟

[أيام العبور]

اخوي بعطيك تفصيل لتجربتي التشكات دوا البعيد التشك الطويل طبعا الاكسترا فل 4 انش جربته بأردا البنادق واطيبهن ولاحظة الفرق بالمسافات بستخدام هذا التشك واهو على ما اذكر للبنلي القديمه طوله اربعه انش ويجي منه 2 انش بس ماجربته لكن ال4 انش والله ياانه دوا للي منجم بالسما . وبخصوص انه ينحل مع الرمي فهذا دواه تلف عليه تيب او شطرطون اسود وتخلي نص التيب على السبطانه ونصه على التشك مع الشد وانت تلفه خله مشدود وانا مركب تشك خارجي من زمان ولاف عليه لفتين تيب ومايبين انه متيب الا اذا ركزت عدل تشوفه ولا يرتخي ابدا . واذا عندك اي استفسار اخوك حاضر

[الخديوى]

685 احسن الشوك وهي الترلوك وهذي تشوك المحترفين اذا بغيت الحقيقه, او اشترلك بيب 32 تلاقاها جاهزه وانا عارف قصتها كلها وفى اليوتيوب الاخ الى سوالها طلبيه من ايطاليا اقيامها من 3000 الى 3500

[بانللي وبس]

افضل تشوك للسوبر تشوك رقم 1