المساعد الشخصي الرقمي

مشاهدة النسخة كاملة : يانواخذه تعالو معاي لأيام زمان الغوص


بو راشـد
22/06/2006, 03:05 AM
السلام عليكم ورحمة الله وبركاته
اليوم حبيت أرجعكم يمكن 70 سنه أو أكثر حبيت أخذكم حق أيام الغوص أيام النخوه والرجال . ذاك اليوم أدور في مكتبه الوالد وحصلت أكتاب عن الأغاني الشعبيه وحصلت قسم من الأقسام كله عن النهام وكان في منته الروعه.
وهذا الموال ألي حطيته لكم اليوم يسمى (العشاري) وينهم هذا الموال عند أخراج المياديف من السفينه ويبدأ التجديف وبعدها يخرج شراع يسمى (الجيب) ويكون شراع صغير ينزل لكي يساعدهم على التجديف وعند رفعه يبدأ البحاره بهذه الحدوات (هلي يا..هلي يا) ويسمى فن الجيب.

لسماع الموال أدخل على هلرابط:
http://asarm.jeeran.com/maasah/nhmha.rm (http://asarm.jeeran.com/maasah/nhmha.rm)

وهذه هي كلمات الموال:
النهام الأول:أداء المرحوم النهام سالم بن سعيد العلان
داله في هوه الزينه سهام الموت من عينه
يابوخد كما التينه ورد المزن من اجباله
وجباله سالبه روحي وهجره ناقظ جروحي
حييت الميت ونوحي خليلي ساهي داله
كثر التدله وليفك ياطويل العمر
تشمت بي الواشي أو الحساد زيد أو عمر
أومن حبك صرت قتالي أو مثلك قتل حبه
هجركم لي بلاسبه هو طرب لوبله.

لوعذبني عالي بالي

النهام الثاني: المرحوم النهام أحمد جاسم محمد بوطبنيه
هيظ غرامه على الدلال داغيني
داغ بقلبي وداغ بلضماير داغ
أهل الهوى مثلو من تاب ينصب داغ
واّنه تبت وأنصبت في القلب داغين

النص الغنائي (للجيب)
كثرت صلاتي اوبادي على الشفيع العبادي
وشفاعتك يامحمد يوم الحشر ياسنادي
يوم الحشر ياشفيعي ذخري وغايه مرادي
ياغايتي ياهل الدين حنا ضعاف ومساكين
مولاي نظرتك بالعين توفي ديون علينا
توفي ديون ثقالي الأوله والتوالي
الأوله أول الله والثانيه اعباده الله
الثالثه سل سيفه يغلط على سلف لول
لو سلف لول غدو بي غدو بناس كثيره
لحضور سباني بدله عقلي وروحي فداله
وانا فداك يا الخماسي

من كتاب أغاني البحرين الشعبية للكاتب عيسى محمد المالكي

أتمنى أن يعجبكم الموضوع وأي سؤال عن الكلمات وله شي تراني حاظر وتحياتي لكم.......................
Alhzzen
22/06/2006, 03:19 AM
الله عليك تسلم يالغالي على الموال



شكرا:d
بو راشـد
22/06/2006, 04:00 AM
الله يسلمك أخوي وأنشاء الله أعجبك وتحياتي لك..............
راعي الدنقي
22/06/2006, 04:14 AM
مشكووور وايد وايد يا بوراشد وممنون وايد وايد على عبق طيب فنون البحر والغوص ،،،،،

تأمن بالله لااله الأ الله محمداً رسول الله والفجر يأذن
كنت حاسب من ضمن ردي بأسالك أنت من أهل الحد لاكن سبحان الله قبل ماأرسل
شفت مدينة الحد من المؤكد أخوي بوراشد لو أقولك أنا من ولده ستعرفني مادمت من أهل الحد
أهل البحر والغوص لاكن سادعك تخمن وانا متأكد بان تخمينك سيصيب مو من أهل الحد
الحد الي سكنوها الاولين كانوا الكل يعرف الثاني وعدد سكان جليل كنت أجي الحد وانا صغير
ولازلت أزور أقارباً لي هناك أنا باقولك في رسالة خاصة من أنا وبتعرفني وبتعرف جماعتي
وأن بغيتها في رد في الخيمة حاضرين مهب عيب طال عمرك وفرصة سعيدة معرفة الأجاويد
بس هيضت شجوني بهاذا النهام الي الوالد رحمة الله عليه يحب يسمعه دايماً يجرخ
على خط الشمال في الندروفر رايحين شمال مبيت في نهاية السبعينات ولوهيه تيك من
تحت رجلك والوالد الله يرحمه يمشيى 40 لين الغارية ارقد واقعد ورد أرقد وحنا لين
الحين ماوصلنا والعلان ينهم طول الخط واليوم سمعته من عند أخوي بوراشد سرحت
مع نفسي أتذكر أهل البحر وخاصته غاصوا في أعماقه بحثوا عن أسرارة وأستخرجوا
كنوزة وأنسوا وحشتة

