فكسار يطفي وهو يمشي

[عبدالله المطيري]

السلام عليكم


يا أخوان معي فكسار 2000 قير عادي كنت بأحد الدول المجاورة

المهم فجأة طفت جميع العدادات بالطبلون ولاعاد يشتغل لاعداد ولالمبة


طفيت الموتر وقعدت على البحر ساعتين وشغلت الا ونفس المشكلة

ولكن بعد نصف ساعة من السير قام الموتر يقطع ولايمشي طفيت النور ضبط لمدة نصف دقيقة

بعدها طفى نهائياً

حاولت ادق سلف مافيه فايدة ابد دفيته انا وخويي واشتغل على طول

ولكن قام يقطع ولايمشي خليناه والصبح جيت وشيكت عليه البطارية لمبتها خضراء يعني ممتازة

الفيوزات جيدة

شلناه على سطحه وودينها الورش ولا ورش تجيب الهم شيكوا عليه وقال هذا الدينمو

فكوه وقالي فحماته كويسه يوم شفتها الا خربانه او على وشك خراب .. قالوا عندنا مافيه الا استبدال كامل اشتريته 2700 ريال

وركبته


شبكوه على الشاحن واشتغل ولكن من عشقت ريوس طفت العدادات كاملة

قلت اهم شي يشتغل يودينا اهلنا مشيت مسافة 4 كم وطفا بنفس المشكلة


قربت السطحة و2000 ريال للسعودية وصلنا الحدود ونزلنا هناك جانا راعي جيب وشرك لنا واشتغل ولاوقفت الا بالرياض



اليوم الثاني شغلته مارضي يشتغل وديته الورش قالوا هذا بطارية ماعليك من اللمبة الخضراء وفعلاً مريت كم ورشة اكدوا ذلك







هل معقولة البطارية الخربانة تطفي السيارة منها حتى بدون نور ولا شي





فيه واحد قالي حساس الريوس يسوي بالجيوب كذا




الحين الموتر من غيرت البطارية تمام لي 4 ايام





دمتم بود

[ابوالفهد]

الموتر يبي يردك لديرته شكله ماارتاح هناك ولا يحب الا هله

[مافيه]

يا الغالي من قريت المشكله وانا متيقن انه من المطاريه ((خصوصا اذا كانت ايسي ديلكو الكترونيه))

وحاصله لي هاذي المشكله على اكثر من سياره

لاكن الغريب في موضوعك انك ماذكرت ضعف في الانوار

وفي الغالب بدايتها ضعف في النور وضعف في بداية التشغيل ولو كان القير عايدي تطفا عليك وانت تمشي وفي بعض الاحيان ماتشتغل السياره نهائياً حتى مع النتش

[عبدالله المطيري]

الموتر يبي يردك لديرته شكله ماارتاح هناك ولا يحب الا هله



هههههههههه ديرته أنا وهو نحبها الله يحفظها من كل شر

[عبدالله المطيري]

يا الغالي من قريت المشكله وانا متيقن انه من المطاريه ((خصوصا اذا كانت ايسي ديلكو الكترونيه))

وحاصله لي هاذي المشكله على اكثر من سياره

لاكن الغريب في موضوعك انك ماذكرت ضعف في الانوار

وفي الغالب بدايتها ضعف في النور وضعف في بداية التشغيل ولو كان القير عايدي تطفا عليك وانت تمشي وفي بعض الاحيان ماتشتغل السياره نهائياً حتى مع النتش


البطارية ايسي ديلكو


ولكن ضعف الأنوار ما لاحظته


شكراً على المعلومة

[ابوراكان تبوك]

خسران 4700 ومتردد عن البطارية اعقلها وتوكل

يا ابن الحلال لو البطارية خربانه السيارة تشتغل على الدينمو ولا تقطع ولا غيره عندك سلك رخو يتحرك تأكد من الاسلاك اللي راكبه في اصبع البطارية الموجب فيه سلك حق السلف سبب معي نفس مشكلتك وطرفه الثاني راكب في السلف
اذا شاك في البطارية جرب بطارية ثانية من سيارة أخرى قبل تغيير المهم تعرف السبب والله يعوضك خير

