ذراع عمود الدركسون للفتك

[واثق الخطوه-]

السلام عليكم ورحمة الله وبركاته

معي فتك 2009 كانت عندي رجه قبل كم سنه وكبست العمدان حقت الدركسون قدام وورا بس لاحظت الحين اني اذا مشيت على طريق محفر يرج الدركسون واذا وطيت الفتاشات اللي في الدائري الغربي يرج الدركسون وتحذف السياره اذا كنت ماشي فوق 100 طبعاً جربت اكبسه مره ثانيه مانفع قال المهندز خراب جيب جديد قلت خلني اشاور مكشات واشوف ورحت لقطع الغيار مدحو لي عمدان يجي فيها مسامير تشحيم وش الدبره الحين

[وبل نجد]

بالنسبه للحذفه او الرجه فليس سببها الاذرعه ابدا ابدا
الاذرعه لها سبب فالفضاوه فقط
تاكد من الكفرات لاتكون محبله ولاً شي والجنوط كذلك
وااذا كانت الاذرعه خربانه عندك فاشتر حقات الوكاله ولا اشتر ياباني تجي فيه مشاحم عشان تشحمها بين فتره وفتره وتعيش معك الى مدى بعيد
والحذفه سببها والله اعلم ميلان ف الدفرنس ×

[رِجم]

شيك على مساعد الدركسون

هل طالع زيته او لا

ونصيحه غيره بمساعد دركسون الرمايه بتحس بفرق

[واثق الخطوه-]

بالنسبه للحذفه او الرجه فليس سببها الاذرعه ابدا ابدا
الاذرعه لها سبب فالفضاوه فقط
تاكد من الكفرات لاتكون محبله ولاً شي والجنوط كذلك
وااذا كانت الاذرعه خربانه عندك فاشتر حقات الوكاله ولا اشتر ياباني تجي فيه مشاحم عشان تشحمها بين فتره وفتره وتعيش معك الى مدى بعيد
والحذفه سببها والله اعلم ميلان ف الدفرنس ×

يعطيك العافيه اخوي بالنسبه للحذفه اذا وطيت الفتاشات بس بسبب ذراع الدركسون خربان طيب انت مجرب العمود اللي فيه مشاحم ؟

[واثق الخطوه-]

شيك على مساعد الدركسون

هل طالع زيته او لا

ونصيحه غيره بمساعد دركسون الرمايه بتحس بفرق

يعطيك العافيه اخوي
لا مغير حق الوكاله قبل سنه ومركب حق الرمايه :good:

[ابوسند9]

اخوي واثق
اتوقع ذراع الدركسون ماله دخل
اتوقع عند كفر محبل او جنط فيه مشكله جرب بدل كفرات قدام باللي وراء
وبرضو شيك على رمان قدام لايكون الرمان مرتخي ارفع الكفر وامسك الكفر يد فوق ويد اسفل وهز للداخل
وكذالك شيك على ربلات البنهارد لاتكون متهريه وفيه ربلتين وهو الذراع اللى ركب فيه مساعد الدركسون طرف في الشاصي والطرف الاخر راكب في الدفرنس
اخر حاجه لو كان الهواء في كفرات قدام واحد ناقص عن الثاني 10 يسوي رجه

[واثق الخطوه-]

اخوي واثق
اتوقع ذراع الدركسون ماله دخل
اتوقع عند كفر محبل او جنط فيه مشكله جرب بدل كفرات قدام باللي وراء
وبرضو شيك على رمان قدام لايكون الرمان مرتخي ارفع الكفر وامسك الكفر يد فوق ويد اسفل وهز للداخل
وكذالك شيك على ربلات البنهارد لاتكون متهريه وفيه ربلتين وهو الذراع اللى ركب فيه مساعد الدركسون طرف في الشاصي والطرف الاخر راكب في الدفرنس
اخر حاجه لو كان الهواء في كفرات قدام واحد ناقص عن الثاني 10 يسوي رجه

يعطيك العافيه اخوي بالنسبه للكفرات جدد والجنوط وكاله ولا كد ضربت رصيف يعني ما اتوقع منهن وبالنسبه للرمان ابي افحصه وبالنسبه للربلات من طلعته وكاله ما غيرت ولا ربله يعني اكيد ابي القا شيئ خربان والموتر ماشي الحين 180000 الف وبالنسبه للهواء كلهن سواء

[ولدعنيزه]

والله ياخوي انا كد صارة معي مرتين مره بس سيارتي شروكي يرج اذا اسرعت تقل ضارب علي كفر وطلعة المشكله من مساعد الدركسون حتى لوانك مغيره وجديد مايمنع انه خرب مره ثانيه

[واثق الخطوه-]

والله ياخوي انا كد صارة معي مرتين مره بس سيارتي شروكي يرج اذا اسرعت تقل ضارب علي كفر وطلعة المشكله من مساعد الدركسون حتى لوانك مغيره وجديد مايمنع انه خرب مره ثانيه


يعطيك العافيه اخوي المشكله من عمدان الدركسون وش تنصحوني به وكاله ولا ياباني ابو مشاحم

[ابوسند9]

اخوي واثق
اللي شخص المشكله لك خليه يتحمل قطع الغيار وشغل اليد اذا هو يقول عمدان الدركسون وخلك ذيب
اما بالنسبه لقطع الغيار فا انصحك بالوكاله لان هذا دركسون مو ياي او مساعد او رمان
ولا زلت عند كلامي بدل الكفرات اللي قدام خلف وحتى لو كانت اليوم مركبها وكلها 10 ريال منت خسران شي

[واثق الخطوه-]

اخوي ابو سند متاكد من العمدان لان الرجه بس اذا كان الزفلت فيه حفر واذا ضربت الفتاشات يعني الرجه مو مستمره