الله يرحمهم كلهم الأحياء منهم والاموات


والسموووووحة على الأطالة أخوي بوراشد وفرصة سعيدة

وداعـــــــــة الله ****
دمي بحر
22/06/2006, 07:23 AM
مشكور يابوراشد على كل المشاركات
ABU 7AMDAAN
22/06/2006, 10:52 AM
مشكور يا ابو راشد على المشاركه الجميله
الله يعطيك الصحه والعافيه
ماهر الزيات
22/06/2006, 11:23 AM
يعطيك العافيه على هذا الموال
UAEbiz
22/06/2006, 12:57 PM
الله يبارك فيك

ممكن توضيح من اين لنا بنسخه الله لا يهينك
بو راشـد
22/06/2006, 02:30 PM
السلام عليكم ورحمة الله وبركاته
هلا أخوي راعي الدنقي " ويقولك أحبك يا خالي فيك من ريحت أمي" وحياك ياراعي ديرتي وكله واحد أخوي بتذكرلي في الرد وله في رساله خاصه بس أول ماتذكرلي من ولده أكيد بعرفك. دمي بحر هلا فيك أخوي وحياك الله . بوحمدان هلا والله وين على هلغيبه وين مواضيعك. ماهر الزيات مشكور أخوي على هلرد الحلو. هلا فيك أخوي uaebiz وأنشاء الله تلاقي كل ألي يسرك في المنتدى وخصوصا الخيمه البحريه أما عن لكتاب والله ياخوي الوالد شاريه من زمان والنسخه ألي عندي حق سنه 1998 بس بسألك عن المكتبات ألي تبيع هلكتب.
وتحياتي لكم جميعا وأنشاء الله يعجبكم الموضوع................................
واافى
22/06/2006, 03:30 PM
مشكووووووووور بو راااشد ياااااسلام عليك

رااااعيها الا منوين تجك هل الفكار الى لا علابال ولا خاطر


ومشكور مرة ثانيه
بومحمد
22/06/2006, 04:26 PM
:alarm: مشكور بو راشد على المعلومات الجميلة والتنسيق الاجمل :alarm:
كبير النواخذه
22/06/2006, 07:46 PM
عيني عليك بارده يانوخذه مال اول

اقول انك نوخذه ... تسلم ...والله يسلم الوالد ويعطيه الصحه والعافيه وطولت العمر ان شاء الله


والله يابوراشد لني احب هالمواويل...ياليت اتكثر منها
عاشق الموج
22/06/2006, 08:55 PM
تسلم يا النوخذة بو راشـد

حقيقي شي جميل تذكر ايام الاجداد

وما كانو عليه من ترديد المواويل البحريه

تسلم ما قصرت
بو راشـد
22/06/2006, 09:18 PM
السلام عليكم ورحمة الله وبركاته
هلا والله وحياكم الله كلكم وأخص بلذكر أخوي الواافي, خلقون, عاشق الموج, وكبير النواخذه وهذي عندك الوصله روح عليه وبتلاقي ألي يسرك http://www.zeryab.com/A/Salem_Al_Allan_Bahri.htm
وأنشاء الله بعد إذا حصلت بنزلهم.
وشكرا على مشاركتكم في الموضوع وتحياتي لكم جميعا............................................. .....
وادي الحنينية
01/07/2011, 05:25 AM
الله هالموضوع من 2006 بس حبيت ارفعه وجزاك الله خير يابوراشد
ابو سمر
01/07/2011, 08:51 AM
مواويل جميلة ورائعة لأهل البحر الحقيقيين عندما كانوا يبحرون بأدوات بسيطة جداً..

شكرا للأخ ابو راشد ..
عنفوان1
02/07/2011, 12:41 PM
تسلم يابوراشد على هلموايل الطيبه
mr_red
03/07/2011, 09:12 AM
الله يعطيك العافية

تسلم يدينك على هذا الموضوع

التراث ابد ما ينعاف
أبو سنيد 04
03/07/2011, 03:30 PM
موضوع بحريني بحت ...
الله يديم المحبة بينكم ...
تقبلوا مروري بود ...


















تحيات
أبو سنيد 04