المساعد الشخصي الرقمي

مشاهدة النسخة كاملة : الذيب يالربع ... يفداكم


أبو رداد
22/06/2006, 02:21 AM
السلام عليكم ورحمة الله وبركاته






الطير أذا ما مات .... ضاع





http://www.mekshat.com/pix/upload/images17/mk8675_1.jpg





الذيب من طيوري المستعز فيها وله مقدار عندي على مدى 5 سنوات ...
لانه متميز في سبقه وشجاعته وذكائه
ولي معه ذكريات وسوالف جميله ...
اليوم مات وسبب موته ديدان الرئه ... هذا الي ظهر بعد تشريحه ....
قبل سنه ونصف جلبت الطير لدبي ودخلته المستشفى واستخرجوا منه ديدانالرئه
اليوم علمت ان المفروض اجلبه بعد فتره لان هذه الديدان تترك بيوضها في الرئه
وتنمو من جديد!!! فيجب اجراء عمليه ثانيه لغرض استخراجها


,,,
والطير مقرود من اول الموسم مدري وشبلاه !!


اول شي في الدعو جته عصا التلواح وكسرت الموس والطويله ...
وسرناه وقلنا هينه ...




http://www.mekshat.com/pix/upload/images17/mk8675_41.jpg





وبعد ماوسرته وقنصت به مسكه راعي غنم غشيم على حبارته
المهم حصلت الطير بعد جهد
واشتريته منه بعد 4 ايام !! وقلنا هينه




http://www.mekshat.com/pix/upload/images17/mk8675_51.jpg






وبعد ماشريته هديته على حباره مخروشه
ضربها بالجو ضربه قويه بحيث نزلت ميته !!
ولما جيناه لقيناه كاسر صايده !!




http://www.mekshat.com/pix/upload/images17/mk8675_6.jpg






جبرناه وبعد قلنا هينه ههههههه
وبعد 40 يوم فتحت الجبيره وقلت الحمد لله سلم الطير
وفي المقيظ عطاكم عمره ...
بسبب الاهمال وعدم الفحص







http://www.mekshat.com/pix/upload/images41/mk8675_7.jpg
.
.



معلومات عن الذيب
جير شاهين من انتاج مزرعة فالكون سنتر
طلاع مايعرف الكذب
رصيده من الحباري كثير ... ماأعرفه بالضبط لكن مايقل عن 300 حبارا
الحباري الي سبقنه مايتجاوزن عدد اصبع الايدين خلال رحلته كلها
ومستحيل تكون اول او ثاني هدد
.
.


الحمد لله على كل حال وعندي غيره كثير
وبعون الله نسوي الاطيب منه
لكن
وصيتي اخواني
الي عنده طير عزيز لايتعاجز عن فحصه طبيا
والسلام
ابوالجازي
22/06/2006, 02:32 AM
السلام عليكم ورحمة الله وبركاته
يابو رداد البقا براسك والله يخلف عليك بابرك منه ويبارك لك بباقي طيورك
وجعله دفعة بلا عنك
والحمدلله
لله مااعطا ولله مااخذ
الضاري
22/06/2006, 02:34 AM
ياهلا بابورداد


وماجور بطيرك وعسى الله يرزقك بطير مثلة أو أفضل منه
خيال الصبحا
22/06/2006, 03:16 AM
السلام عليكم
الشاهد الله ان اليوم مهموم = من بعد موتت طيرك الجير شاهين
الذيب الي صاد وعلومه علوم = وهو طير أبو رداد له خمسة سنين
ذيب(ن)يجيب العلم لاجاله لزوم = ولاهد نال الصيد خرب وكراوين
لا هد جاب العلم وهو دايم الدوم = لا هد أسبق من سبوق الشياهين
واليوم مات بدودة الكبد واليوم = عرف ابو رداد طب المريضين
يجعل ربي يرزقه غيره اليوم = يالله ياقابل دعاء المصلين

والله ان شاء الله يعوض عليك بخير منه بطير تشوف افعاله
صقر
22/06/2006, 04:39 AM
لاحول ولا قوة الا بالله

الله يعوض عليك يابو رداد

وعسى البقاء براسك يالغالي
نايف الخالدي
22/06/2006, 05:02 AM
العوض براسك
يابورداد والله يعوضك باحسن منه
ولاحول ولا قوة الا بالله
أبو شعلان
22/06/2006, 08:18 AM
بسم الله الرحمن الرحيم

الحمد لله على كل حال

الكل يعرف غلا الطير لدى صاحبه وخاصه إذا كان طيب

بعض الطيور إن راح قلنا عوافي *** لاشــك هــذا وين بلقــا حليه

أخوي ابو رداد نطلب من الله عز وجل أن يعوضك بطير أطيب منه إنه سميع مجيب


ـــــــــــــــــــــــ وتقبل تحياتي ــــــــــــــــــــــ
:j
المري
22/06/2006, 10:13 AM
عسى الله يخلف لك خير منه يابو رداد

واشكر خياك الصبحا على هذه الابيات..

