يارجال تكفوون الفزعه مشكلة بــــٍ سفاري 1990

[بدر الظفيري]

مدري وشلون ابدا ومن وين عموما

انا نزلت المكينة عشان اركب دسك وصحن ركبتها وكل شي تمام الحمد لله

فجأة وبدون سابق انذار المووتر صار يحتر حرارة ماشفته منها اول ابد

كل شي تمام وشغال
قالوولي وزن ديلكو وزنت طبعا وزنته يدوي ماهو بالجهاز
قالولي شيل الترموستات وشلتها
قالولي اغسل السلندر والراديتر غسلت



تووونبي جاي من الصناعيه يقولون كل شي فيه تمام

لاتقولون لي راس مكينه لاني وديته وشافه مكانيكي يقول الراس مافيه شي

مع المكيف ترتفع اكثر ومرة ثابته ومرة ماتحتر

جننتني الفزعه يارجااال وش الحل

[sgl2002]

شكلهم كسروا احد الطبات

هل الموتر ينقص ماء

[بدر الظفيري]

لا والله يالغالي ماينقص أبد اي تهريب مافيه والردايتر ألمنيوم أخو الجديد


أول قبل أصلحه كان مايعرف الحرارة أوقف واشغل مكيف نص ساعه

يالله توصل ربع اوفوق الربع

[وبل نجد]

طيب تاكد من. سير المروحه لايكون مرتخي
وتاكد من الطرمبه اذا تسحب المويه وتدورها

وعلمنا باللي يصير معك ي راعي الحفر

[ذيب السريه]

شيك علي المراوح شغاله ولا لا
احتمال كبير المراوح

[وطن العزة]

فيه مروحتين بين الأديتر والشبك شيك عليها حتى لو كانت شغاله حاول تطق الدينمو حقها يمكن تطفي

معي مثل موترك لكن 98 كان يحتر مع المكيف اذا كان واقف

فالأخير طلعت وحده منها عطلانه

[SGL]

الحال من بعضه
باالنسبه لي اذا كنت واقف ومشغل المكيف تقريباً خمس دقايق والقاها قبل النص بشوي واذا حركة ومشيت تقريباً 3 كيلو تطيح تحت الربع بشوي
وانا ودي بمراوح كهرب لان اللي عندي شد بلد 1992
اذا لقيت الحل قلنا عليه

[مطر وربيع]

ممكن كسر احد الطبات ومن الحرارة الماء يتبخر ولا يبان شيء
شيك على الطبات ماتكلف شي الحبة ب5 ريال

[mekshaat]

هذي مشكلتنا اللي نعاني منها مع أكثر الورش يفكون لك حاجه بالسياره عشان يصلحونها وتكتشف بعد الاصلاح انهم تسببو بمشاكل ثانيه قبل فتره وضبت القير ويوم جيت استلم السياره قال لي اللي وضبها جينا نشغل السياره بعد التوضيب وانكسرت وصلة الحار حقت الثلاجه وجحد انهم السبب وقام وجاب قطعة وصله تشبه الماسوره ولحمها بلحام ابوعشر ريال تجاري وشد اللي والقفيز ولاعلمني وبعد اسبوع وانا ماشي انفك اللحام وطقت الحراره اتش ودخلت المويه على البواجي واعدمتها وعلى الكويلات والمكينه بعدها لك عليها والصدام الخلفي محكوك ولا انتبهت الابعدمااستلمت السياره وياليت توضيب القير ضبط مع الخساره عليه والمشاكل اللي جت معه فيه فضاوه وطقه عموما شيك على الأشياء اللي تتوقع انهم جو حولها وهم يشتغلون بالسياره والمفروض ان الورش يتحملون غلطاتهم.

[اليوسف2012]

تأكد من سلك الحساس حق الحرارة اللي بالمكينة لا يكون مجروح و يلمس الحديد لأنه يسبب أرتفاع مؤشر الحرارة

[أصيل حجآ زي]

أذا عمود المرفق { كرآنك شآفت Cranck Shaft } ما هو موزون
على خط وآحد مُستقيم مع القير / الحذآف والقآبض يسبب ضغط على العمود
أو أحدهــُم أو كلاهـــُم مما يرفع الحرآرة .


أو

صحيح أنت وزنت موزع الشرآرة { الديلكو } وزن يدوي
وقد يكون أنك وزنتهُ بالترجيع / للخلف { رتآرد Retard }
وهذا يسبب حرآرة عآلية وضعف رهيب بالعزم :


تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333) http://www.the-transmission-center.com/look.gif (http://www.transmissioncenter.net/highperflist.htm)




نـظـآ م الأشـتـعـآ ل لـمُحركآت الأشتعآ ل ا لدآخليIngnition System (http://www.mekshat.com/vb/showthread.php?t=216629)





ســُرعـة ا لـخـمـول ا لـعـآ لـيـة و ا لـو آ طية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)





كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)





كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)

[بدر الظفيري]

بيض الله وجيهكم يارجال اليوم بوديها للصناعية واشوف لها حل

[وجعين]

مدري وشلون ابدا ومن وين عموما

انا نزلت المكينة عشان اركب دسك وصحن ركبتها وكل شي تمام الحمد لله

فجأة وبدون سابق انذار المووتر صار يحتر حرارة ماشفته منها اول ابد

كل شي تمام وشغال
قالوولي وزن ديلكو وزنت طبعا وزنته يدوي ماهو بالجهاز
قالولي شيل الترموستات وشلتها
قالولي اغسل السلندر والراديتر غسلت



تووونبي جاي من الصناعيه يقولون كل شي فيه تمام

لاتقولون لي راس مكينه لاني وديته وشافه مكانيكي يقول الراس مافيه شي

مع المكيف ترتفع اكثر ومرة ثابته ومرة ماتحتر

جننتني الفزعه يارجااال وش الحل
ابشر بلفزعه بس ابي منك شوي معلومات (الحراره وين تاصل لاوقفت وين تاصل لااسرعت وهل ماء الاديتر ينقص ولا لا )واخير انا اتوقع تماتيك المروحه عندك خربان يمكن لاجاوبت على الاسئله يتغير رايي