الفزعه يا اخوان مشكلة عمود الباترول

[h93313]

عندي صوت في عمود الكردان او الدبل
الصوت ما يطلع الا اذا كنت ماشي بسرعة 20 واقل والموتر في الفاضي والدبل مفصول الصوت زي صوت الصلبان اذا طفيت الموتر وهو ماشي بسرعة 20 يروح الصوت على طول واذا مشيت بسرعة 20 واقل وفضيت الموتر وهو شغال يجي الصوت .
الصلبان جديده اصليه والاعمده مرصصه الدبل والكردان.
اذا عشقت الدبل مافي اصوات ينقطع الصوت او اذا سحبت البريك شوي يروح الصوت
السيارة باترول موديل 93 سعودي

[وبل نجد]

هل الموتر فيه فرارت ؟؟؟

[h93313]

ياهلا
نعم فيه فرارات برازيليه
والصوت من قبل الفرارات وبعد الفرارت وحتى وهي مفصوله يطلع الصوت
اتوقع ان المشكاه في البريك لان الموديل هذا 1993
البريك يجي في القير

[h93313]

وين المكنيكيه؟

[وبل نجد]

مشكلتك لاهي عمود ولا فرار ولاصلبان

افضل شي ان احد يركب معك ويسوق االموتر وانت تتسمع للصوت

ولا جرب ارفع الموتر بعفريت من ورى يمين ويسار كلا الكفرين وعشق الموتر ب ثنين ولا ثالث وخله يوصل ٢٠ وتسمع. للصوت

موفق×

[سفااري]

السلام عليكماخوي مشكلتك بسيطة مشكلتك قماشات العمود

[h93313]

الاخ وبل نجد شكرا جزيلا
الاخ سفاري شكرا جزيلا ويليت تحدد مكان قماشات العمود فين مكانها في عمود الكردان او الدبل

[h93313]

وينك يا سفاري

[h93313]

:cكمل جميلك ياسفااري:c

[h93313]

وين اهل الخبره
مثل
بدوي وحجازي اصيل

[ls1.5700]

شف ياخوي انا سراحه مافهمت عليك
بس الي فهمته من كلامك وانت جبت الحل ماهو انا
تقول لما اسحب البريك يروح الصوت
معناته المشكله من القماش خربان ويلعب داخل الكليبر حق البريك
شيك عليه وعطنا خبر

[ابو البر]

الرياض
الصناعيه القديمه
أسأل عن محلات المواطير الكهربائيه
وفيه شارع قريب منها
شارع صغير
فيه محل اسمه
محل وحيد
(وحيد)
اسم المحل (وحيد ) لترصيص عمدان السيارات .
اذا قال لك اقدر اصلحها نفذ طلباته بالقطع اللي يطلبها وبدون تردد.
وأستسلم لشوره وأنا قبيلك .
اذا قال لك ما يعرف ارض الله واسعه .

سبب كلامي هاذا
انا حنا يالسعوديين فينا بعض الأحيان حرص على غير سنع .
تقبل ودي وتقديري
على فكره
اذا منك صلحت عنده (لي نسبه من دراهم التصليح ) يحولها لي على بنك سويسري سري .




هههههههههه

[F34666]

الجلنط حق الباترول قماشات في عمود كردان المتصل في الدبل حاول تمسك جلنط وان ماشي 20 راح تشوف الصوت يزود ويقرقع

الحل تنظيف الكماشات او التغيير فقط