اخوكم / المري
اعقاب
22/06/2006, 02:24 PM
السلام عليكم ورحمة الله
اخوي الغالي ابو رداد
الله يخلف عليك بأخير منه
وانت من الصقاقير اللي تحك معدن الطيور
ولا اظنك تعدم غيره وان شاء الله الذيابه اللي عندك بيظهر فيها اسود

اخي العزيز امتنا مبتلاه
تفقد من ابنائها الكثير الكثير وخصوصا في مسرى نبينا الكريم وعراقنا العريق
فلاحول ولا قوة الا بالله
وانا لله وانا اليه راجعون
الفيتو
22/06/2006, 02:46 PM
بسم الله الرحمن الرحيم

السلام عليكم ورحمة الله وبركاته

مساء الخير ياخوي /ابو رداد

*

انا لله وانا اليه راجعون . عظم الله اجرك يالذيب في الذيب

الذيب يا بورداد . ما زمت شوي والا هفت شوي

*

..شويمي ما عرفه مير علمه يجيني .. يا عنك ما تستاهل القطع يمناه

العرب ما تصفط الشر للطيب لو ماتعرفه

*

الطيب ما ودك يجيه ما ينكد عليه ولا نتمنى لك الا كل علم زين

لكن الموت مارديناه عن منهم اغلى ..وكل شي له نهايه

والدكتور ما يرد القضاء وهذا حال الدنيا هي قد دامت لحد؟

*



والطير يا ما فــي حراويه ممـسين .. وياكم صدفنا ناسٍِ إمــــضيعينه

وياكم ركضنـابه ندور مـــــداويــن .. وياكم وشفى وياكم توفى بحينه

مير البلا لاحــطـــه الله بـيـــديـــن .. من لانووى رده ولا بايــــعينه

وراعيه يستشرف من الحين للحين .. يلقاه والا يجونه مـبــشــــرينـه

هذا عساه يـمــوت ونكون راضين .. ولا تشوف مع عرب ناقــلينه

والسلام

الفيتو

الحجاز

26/6/1427هـ
طيرحوران
22/06/2006, 03:33 PM
لا حول ولا قوة الا بالله
السلام عليكم
وش هالعلم يابو رداد الحمدلله على قضاء الله وقدره
والطير على قولتك إذاما مات ضاع والحمدلله
وهذا حال الدنيا والبقاء لله شبحانه (كل من عليها فان)
ولا شك أن موت طير عزيز مثل الذيب يعتبر فجيعه لأنه يعتبر من الطيور المعاديه للحباري الذي هتك بها قتلا وتشويها بدون ذنب اقترفنه
ولكن مانقول إلا الله يعوضك بخير منه يابو رداد
تحياتي
والسلام
فارس العجمي
22/06/2006, 03:49 PM
السلام عليكم
احول ولا قوة لا بالله
الله يعوض عليك اخوي ابو رداد والحمدلله علي كل حال
والله يعوض عليك في طير احسن منه
قناص المغرب
23/06/2006, 01:54 AM
اخي ابو رداد العوض على الله
ويرزقك ربي احسن
راعي الجير
23/06/2006, 02:18 AM
السلام عليكم ورحمة الله وبركاته

هاذي حال الدنيا والحمد لله انه طير


الله يعوضك يابو رداد في طيرك *** بالمغتر اللي تسر العين هداته

دنياك فيها المصايب والله يجيرك *** الكل يامسندي لابد قد جاته

ياجعل الاشقر عديم الوصف اسبيرك *** الى لحق بارق الجنحان مافاته

احسن توفى ولا شفناه مع غيرك *** راحت طلايب مابين اشكيك او هاته
ابو عايد
23/06/2006, 02:44 PM
السلام عليكم ورحمة الله وبركاته
مساء الخير ياخوي /ابو رداد





