يالربع اول مره ازوركم ________________ولدى مشكله بفورد قراند ماركيز

[عناز الحره]

السلام عليكم ورحمة الله وبركاته
اخوانى لدى فورد قراند ماركيز 2003 امريكى
السياره لاتشكو والحمدالله من شئ
والمشكله هى فى الطلعات فقط ترتفع الحراره الى H فل




http://dc04.arabsh.com/i/00200/v9u01f4glw6p.jpg

يبدأ بالاستمرار بهذه الطريقه
حتى يصقع الــــــH:(:(




وعندما يتساوا الخط تبدأ بالنزول تلقائى فهل هى مشكله ام طبيعيه


وما سبب الحراره


ارجو من لديه الحل يفيدنى
فى امان الله

[يزيد 999]

أتوقع انه طبيعي لان السيارة تتعرض لضغط شديد لكن اذا وصلت اتش السيارة يصير فيه تهريب ماء أو دخان أو دلائل اخرى او فقط ترتفع وتنزل والسيارة ماتغير عليك بشيء

[sgl2002]

لا ماهي طبيعية

مشكلتك بالاديتر وهذا اقرب الاحتمالات

او تماتيك المروحه

[رفيع المقام]

وعليكم السلام ورحمة الله وبركاته
لديك مشكله
تأكد من عمل الثرموستات اللي هو بلف المويه ، وشف اللي اللي راكب بالكوع احيانا اذا اللي مهوب اصلي او انتهى عمره ينسفط على بعض مع الضغط والسرعه فيمنع مرور الماء .
وايضاً شيك على غطاء القربه .
وتأكد من عمل المراوح .
والمويه هل هي نظيفه ام لا وهل هناك نقص ..

[عناز الحره]

أتوقع انه طبيعي لان السيارة تتعرض لضغط شديد لكن اذا وصلت اتش السيارة يصير فيه تهريب ماء أو دخان أو دلائل اخرى او فقط ترتفع وتنزل والسيارة ماتغير عليك بشيء


المشكله يايزيد انى قبل الطلعه اشيك على السياره واطفى المكيف والماء ماهو ناقص والامور تمام ابدأ اطلع بنص الطلعه تبدأ الحراره تسابقنى لل H
واطنشهاااا وهى H :D
واقول فى نفسى عز الله ان المكينه جاوبت:D:D
ما ان تنتهى الطلعه تبدأ الحراره بالنزووووووووووووول الى النصف اللى هى طبيعيه
والله جننتنى صراحه

[عناز الحره]

لا ماهي طبيعية

مشكلتك بالاديتر وهذا اقرب الاحتمالات

او تماتيك المروحه
لاهنت يالذيب طيب يعنى يبيله تنضيف واللا تغيير واللا كيف

[عناز الحره]

وعليكم السلام ورحمة الله وبركاته

لديك مشكله
تأكد من عمل الثرموستات اللي هو بلف المويه ، وشف اللي اللي راكب بالكوع احيانا اذا اللي مهوب اصلي او انتهى عمره ينسفط على بعض مع الضغط والسرعه فيمنع مرور الماء .
وايضاً شيك على غطاء القربه .
وتأكد من عمل المراوح .

والمويه هل هي نظيفه ام لا وهل هناك نقص ..


لاهنت يالذيب جارى التشييك على اللى قلت

وجزاكم الله الف خير يالغالين

[NissaN 1990]

الطلعه إذا كانت طويلة وأنت ماراح تسرع معها الأفضل أنك تخلي الموتر ب D2 عشان مايقعد يريح ويشد مع الطلعه ب D
يعني مثل طلعات الجنوب والطايف

[GM_400]

لا موطبيعي انتبه وناخوك يجي يوم تحصل المكينه جمبك


اغسل الرديتر اول شي وشيك الخراطيش كلها

بعدها شيك البلف والكوع

والله يكفيك الشر

[ابوراكان تبوك]

المشكلة ماهي طبيعية يا الاديتر عندك مسكر او البلف خربان او المراواح ماتشتغل على السرعتين
وده لأبو دقيقة بتبوك هذا كتلوج فوردات
وللمعلومية كل الفوردات المستورده الاديتر صغير واغلبهم يغيروه من التوكيلات اكبر من الاديتر الامريكي

[عناز الحره]

اله يجزاكم خير ويكثر من امثالكم

[عناز الحره]

المشكلة ماهي طبيعية يا الاديتر عندك مسكر او البلف خربان او المراواح ماتشتغل على السرعتين
وده لأبو دقيقة بتبوك هذا كتلوج فوردات
وللمعلومية كل الفوردات المستورده الاديتر صغير واغلبهم يغيروه من التوكيلات اكبر من الاديتر الامريكي

مشكور يابو راكان ودى امر ابو دقيقه العصر واشوف المشكله

ويازين الفنى يوم يعطيك المشكله على طول مايجلس يتطبب وكل شى قدامه ويغيره
يجلس يغير الاديتر
بعدين بلف الحراره
بعدين المروحه
بعدين غطا الاديتر
بعدين خراطيش
.
.
.
.
الخ

ويعطيك فاتوره بـــــ2600 ريال :eek::eek::D:D:D

والمشكله من اول هى بلف الحراره فقط
هههههههههه

[GMC89]

انا اظن انها من المراوح

[باسل نجد]

مثل ما قالوا الاخوان حرارة سيارتك ماهي طبيعية ،،،، وانتبه وانا اخوك لاينشعر راس المكينه مع تكرار الحرارة
استعجل في تصليحه ، قبل لاتتفاقم المشكله .
وخذها من واحد قد جرب الفورد ولازال معي ،
حرارة الفورد ماتتحرك عن الطبيعي ولا ملي الا إذا فيه مشكله
مثل ماقالوا الاخوان شيك على:
البلف
الاديتر
مروحة التبريد مهم لان لها سرعات متعددة فبعضهم يشوفها تشتغل ولا يدري ان هناك سرعة ثانية قد تكون متعطله ، طبعا السرعة الثانية ماتشتغل الا اذا شغلت المكيف او احتر الموتر

