يا اهل مكشات يهمني رائكم ارجوا الدخول

[ذيب خزاز]

السلام عليكم ورحمة الله وبركاته
مساء الخير ع الجميع
مشكلتي مع الجيب الفتك موديل 2006 قير أوتوماتك صار به تقطيع وعزمه صار صفر والمكينه مؤ بصافيه فيها تفتقه وديته للعثيم ببريده وزين له فحص شامل وتفاجأت منه يقول عندك البلوف والرأس ؛ علمآ بان الموتر ما جته حراره ابد ابد
والحين ابي رايكم يالربع وش اسوي للموتر وربي أني محتاااااااااااااار ؛ وأبي افضل ميكانيكي ببريده

وتقبلوا تحياتي ؛؛؛؛؛؛؛؛؛؛؛؛

[بدر الظفيري]

مرره على اكثر من ورشه وشووف وان شاء الله ماهو راس

[رفيع المقام]

وعليك السلام ورحمة الله وبركاته

اخوي
المشكله تكون اما كهرب او وقود
شيك اولا على البواجي والكويلات .. اعتقد المشكله منهن ،
وشوف صفاية البنزين بعد ما تشييك على الكويلات ...
ونصيحه اذهب لأكثر من فني ..
ولا تأخذ رأي واحد فقط ..

[YUKON_GMC]

دائماً لاتعتمد على تقرير ورشه او ورشتين او حتى ثلاث .. لأن اغلب الورش يعرفون ان العطل بسيط لكنهم يترزقون من ورى الغشمان ويلهطون فلوسهم والسالفه بسيطه وماتكلف ربع المبلغ

[قمة افرست]

مافهمنا كيف الراس والبلوف
يعني الراس يبي مسحية اذا فعلا بتلاقي ماء يخرج من الشكمان وماء مع زيت المكينه وهذا يمكن تلاحظه بسيط او رذاذ

وهذي تجي من تنسيم الراس

عموما كلامه ممكن يكون صحيح

ولاكن وضح انت اذا بردت السيارة ترجع طبيعيه او على طول تفتفه
اسحب عيار الزيت اذا فيه ماء لاتشغل السيارة ابدا
واذا كلام الميكانيكي صح الي فحصها لاتمشي بالسيارة
فيه مشكلة تصير بالفتك وهي كتاوت الطرمبة اذا سخن يتفتف السيارة ويطفيها جرب تبديله مع اي كتاوت اخر
المشكله هذي بموديلات الفتك حتى 2005 اعتقد

[ذيب خزاز]

أبشركم ياجماعه طلع الخلل بسيط ومال الرأس اي دخل
العثيم يقول الرأس ويقول انه فحص جميع الحساسات كله
سليمه يمكن اجتهاد خاطئ والله يجزاه خير
ودلني واحد من اهل الرس على ورشة العقيل واحد سعودي
ومعه عياله اثنين الله يطرح فيهم البركة وماشاء الله عليهم
واكتشف الخلل على طووووول طلع من حساس القربه
وغيرته ب ١٦٠٠ ريال ورجع الموتر زي اول ولله الحمد المنه
تقبلوا تحياتي ،،،،،،،،،،،،،

[ذيب خزاز]

واشكر جميع من رد على موضوعي