ترى الفقير اللي من الدين محروم***ماهو فقر اسهم وبيت وتجاره

[مكرم الضيف]

ترى الفقير اللي من الدين محروم***ماهو فقر اسهم وبيت وتجاره
هاذاك اهم وفيه ياخوك ملزوم***وهذا يجي وما تهم فيه الخسارة
والناس صارت تطرد المال والسوم***وتعمر بدنياها وتنسى العماره
ترى العماره في صلاة(ن) وفي صوم***وفي حبس نفسك عن هواها عباره
عبارة التقوى والاخلاص بالدوم***ليوم(ن) كتابك في يمينك مساره
مساره التوحيد واحسان معلوم***يابخت منهو جنة الخلد داره
الله يجمعنا بكم خيرة القوم***اللي لكم بالارض وصل وزياره
زيارة الارحام ومصالح خصوم*** هذا الشرف مابين جار(ن) وجاره
والوقت يمضي والسجلات بتدوم***يالله جنبنا عذابك وناره
ناس(ن) تجي وناس في قبر مردوم***حي(ن) وميت ماله الا اختباره

[نديم المجره]

صح لسانك يابونادر
رغم ان شعرك دائما يعجبني
بس القصيده هذي ما اعجبتني
ليش ؟ ما ادري
الله يسعدك
تحياتي

[مكرم الضيف]

صح لسانك يابونادر

رغم ان شعرك دائما يعجبني
بس القصيده هذي ما اعجبتني
ليش ؟ ما ادري
الله يسعدك

تحياتي


حياك الله اخوي ووجهة نظرك احترمها. وارجو من المشرفين حذفها تقدير لمشاعر الشاعر اذا ارادوا ذلك

انت بس آمر
:)

[نديم المجره]

حياك الله اخوي ووجهة نظرك احترمها. وارجو من المشرفين حذفها تقدير لمشاعر الشاعر اذا ارادوا ذلك




انت بس آمر
:)


حياك ربي يابونادر
تقول وتطول
بس ماهو ذا المقصد
ربما تعجب غيري بشده
وربما تكون حالتي النفسيه اثناء قراءة القصيده لها التاثير في ذلك
(او انها الغيره ... الله يكفينا شرها ههههههه)
ولا ينقص ذلك من شاعريتك يابونادر
دامت لك المسرات
تحياتي

[الخزز تقليد]

صح لسانك عودتنا علئ شعرك



تقبل مروري

[حميد الهذلي]

مكرم الضيف صح لسانك
قصيدة متميزة ومكرم الضيف قصائده كلها متميزة
ورغم مشاركاتي القليلة في المنتدى إلا أني أتذكر هذا الاسم جيدا
وسبق أن علقت على قصائده
مكرم الضيف اسم كبير له وزنه في منتدى مكشات