تمنياتي لك بالتوفيق

[ملك الفكتوريا]

يالغالي اذا الرديتر ما سيخته لازم التسييخ ونظف مجاري السلندرات وكلها 219 ريال

100 ريال شغل يد

60 موية رديتر اصليه موتركرفت ذهبية

20 ريال كرتون مويه مقطره

بلف حرارة 39 ريال


والطرمبة تشيك عليها تروح مشوار وتدعس شوي اذا رجعت شوف الطرمبة اذا فيها تهريب من الفتحه يعني من الطرمبة



لكن أنا اقولك توقعي وواثق 100%


الحرارة من القير واذا سيخت وشفت ان الحرارة قلت كلها 500 ريال ومبرد قير ثاني وتنحل المشكلة ان شاء الله

[ملك الفكتوريا]

ونسيت شئ مهم


اذا ارتفعت الحرارة والمكيف باقي يبرد المكينه سليمه والبلى بالقير او حساس الحرارة

[كاشت وحداني]

من تجربه
شرينا ماركيز 2001ونستخدمها في الرياض احلى كلام
ويوم رححنا الجنوب
مع الطلعات تفور المويه مع القربه وتسخن
وطلعت المشكله البلف كان مشيول
ركبنا البلف وانتظمت حرارتها
تاكد من البلف بحكم انه الارخص
وان شاء الله ماتزيد عليه شي


Sent from my iPhone using Tapatalk

[عناز الحره]

الله لايحرمكم الاجر يالذيابه

[BDER-C1]

امبير الحراره يستهبل معك

تاكد من تعليمات الاخوان وياليت تنزل لنا الحل اذا حصلت حل للمشكله والله يهونها عليك ,,

[عناز الحره]

امبير الحراره يستهبل معك

تاكد من تعليمات الاخوان وياليت تنزل لنا الحل اذا حصلت حل للمشكله والله يهونها عليك ,,
بأذن الله يالغالى اول مالقى العلاج نلقاااه هناااا ان شاء الله

[أبـو زهـرهـ]

جرب ياغالي إطلع مع الطلعه باليل إذا مارتفعت أو ارتفعت بس ماطلعت على الإتش ثق ثقه تامه مشكلتك من الرديتر يايبي له تصييخ أو تغيير

[ابو فهد...]

انت تقول استخدام امريكي صح
يعني سيارتك ما فيها مبرد قير وحرارة القير ترتفع وترتفع معها الحرارة

[abo 7la]

حبيبي امصع البلف وحطه بقدر كاتم وشب عليه خمس دقايق اذا قفلت السبرنقات معناته سليم الشي الثاني موترك شكمان واحد صح ؟ حاول تشيل الرصاص الي بالقزوز قدام تحت رجلين الراكب المعاوني بالضبط بيطلع معك فرق بالحراره ويخف الموتر بس بتلاحض صوت الموتر بيتغير حاجه بسيطه
ارجو اني افدتك وتقبل تحيات اخوك ابوحلا:good2:

[ابو سليمان--]

اذا الاديتر يفورر شيك على البلف وشيك على طرمبة المويا اذا ما فيهم شي على كلامك الحرار ه توصل اتششششششش الله يعينك راس المكينه فيه شعر

[السرحان502]

واحد من العيال يمدح لي بلف كابرس 97 على الفورد
يقول روعه ماتدعدى الربع

[عناز الحره]

بارك الله فيكم يالنشاما

[فورد ماركيز]

طمنا اخوى ايش صار معك

[عناز الحره]

شلت البلف ورحت للطلعه نفسهاااا وارتفعت الحراره فلللللللللل:(:(
صيخت الاديتر وطلع فيه سدد ووجدو الخزان خربان وغيرته (((خزان داخل الاديتر وجارى تجربة السياره))) واتوقع راحت المشكله ولاكن اوافيكم بالاخبار ليستفيد الكل
انتضرونى

[قمرنا]

أخوي
شيك على الخراطيش كلها أحياناً يسفط الخرطوش
عند ارتفاع الحراره ويمنع تدفق الماء
موفق إن شاء الله...

[رفيع المقام]

اذا سويت كل الأشياء اللي ذكروها الاخوان ولا تغيير شي ،
مالك الا تفرغ دبات التلوث او تركب مواصير لكن بتطلع لك لمبة الفحص ،
وعلى فكره الدبات فيها ماده غاليه ..
انا رحت لحقين الشكامين عشان افرغ الدبات قالي العامل ب ٣٠ ريال قلت بس تجمع لي اللي داخل الدبه قال خلاص ١٢٠ ..
ومعه ومعه لين خليته يفرغ الدبه مجاناً وياخذ اللي جواها .
لاني كنت مضطر وقتها والا والله ما يشمها .
خخخ

[رفيع المقام]

اذا سويت كل الأشياء اللي ذكروها الاخوان ولا تغيير شي ،
مالك الا تفرغ دبات التلوث او تركب مواصير لكن بتطلع لك لمبة الفحص ،
وعلى فكره الدبات فيها ماده غاليه ..
انا رحت لحقين الشكامين عشان افرغ الدبات قالي العامل ب 30 ريال قلت بس تجمع لي اللي داخل الدبه قال خلاص 120 ..
ومعه ومعه لين خليته يفرغ الدبه مجاناً وياخذ اللي جواها .
لاني كنت مضطر وقتها والا والله ما يشمها .
خخخ

[عناز الحره]

لاهنتو يالذيابه