استفسار بخصوص سوبر فنشي

[الهيض]

السلام عليكم ورحمة الله وبركاته
مثل ماهو بالعنوان يالربع ، من يفيدني بمعلومات عن السوبر فنشي وكيف رميها
وايهما افضل السوبر فنشي ولا الاكستريما 2
ياليت ماتبخلون علي

[الهيض]

ثلاث وستين مشاهد ولا فيكم اللي رد على استفساري

[قناص خلاوي]

وعليكم السلام ورحمة الله وبركاته
ويمكن الزيارات تاصل 600 ولا احد يرد
لأن الفنشي والسوبر فنشي جديدة على السوق وكثير من الناس ماجربها ولا حتى شافها
انا شايف قبل كم يوم 2 سوبر فنشي وحدة سوداء والثانية مموهة وجدد
والصراحة مارميت فيها ولا قارنتها بغيرها
لكن كصناعة يكفيك انها من انتاج بانلي شكل وفخامة مافيها كلام
لكن اتوقع انها ما تتحمل مثل البلاك ايقل تو
بحكم انها تركب من ثلاث قطع الماصورة على الكعب برم
والحاضن مع الزناد على الماصورة كبس فأتوقع يصير فيها تفكك مع كثرة الرمي
والله أعلم

[الهيض]

الله يبيض وجهك ياقناص خلاوي ويجزاك خير
يالربع اللي عنده معلومات عن هالشوزن يفيدنا والله يجزاه خير لا تبخلون علينا يالذيابه

[فارس556]

والله يالغالي ..


اناا اعرف لي رجال شراه ولا جازت له وباعه يقول حسيته ماتصبر


لانه تقل لعبه طريقه تركيبه هههههههههه . .

[الهيض]

يعطيك العافيه يافارس ، لكن تقل لعبة قوية شوي الحين اصدارات بينلي صارت تقل لعبه

ولكن سأنتظر رأي اصحاب النظرة الموثوق بها في هذا المنتدى
فزعتكم يارجال اسعفوني

[فارس556]

يارجال اناا ماقلت شي عن شركه بينلي ومايحتاج اني اتكلم عنه شركه معروفه ولاهي محتاجه شهاده


اناا اتكلم عن فينشي طريقه تركيبها من كثر ماهي سهله شبهه الرجال باللعبه .


اتمنى انه وضحت الصوره ياالغالي

[الهيض]

لله الحمد والشكر تم شراء سوبر فنشي مموهه
وجربتها على قوقسي طيار بتشك رقم 2 تطيح القوقسيه من تسبد السماء لها دخنه

[ابو سفيان]

ياحضك انها طرحتها واحد من الشباب شرها
طلعت ما عندك احد ويقول لو ارميبها ضغط في بالي بتروح الصبطانه مع الطير ويبقى الحاضن والاخمص في يدي ولا كل قطعه تروح لحال ههههههههههههههههههه

[قناص خلاوي]

السوبرفنشي من اروع اصدارات البانلي
ولا يعرف حرارة رميها وطيبها الا من جربها

شركة عريقة مثل بانلي ماراح تضحي بسمعتها وتفتح طريق لمنافسيها
انهم يتعدونها وينتجون افضل منها مهما كان الثمن
لكن مشكلتنا إننا نحارب كل وأي جديد حتى بدون ما نجربه

سألت عنها رجال من الكويت جرب أنواع من البانلي والبرتا ماجربها أحد غيره
ويمدحها بكل المقاييس ويفضلها على الايقل 2 ويمدح بعد الاكستريم الجديدة من برتا .

ورجال كويتي ثاني يمدحها بزيادة وأكثر مامدح بها نظام التنظيف الذاتي
يقول حتى فشق ( السموك) ما يوسخها ومدح حرارة رميها يقول ما يقارب لها
الا السوبر سبورت .
وللعلم ماصورة السوبر فنشي ضوقها 18.3

بالتوفيق للجميع ..

[شمالي و الهوا غربي]

اذا رميت فيها ظغط 36 تحس انها بتفلش كل وصلة بحاله
اجل كيف بالظغط العالي

[قناص خلاوي]

اذا رميت فيها ظغط 36 تحس انها بتفلش كل وصلة بحاله
اجل كيف بالظغط العالي

اخوي انت رميت بالسوبر فنشي ؟؟
تراها سوبرمقنوم ترمي إلى 72 قرام
والصانع شركة بانلي مو شركة تركية ولا صينية
موفق خير

[شاهين12]

الله يعطيك خيرها ويكفيك شرها .
سؤال كرما لا امرا
المخزن مقفل ولا لا.

