الفزعة ياشباب ذبحني الحر

[أبو حمد 55]

السلام عليكم ورحمة الله وبركاتة

الفزعة ياشباب الله يجزاكم خير

شريت لي جيب شاص بدون تكيف ومع هل الحر الشديد اللى يذوب المسمار ودي اركب لة مكيف وش اركب لة ووين افضل مهندس يركب المكيف وهل التشاليح هي الملجاء الوحيد لي

افيدوني الله يجزاكم خير

[وبل نجد]

ماشا الله الله يطعمك من خيره ويكفيك شره
لكن هل الجيب مأسس له من الاصل مكيف

ولا مجرد تركب كمبروسر وبس
يعني مركب فيه الاديتر ومواصيره كامله ؟؟

والتشاليح مايركبون لك لكن تشتري من عندهم قطع ×يبغئ لك كهربائي يظبط لك المكيف

[GMC89]

والله ان كان تبي الشور
بع الموتر وخذلك واحد مكيف شد بلد

[أبو حمد 55]

وبل نجد

الله يجزاك بالخير ويبارك فيك
الجيب مااسس فية مكيف ابد وادور المهندس الممتار اللي يركب المكيف تمام

اخوي GMC
جزاك الله خير لكن قد شرينا ونبي نحاول نرهم وعلى الله

[طرقي 555]

بيتعبك الترهيم وبيكلف عليك ولاراح يضبط بيعه والفلوس الي بترهم فيها زدها على قيمته وخذلك واحد غيره بالتوفيق

[abo naser 1]

السلام عليكم

عندك ورشة الفوائد بالصناعية القديمة امانة واخلاص وفاهيمن الشغل زين بعد نصيحة وتجربة

الموقع اتجه مع مخرج 16 اقطع الدائري بأتجاة الغرب تجيك اول اشارة اطلع يسار بأتجاة الجنوب بيجيك كبري الحديد الي تحته سكة القطار بعد ماتنزل تجيك اشارة الي فوق النفق تعدها وبعدها امسك الخدمة الين يجيك شارع سيدين العويضة فيه رصيف بالمنتصف ادخل يمين بأتجاه الغرب بالمارية يصير مساجد بالزاوية على يسراك وامش سيدة الين ينتهي الشارع حرف T ديور مرة اخرى بأتجاه الشرق رابع ورشة على اليمين اسمها الفوائد لوحاتها زرقاء صغيرة والله يعينك على الزحمة بيقولك حط الموتر والأربعاء والخميس زحمة بزيادة ما يستقبلون

[أبو حمد 55]

الله يجزاك بالخير يالطرقي

اخوي ابوناصر بارك الله فيك وبروح لهم الله يعطيك العافية

[وجعين]

الدعوى مافيها ترهيم والامر بسيط جدا لان اي سياره بدون مكيف تكون قواعد المكيف موجوده من وكالته ونعم الملجاء الوحيد بعد الله هو التشليح لانهم يفكونه من السياره كامل ويركبونه بسيارك بس اشرط عليهم التركيب لانك لو اخذته لمحل كهربائي مارح يزبطه صح وراح يكون فيه نواقص ويكلفك كثير بعد تركيبه من قبل الشليح يبقى تروح وتعبيه غاز

[أبو حمد 55]

المشكلة اخوي ان اصحاب التشليح يتهربون مايركبون اذاخبرت احد دلني الله يجزيك الجنة ومن يشاهد

[رشيد22]

الله يعطيك خيره ويكفيك شره . لكن بدون مكيف صعبة

[وجعين]

ان كانك بلقصيم ابشر ابحث لك عن تشليح يركبه لك