للنواخذة فقط ...

[جنوبي الهوى]

السلام عليكم ورحمة الله وبركاته ..


أخواني مره وانا رايح محل اشتري بعض اغراض للصيد سمعت شايب هناك يتكلم عن مواسم الصيد وكذا طبعا كنت قاط اذني ههههههه بس ماسمعت كل شي وجاني فضول اعرف (( سمعته يقول فيه شهرين بالسنه أو شهر والله ماني ذاكر كويس السمك يجي قريب من السيفه يحط الحبول (( البيوض)) ويكون بكثره جدا .. فسوالي للنواخذه احد يعرف متى هالتوقيت في اي شهر بالضبط ؟!! وش نوع السمك اللي يجي عند السيفه ويضع الحبول على قولة الشايب الطيب ..


اكيد راح القى إجابه منكم واتوقع ان المووضوع مطروح قبل فاتمنى الاجابة لتعم الاستفاده للجميع ..


وفي النهايه الرزق يطغي على الوضع سواء موسم او لا ..


تحياتي لكم جنوبي الهوى .. واشتاق .. لريم الفلا .. لاقبلت ليه ..

[جيزاني]

أذكر عندنا بجيزان في فترة الصيف حوالي شهرين أو شهرين ونص يكون موسم الضيراك أو الكنعد يتواجد بكثره
سبحان الله

[Multi صياد]

و الله يا خوي كل نوع من الاسماك له موسم خاص للتزاوج و وضع البيوض و مو بالضرورة تكون في نفس التوقيت , لكن حسب تجربتي و الله اعلم اذا طريقة صيدك بالسنارة ما راح تستفيد كثير لان الاسماك تكون مجهدة و شهيتها للاكل ضعيفة و انا حصل مع موقف مع السبيطي في موسم التبييض ثلاث ايام متتالية اشوفه على سطح الماي و قريب جدا من السيف و احجام كبيرة جدا لكن ما يضرب ياخذ لفة على الكورنيش و بعد يختفي.

افضل طريقة للصيد في هالموسم الغزول (الاشباك) لكن انا ما انصح بالصيد عشان نعطي دورة الحياة للسمك فرصة .
تحياتي لك

[k.fares]

اخوي تلك الفتره يكون الصيد فيها ممنــوع
عشان تتكاثر الاسماك وتلقح البيوض
وما تنقرض

[accentkool]

في وهي موسم تكاااثر معضم الاسماك تقريبا بداية دخول الصيف

[الواهج]

السبيطي شهر يناير وضع البيوض
الشعري في شهر ابريل ومايو

والله اعلم

[x بروفيسور x]

يفيدونك الشباب وما يقصرون إن شاء الله

[Octopus]

وعليكم السلام ورحمة الله وبركاته

فشعبان الي راح مشيت الرايس وكانت اسماك الميد ممليه البحر مليااان
رميت رميه بالمخدجة طلعت لعفة حقت عشر طلعات يمكن هذا موسمه
تحياتي لك

[ولهان البحار]

مشكووووووووووووووور