[قناص خلاوي]

الله يعطيك خيرها ويكفيك شرها .
سؤال كرما لا امرا
المخزن مقفل ولا لا.




بعد اذن اخوي الهيض
اخوي الشاهين نظام المخزن يختلف عن اول
المخزن فيبر يفك بضغطة زرار ويركب المخزن الثاني الاطول منه
وقيمة مخزنها بالكويت اغلى من الاصدارات الثانية
وان شاء الله اصور لكم مخزن الوكالة ومخزن 8 قريب

[أولمبي]

بعد اذن الاخوان ابي اتكلم عن السوبر فنشي شوي
اولا الشوزن يكفيك انها من بينلي ، واللي يقول انها تفكك من الرمي فهذا الكلام غير صحيح حيث انها خضعت للإختبار في الارجنتين ورُمي بها 8800 طلقه ونجحت نجاحًا باهرًا .
هو صحيح انه يصيبك خوف من طريقة فكها وتركيبها بس اذا ركبتها تستغرب من متانتها وسيأتي في بالك كيف اصبحت بهذه المتانه وهي تركب بهذه الطريقه
كما ان الاوربيين اخضعوها للاختبار من اصغر جرام الى السوبر ماقنوم وهو خرطوش 89 حيث ان ضوق السبطانه هو 18.3 يعني افضل بكثير من السوبر بلاك ايقل حيث ان ضوق البلاك ايقل هو 18,4
وهي دقيقه جدًا في الرمي
اما بالنسبه للاخوان اللي يقولون تفكك فأنا لم اتملك هذه الشوزن ولكن افيدكم بأني ررميت فيها 50 طلقه 36 والله انها سريعه جدًا وتحضيرها للفشق ممتاز جدًِا ويوم تمسكها تقول هذه جايه من الشركه كذا ماتنفك يعني كأنها حديد ماسكن بعضه
وبالنسبه للمخزن هي تأتي بمخزن ياخذ اثنين و واحد في بيت النار يعني ثلاث ، ويأتي معها مخزن ياخذ سبع والثامن في بيت النار ، ولها مخزن تسع والعاشر في بيت النار ولكن المخزن لحاله بالف وعليها شوي
لكن يجي معها مخزن اضافي اللي هو سبع والثامن في بيت النار
هذا اللي عرفته عن هالشوزن وياليت اللي ما جرب مايتكلم لاننا نبحث عن الفائده ، ولا احد يتكلم عن شيء مايدري عنه اللي جرب يتكلم واللي ماجربها لا يجيب كلام من راسه
هذه سوبر فنشي من شركة معروفه وعريقه ماتسوي شيء الا وهي عارفه مصلحتها فيه

[شاهين12]

بعد اذن اخوي الهيض
اخوي الشاهين نظام المخزن يختلف عن اول
المخزن فيبر يفك بضغطة زرار ويركب المخزن الثاني الاطول منه
وقيمة مخزنها بالكويت اغلى من الاصدارات الثانية
وان شاء الله اصور لكم مخزن الوكالة ومخزن 8 قريب




مشكور اخوي قناص خلاوي ،لاهنت على التوضيح:good:..

يعطيك ربي الف عافيه.

[قناص خلاوي]

مشكور اخوي قناص خلاوي ،لاهنت على التوضيح:good:..

يعطيك ربي الف عافيه.





العفو ياطويل العمر
وهذي صور مخزن الوكالة وابو 8

http://store2.up-00.com/June12/w3e29877.jpg


زر فك المخزن
http://store2.up-00.com/June12/fQE29877.jpg


طريقة فك المخزن وتطليعه
http://store2.up-00.com/June12/3y029877.jpg


مخزن الوكالة برا الحاضن
http://store2.up-00.com/June12/cxe29877.jpg


صورة للمخزن من داخل الحاضن
http://store2.up-00.com/June12/Iku30060.jpg



إن شاء الله تكون الصور واضحة للجميع

[شاهين12]

العفو ياطويل العمر
وهذي صور مخزن الوكالة وابو 8


http://store2.up-00.com/June12/w3e29877.jpg



زر فك المخزن
http://store2.up-00.com/June12/fQE29877.jpg



طريقة فك المخزن وتطليعه
http://store2.up-00.com/June12/3y029877.jpg



مخزن الوكالة برا الحاضن
http://store2.up-00.com/June12/cxe29877.jpg



صورة للمخزن من داخل الحاضن
http://store2.up-00.com/June12/Iku30060.jpg




إن شاء الله تكون الصور واضحة للجميع







مشكور يالغالي مابعد هالشرح شرح.
لاخلا ولاعدم ..

صراحه ابدعت البنلي بتصميمها الفريد من نوعه..