لا حول ولا قوة الا بالله
وش هالعلم يابو رداد الحمدلله على قضاء الله وقدره
والطير على قولتك إذاما مات ضاع والحمدلله
وهذا حال الدنيا والبقاء لله شبحانه (كل من عليها فان)
ولا شك أن موت طير عزيز مثل الذيب يعتبر فجيعه لأنه يعتبر من الطيور المعاديه للحباري الذي هتك بها قتلا وتشويها بدون ذنب اقترفنه
ولكن مانقول إلا الله يعوضك بخير منه يابو رداد
واافى
23/06/2006, 06:52 PM
البقا فى راااسك يا بورد والله يعينك ويصبرك اذا كان طيرك له ذكرياااات وعلوم جميله

والله رزقك مثله واحسن يارك ياكريم

وتقبل خالص ودى
ابوفزاع
23/06/2006, 07:32 PM
البقاء براسك يابو رداد والله يعوض عليك بالاخير منه .
أبوتركي
24/06/2006, 12:32 AM
الله يعوضك بخير منه وعلى قولتك ان شاء الله يطلعن طيورك كلهن ذيابة ... وطيورنا تحت أمرك يابو رداد .. بس ماظنتي تنسيك الذيب ..


تحياتي لك ..
أبو رداد
25/06/2006, 03:32 AM
السلام عليكم ورحمة الله وبركاته


اخواني جزاكم الله خير على هالكلمات الطيبه
الي زاحت الهم عن صدري
.
.
وبيني وبينكم اقول هذه افضل نهايه للطير
لوضايع ... كان يمكن يروح عند غشيم
يربطه بحبل او يحطه في قفص دجاج او يعذبه بطريقه او اخرى
والذيب مايستاهل ...
ولو باقي يمكن يفقد قوته او بصره بحكم العمر ... وتقل هيبته ..ههههه
والذيب مايستاهل ....
مات واخر حباره صادها قامت من مخمرها تطلب السما - وبعض الحبار الشرد
لما تشرد تخف من حملها والي يقرا عزيز تمرش وهي شارد فيبين المرش مثل الدخان
فعندي واحد من خوياي على نيته قال (هذه ام الدخان ياطير يصيدها !!!!)
ولما تشوف الذيب وراها تشوفها كنها واقفه وهو يجيها ...
ولما وصلها مسها وصعد فوق ... والحباره تمت سادله جناحها ..
هناك وطاحت ولاشه من السما ... وخر عليها ابو سرحان
.
.
اخواني اكرر شكري على الكلمات الطيبه
وان شاء ابشركم الموسم القادم بخليفة الذيب
وتسلمون
عبدالله بن فرحا ن
26/06/2006, 03:44 AM
السلام عليكم
احول ولا قوة لا بالله
الله يعوض عليك اخوي ابو رداد والحمدلله علي كل حال
والله يعوض عليك في طير احسن منه
ريف النشاما
29/06/2006, 02:56 AM
الله يخلف عليك خيرا منه يابو رداد والبقى براسك يالغالي

والله لايريك مكروه في عزيز ويبارك في طيورك كلها

وانت تستاهل كل خير
ســـــــنافي
01/07/2006, 03:49 PM
افاااااااااا
البقا في راسك يالذيب في الذيب
طـير شلوه
22/07/2007, 03:07 PM
السلام عليكم ورحمة الله وبركاته
يابو رداد البقا براسك والله يخلف عليك بابرك منه ويبارك لك بباقي طيورك
وجعله دفعة بلا عنك
والحمدلله
لله مااعطا ولله مااخذ
وكري2007
22/07/2007, 05:28 PM
البقا برأسك يابو رداد والله يعوضك بحسن منه
سعد سالم
22/07/2007, 05:35 PM
الله يصبرك يا ابو رداد الله يعوضك بالحسن انشاء الله @@والله لمن سمعت بخبر الطير سالت العين دمع لن انت تعرف الطير عندي معاه ذكريات وماخذ صور بمكناص الدبوني وشايف صيده وشراسته الله يعطيك الضبر @@ اخوك سعد سالم الشمري 0 24 0 7 0 2007
قلب شاهين
22/07/2007, 08:37 PM
الله يعوضك أنشاء الله بالي أحسن منه ،،

تقبل مروري ،،
أبو رداد
22/07/2007, 08:55 PM
الله يحيكم جميعا

ومشكورين على مروركم الكريم
والحمد لله الله رزقنا بالاطيب
الزير وابو حجر
http://www.mekshat.com/pix/upload/images26/mk8675_5as.gif




http://www.mekshat.com/pix/upload/images26/mk8675_6as.gif