[محمدالطائف]

تأكد من سلك الكهرباء في الاصبع الموجب

[مخ سعودي]

انا حصلت معي نفس المشكله وطلع من حساس الريوس وهذ عيب في الجيوب غالبا افصلها وريح بالك

[يالبى الهلا]

نعم من البطاريه منتهيه لاتشحن تمام الان الفكسار مشابهه لنظام اللكزس انصحك تغير البطاريهصارمعي بدلت البطاريه

[ساري بريدة]

شف قاعدة الفيوز يمكن تكون هي السبب اللي بلكبوت وليسة الداخليه

[عبدالله المطيري]

خسران 4700 ومتردد عن البطارية اعقلها وتوكل

يا ابن الحلال لو البطارية خربانه السيارة تشتغل على الدينمو ولا تقطع ولا غيره عندك سلك رخو يتحرك تأكد من الاسلاك اللي راكبه في اصبع البطارية الموجب فيه سلك حق السلف سبب معي نفس مشكلتك وطرفه الثاني راكب في السلف
اذا شاك في البطارية جرب بطارية ثانية من سيارة أخرى قبل تغيير المهم تعرف السبب والله يعوضك خير

ابو راكان جزاك الله خير انا استبدلت البطارية ولكن خوفك يطفي وانا بمكان نائ هذي المشكلة


تأكد من سلك الكهرباء في الاصبع الموجب جزاك الله خير محمد


انا حصلت معي نفس المشكله وطلع من حساس الريوس وهذ عيب في الجيوب غالبا افصلها وريح بالك

صادق وهذي مشكلتي بعد


نعم من البطاريه منتهيه لاتشحن تمام الان الفكسار مشابهه لنظام اللكزس انصحك تغير البطاريهصارمعي بدلت البطاريه

كلامك سليم 100%




شف قاعدة الفيوز يمكن تكون هي السبب اللي بلكبوت وليسة الداخليه


تم التأكد منها








جزاكم الله خيراً جميعكم افدتوني بملاحظاتكم


امس اخذت الموتر على واحد كهربائي ممتاز أول ماجيته وشرحت له القصه نزل تحت الموتر من جهت القير ويوم طلع قال هذا حساس الريوس يجي فيه سلكين قريبه من بعض
وانا كانوقت سفري الظهر ومن فعل الحراره ماعت الاسلاك وقربت من بعض وقامت تضرب شوط ويطفي الموتر لان الفكسار مثل ماذكر أحد الاخوان مشابه لنظام اللكزس اي التماس كهرباء ماله دخل بالفيوزات يأثر على الكمبيوترويطفي الموتر


الحمد لله على كل حال صحيح خسرت مبلغ خيالي مقابل مشكله بسيطه ولكن استفدت معلومه مهمه وان شاء الله تفيد اخواني اعضاء وزوار منتديات مكشات




دمتم بود

[GMC89]

الله يعوضك خير والحياه دروس

[عبدالله المطيري]

الله يعوضك خير والحياه دروس


آمين الله يجزاك خير


تم إصلاح المشكلة
الحساس سعره 70 ريال

وتركيبه 30 ريال


والفني اللي ركبه لي يقول مايطفي جيوب التويوتا الا التماس حساسات القير وخصوصاً هذا الحساس الريوس لذلك نصيحة لأخواني خصوصاً اللي يسافرون بهالاجواء تأكدوا من الاسلاك والتماساتها


دمتم بود

[ابوراكان تبوك]

الله يجزاك خير قد تنقذ شخص او عائله بطرحك لأسباب المشكلة

[GX8v]

مشكووووور على الفائده يذيب ونفس السالفه صارت معي وماحليتها لمى شفت ردك على موضوعي جزاك الله خير ويرزقك الورش الحين اكثؤهم مايعرف يشتغل وكود انا نعرف ونستفيج مشكووور وانا خوك للمره الثانيه ههههههه بغيت اسوي سواتك وغير الجينموووو

[عبدالله المطيري]

لا شكر على واجب طال عمرك والحمد لله انك ماغيرت الدينمو

[أبوتركي V8]

انا معي فكسار 2000 والله يعين

جزاك الله خير على المعلومه