فزعتكم يا اهل الجيوب لاندكروزر 2009

[نايف ابوتركي]

السلام عليكم كيف الحال يا اخوان


انا معي جيب لاند gxr 2009 وعندي مشكه اول ما اشغل السياره تبدا تاشر لمبة الدبل والدبل مفصول ولا تطفى الا اذا طفيت السياره ورجعت شغلتها تروح اللمبه

علما الجيب 8 سلندر فزعتكم الله لا يهينكم

[س الشلاقي]

مرحبا مع اللمبه اللي تشر تشتغل معها لمبة برتقاليه اللي على شكل دينمو

[نايف ابوتركي]

تشتغل لمبه الدبل العاديه اللي صورة سياره وتقعد تاشر

[abs22]

مرحبا ابوتركي
فيه طريقه بسيطه وقد تنفع وهي انك تفصل اصبع البطارية الموجب لمدة تقريبا نصف ساعه وتعيد تركيبه مرة ثانيه مثل ماقلت لك اخوي قد تنفع ......... موفق

[نايف ابوتركي]

الله يجزاك خير

[sgl2002]

افصل اصابع اابطارية الثنتين

[راع الركايب]

بسم الله الرحمن الرحيم
السلام عليكم ورحمة الله وبركاته

معي جيب GX 2008 6V قير عايدي ولعة لمبة الدبل الثقيل(4LO) وولعة لمبة المكينه ثم فصلت البطاريه لمدة ساعتين ورديتها وراحت اللمبات واخذت عليها مشوار وطفيت السياره وشغلتها ورجعت مثل اول،، ورحت فحصتها كمبيوتر(ب100ريال) وطلع حساس الاكسجين (حساس الشكمان) اللي من جنب المكينه من يسار وطلبته اليوم طلبيه من الشركه قيمته 489ريال (علماً انه يوجد اربع حساسات) وغداً إن شاء الله اخبركم باللي يستجد........

[شلفا تبوك]

اولا السلام عليكم
ثانيا اذا الموتر باقي في الضمان دخله الوكاله
ثالثا مشكلتك هي حساس الدبل وقيمته ٣٠٠٠ ريال
لان الموتر ٨ سلندر
من واقع تجربه موتر نفس موترك وعطلك
والله يعينك ولاتخلي للوكاله درب عليك اذا انت في ضمانهم

[نايف ابوتركي]

الله يجزاكم خير وبيض الله وجيهكم

الموتر خارج الضمان والله يكتب اللي فيه الخير وما قصرتو

[S-A-L-E-H]

راعي الركايب

مارديت علينا وش صار عليك
هل كانت المشكلة من حساس الشكمان ؟؟

لأني أنا ايضا فحصت عند ثلاث اشخاص كمبيوتر

اثنين كلهم قالوا المشكلة من حساس الشكمان

والثالث يقول ماله دخل حساس الشمكان بالمشكلة

وبالنت يقولون
المشكلة بدينمو الدبل
أو حساس الدبل الجهاز الاسود اللي مشبوك بالدبل


أنا الحين الموتر
كنا نحاول عند احد المبرمجين اكتشاف مشكلة تأشير لبمة الدبل ولعه شبك الدبل الثقيل ورفض يفصل
والحين امشي على الدبل الثقيل والموتر له حنه واضطريت اوقف الموتر

وانا بـ صراحه ماعمري لقيت حل مشكلة لي بالانترنت

[راع الركايب]

ركبت حساس الاكسجين (حساس الشكمان)
واللمبات مثل ماهي ماطفت
ماعاد ادري وش المشكله
الحل الاخير اوديه للشركه(المسلخ العام)
وحقين فحص الكمبيوتر ماعاندهم سالفه

[نايف ابوتركي]

فيه وكاله الرشيد اللي في صناعيه القديمه كويسه وارخص من عبداللطيف جميل

[S-A-L-E-H]

أنا كانت تأشر معي لمبة الدبل الثقيل والخفيف
والمصيبه إن الدبل الثقيل شغال
جلس يومين شغال
سويت كل الطرق ومافاد لأن الموتر مايستجيب لـ أي عملية
لكن فجئة فصلت البطارة وركبته مره ثانيه فلاحظت لمبة الدبل الثقيل والخفيف ماعاد تأشر صار تعطي نور ثابت- مع اني كنت اسوي نفس الطريقه قبل لكن مافيه نتيجه !!- , ضغطت الزر ففصل الثقيل بعد ما مشيت لاحظت الموتر يمشي بالدبل الخفيف << مصيبه ثانيه
حاولت افصله ماقدرت سويت كل الطرق ماقدرت , من بكرى وانا رايح للدوام حاول بفصل البطارية ففصل الخفيف .

الأن المشكلة هي بوجود لمبة الثقيل تأشر
أحد يجيب لنا العلم

[وبل نجد]

الله يقلعها من سيارات والله انها مشكله

اللله يعينكم ي جماعه
لكن يبغالكم فحص كمبيوتر عند واحد فنان وفاهم
والاحتمال الااول انه من حساس الدبل
لكن الله يعينكم

[S-A-L-E-H]

أنا فحصت بكمبيوتر يقول المشكلة بـ حساس الشكمان
لكن خوينا راعي الركايب
ركب حساس ومازلت المشكلة مستمرهـ عندهـ

[ابوعدي001]

يمكن يفيدك هالرد من قوقل ... ونصيحه ابحث بقوقل الا واتحصل حل ...دااااااخ راسي وانا ادور لك ( أمزح )

حصلت معي قبل أكثر من سنة فوضعت المشلكة في منتدى مكشات فرد الأخ العزيز / على الغامدي .. وقال تعال لرأس تنورة بالمنطقة الشرقية ، ولم تتجاوز العملية عشرين دقيقة .. فقط ..

كل الذي عمله الفني المسلم الفلبيني هو تنظيف أسلاك بجانب الكفر من الداخل والتي هي تشبك الدبل .

بالتوفيق للجيمع ...

[AbdulAZiz M]

أنا فحصت بكمبيوتر يقول المشكلة بـ حساس الشكمان
لكن خوينا راعي الركايب
ركب حساس ومازلت المشكلة مستمرهـ عندهـ


معي اف جي
وفكيت الواي بيب حق الوكاله وركبت واحد ثاني بدون فلاتر بيئه واشتغلت عندي لمبة المكينة مع لمبة مانع الانزلاق فعرفت ان المشكله من الحساس واللي اعرفه ومجربه ان الحساس ما يخرب ولا تشتغل لمبات المكينة اذا انت فاك فلاتر البيئه واضطريت اركب حساسات واحد من الشباب ونفس المشكله ورجعت الواي بيب حق الوكاله ونفس المشكله وكل ما فحصت كمبيوتر قالوا حساس الاوكسجين
وبعد جهد وجهيد صلحت الموتر في الوكاله وطلعت المشكله ان سلك حساس الاوكسجين انقص من داخل من العامل اللي اشتغل موتري في البدايه
والحمدلله بس وصلوا الاسلاك في بعضها ضبطت وطفت اللمبات
شيك على الكهرباء اللي موصله للحساس لان الحساس نادر جدااا يخرب

Sent from my GT-I9100 using Tapatalk 2

[السواااح]

السلام عليكم وش صار معك ياراعي الركايب لقيت حل للمشكلة...