خروج الماء من القربه

[ترحيل]

السلام عليكم ورحمة الله

اخواني انا عندي مشكله بسيارتي الانترا موديل 2008
الحاصل امس الظهر شغلت السياره ورحت عليه مشوار لاحظت المكيف حار والحراره طبيعيه

طفيتها وشغلتها من بكره الصبح رحت اقضي شغل وانا موقف السياره والمكيف شغال اشوف عداد الحراره ارتفع تحت H بشوي
طفيت المكيف وطفيت السياره ع طول وفتحت الكبوت لقيت الماء يتبخر
والماء يطلع من القربه(الاحتياطيه)خليتها لين تبرد بعدها وديتها محل راديترات
قال غير غطاء الرديتر

رحت للبيت وقفت السياره وهي شغاله اخذت مدة دقيقتين ارتفعت الحراره (والمكيف طافي)خليتها لين تبرد

ورجعت للورشه
وقفتها اكثر من 10 دقايق ولارتفعت الحراره -والمكيف بارد

الحين مدري شرايكم اغير غطاء الرديتر وهل في شي ثاني اشيك عليه دامني رايح للصناعيه
للعلم شفت غطاء المكينه مالحظت عليه رغوه


مشورتكم تهمني بحكم اني مالي خبره بالسيارات

وهل فحص الكمبيوتر يطلعلي مشاكل الرديتر ولالا

[رفيع المقام]

وعليكم السلام ورحمة الله وبركاته
أخي العزيز
مثل ما قالك مشكلتك من غطاء الاديتر غيره اصلي وكاله وان شاء الله تزبط . واحتفظ بالقديم الا أن تحل المشكله .
، وشيك على الماء والسياره بارده .
انتبه تفتح الغطاء والسياره حاره .

[ترحيل]

الله يرفع قدرك ويعلي شانك
اليوم ان شاء الله بس يبرد الجو بروح واشتري واحد
وراح اخبرك وش يصير معي وان شاء الله يارب يطلع من الغطاء ولايطلع من شي ثاني

[رفيع المقام]

اللهم امين ومن يقول
بس واناخوك نسيت حاجه شيك على عمل المراوح الثنتين هل هي تعمل والا لا ..

[ترحيل]

المروحه شغاله
نغير الغطاء ونشوف وش يصير
المشكله عندي سفر مع الاهل وماودي اسياره اتعطل فيني بنص الطريق

[sgl2002]

خروج الماء من القربة هذي بسبب الحرارة الزايدة

اول شي تاكد هل المراوح اذا احتر الموتر تشتغل او لا

اذا تشتغل

شف البلف يمكن سكر ولاعاد فتح

بعدها الغطاء وتعرفه اذا كان مصدي

[ترحيل]

المراوح شغاله
البلف هذا ماني عارفه بس بمر كهربائي وشيك عليه

بس فيه خطوره فك البلف وتبديله

[الربذي]

شوف بعد طرمبة الماء والاديتر شف اذا الماء نظيف تمام احيانا يطيح الربر المطاط الاسود ويسكر فتحات الاديتر لا تاكد وشيك وشوف دام عندك سفر اقشر شي خربة السيارة بالسفر شي يضيق الصدر ويحرج ويبهذل وينكد

[ترحيل]

شوف بعد طرمبة الماء والاديتر شف اذا الماء نظيف تمام احيانا يطيح الربر المطاط الاسود ويسكر فتحات الاديتر لا تاكد وشيك وشوف دام عندك سفر اقشر شي خربة السيارة بالسفر شي يضيق الصدر ويحرج ويبهذل وينكد

بشيك ع المويه اكيد
والله يعين مشكله السفر ومعك عايله :(

شويات اروح الصناعيه ورجع اخبركم وش يصير معي

[وبل نجد]

مشكلتك ف شيئين :

البلف خربان
او الغطا خربان

موفق ونحن بالخدمه
اهم شي لاتروح باهلك الا وانت مشيك عالسياره
واذا تبي ورش راسلني

[ترحيل]

بدور كهربائي كويس يشيك ع البلف
وراح اغير غطاء الرديتر من باب الاحتياط
وانا من الحفر

[ترحيل]

رحت للصناعيه ومريت كهربائي كويس
قالي بلف الحراره ماتقدر تعرف خربان ولالا يقول اذا فكيته لازم تغيره
رحت قطع غيار سعود سالم ولقيت سعره =45 وكاله
ورحت للمجدوعي ولقيت سعره =60
المهم اخذت غطاء من المجدوعي =20
وبركبه شوي لابردت السياره
بس الحين اشتري بلف حراره وغيره ولالا
وعندي الرادتير ناقص شوي مويه اعبيه مويه حلوه ولالا
ولقيت بالمحلات مويه اسمه الزامل وهذا صورته سعره 5

http://www.qzal.net/01/2012-05/13398602151.png

مشورتكم يالربع

[ترحيل]

u..........p

[يزيد 999]

أخوي لاتأخذ الغطاء والبلف الا من الوكالة اللي بقطع الغيار ماينفع خذ من الوعلان او المجدوعي

والله يحفظك في حلك وترحالك...

[ترحيل]

أخوي لاتأخذ الغطاء والبلف الا من الوكالة اللي بقطع الغيار ماينفع خذ من الوعلان او المجدوعي




والله يحفظك في حلك وترحالك...


اخذت بس غطاء قلت اجرب اذا ارتفعت الحراره اغير البلف
وشريته من المجدوعي
بس مدري الحين موية الراديتر اغيرها كامل ولاازيد الناقص بماء اخضر

[رفيع المقام]

اسعد الله صباحكم بكل خير.
بالنسبه لموية الزامل ام خمسة ريال ما تنفع هي وموية الحنفيه سوا .
كلها تصدي ، اذا كنت بتضيف كميه قليله استخدم ما مقطر او ماء حنفيه حلو ولاداعي لاستخدام ماء الزامل او الحضاره . وزد النقص ولا داعي لتغيير الماء كامل الا في حالة انه قديم انصح استخدام ماء مستوبيشي ب٣٥ ريال وتكملة النقص بماء مقطر .
وفي كل شي ابدأ الأسهل فالأسهل .

[ترحيل]

والله شكلي بزيدها ماء حلو لان الناقص شي بسيط يمكن -نص كوب
حرام اتخسر فلوس على شي بسيط
ماقصرت حبيبي الله يسعدكـ

[بوخضب]

نعم بلف او كوع الحرارة فقط

[عبدالاله]

وش صار معك اخوي ترحيل ؟؟؟

[صاروخ الغطغط]

كلام اخوي صحيح غير الغطى وجرب السياره مشوار ابد بالجاجه الاسهل وشيك علا تماتيك المروحه هاذ سهلت التشييك ماتاخذ دقيقتين فر التماتيك بيدك اذا كان يلعب خفيف فهو خربان يفيدونا الزملا