الهدرز مافائدته

[البر عشقي]

بسم الله الرحمن الرحيم
السلام عليكم ورحمة الله وبركاتة

أسعد الله جميع أوقاتكم بالخير والمسرات أخواني المكشاتية الكرام وزوار مكشات الأعزاء
الهذرز وما أدراك مالهدرز سمعت عنه كثير وبل الأصح نسمع عنه ولانشوفه

نصحوني كثيراً من أصحاب الباترول تركيبه لعده أمور يقال أنه ينزل درجة الحراره ويريح الموتر بالخط و . و . و إلخ
لكن قالوا لي ان من عيوبه سرعه تغيير الزيت يعني قبل الهدرز تغير الزيت كل ست او خمس ألاف كيلو بعد الهدرز يجب ان تغيره بعد ألفين أو ثلاث ألاف كيلوا

سئوالي انا عندي تنسيم بالشخال اللي نازل من القزوز فكرت اغير القطعه الأول من الشكمان اللي فيها التنسيم لقيتها الأصلي 1300 ريال من دون التركيب بينما الهدرز
يقالي أنه بألفين ريال ببريدة تزيد حاجه بسيطه

فا وش رايكم اخواني اصحاب الخبره هل الهدرز يكفي اما اقوم بتغير الوصله الأول
طبعً الموتر فتك صالون 2007 توماتيك

وشاكر لكم مداخلاتكم مقدمً

[GMC89]

والله ما عندي علم ولا ابي افيدك الا بشي انا متاكد منه وولكن استخر والله يكتب اللي فيه الخير .. موفق

[كاشت وحداني]

طع شوري
وخل الموتر كما هو
وصلح الوصله
الهدرز يركبونه اللي يبي مقاوم ومنافسات تطعيس
وتراه يرفع حرارة الموتر
يعني لازم تركب مراوح اضافيه
وموفق خير


Sent from my iPhone using Tapatalk

[sgl2002]

هو يريح المكينة

لكن يسبب نقص الزيت ومع الوقت ينهك المحرك

[صباح القايله]

بنسبه للهدرز اذا كان صوته عالي يبي يفرق معك الهدرز فرق طيب لكن اذا كان صوته عادي مراح يفرق كثير انا مركب هدرز ودبه يوكن الصراحه ماء حسيت فرق يسوى
وبنسبه للزيت اذا كنت ديم راعي دوس يحترق الزيت على طول اما اذا كنت استعمال عادي فوضع عادي
وسعره 1250 فيه واحد يبياهن هنا بمكشات ارجوا اني افدتك

[abo naser 1]

السلام عليكم

فائدة استخدامة في زيادة الاداء فقط واذا بتركب لأتاخذ الا بحريني الفتك ومحركات التويوتا الفكس والجكس يجي جاهز من البحرين في ناس تبيعه هنا

[البر عشقي]

مشكورين أخواني الكرام على الافادة والمشاركة

وانا والله ماني براعي مطامر ومقاوم وتعطيس جاير على الموتر
استخدامي عادي جداً وراكد بس مشاوير طويله خذ ولد تمتير ربوع بلادي

وانا فكرتي انه بدال ماغير الوصله ب1300 اركب هدرز كامل اريح لي يؤدي نفس الغرض وبنفس السعر
لأن الشكمان عندي بادي تكثر خرباته

الله يكتب اللي به الخير للجميع