ناس بهم عند الملاقا شجاعه......................لم يحل

[راعي العجراء]

السلام عليكم ورحمة الله وبركاته
لغيز جديد




ناس لهم بالطيـــب قـدر وقيـمه = وناس بهم عنــد الملاقا شجاعه
وناس بهم عن كثرة الهرج شيمه = انفوسهم عن الوطاء في رفاعه
وحدٍ درج بالارض دابــه سليمه = يشري ويبيع ولا ملك له بضـاعه
رزقه على اللي مسقي القاع ديمه = ولا على المجهود مابه استطاعه
والطـير يــدور بالقـــوايل غنيمه= لاروست شمس الضحى حام ساعه
يطلع يدور بالفيافي خصيمه = هو مكسبه يالهيل عقب المجاعه
وش السبب ياهل العقول الفهيمه =يوم يلاقي بالقوايل طماعه

مع تحيات

اخوكم راعي العجراء


ابو جلنمبو

[ال-رايق]

السلام عليكم ورحمة الله وبركاته
لغيز جديد



ناس لهم بالطيـــب قـدر وقيـمه = وناس بهم عنــد الملاقا شجاعه
وناس بهم عن كثرة الهرج شيمه = انفوسهم عن الوطاء في رفاعه
وحدٍ درج بالارض دابــه سليمه = يشري ويبيع ولا ملك له بضـاعه
رزقه على اللي مسقي القاع ديمه = ولا على المجهود مابه استطاعه
والطـير يــدور بالقـــوايل غنيمه= لاروست شمس الضحى ضرف ساعه
يطلع يدور بالفيافي خصيمه = هو مكسبه يالهيل عقب المجاعه
وش السبب ياهل العقول الفهيمه =يوم يلاقي بالقوايل طماعه
مع تحيات
اخوكم راعي العجراء
ابو جلنمبو



بعض القصايد بالوصايف وليمه=تلقى بها شتّى المعاني نواعه
والقاري يلقاها حلوه طعيمه=ويعبّر عنها بعد حسن انطباعه
وهذي عوايد راع العجرا العظيمة=لاقال قول صدّره من قناعه
قافه على ساس الصراحه يقيمه=يوم ان غيره مختبي في قناعه
يمزح مزاح اهل النفوس الحشيمه= وفي الجد ما احد يلوي ذراعه
والهيل راع الخيل حسبة نديمه=يستاهل اللي يجيه يركز شراعه
راع السلوم الحاضرة والقديمه=مع الحبابة فيه قوة سناعه
واللغز يبغى له عقول حكيمة=وخبرة مع استفسار ربع وجماعه

[هيل]

السلام عليكم
يالي تصوغ الهرج صوغه سليمه
مايفهمه ياكود راعي براعه
ياراعي العجراء وحكمه قديمه
الكل باهالدنيا غيرن طباعه
والطير حتى الطير تراها فهيمه
لغدة فوق الراس الشمس راعه
وعيونها بالأرض تبحث وليمه
ولا يجهره بالضوء قو أنسطاعه
رمعه وأتمنا ماهي غشيمه
كلن ورمعاته حسب أستطاعهالعجله الله يكفينا شره
تحياتي

[النبهاني]

وعليكم السلام ورحمة الله وبركاته
صح لسانك ياراعي العجراء
ولله درك على هالطرق اللي يطرب
ولا يهون ابو مهند وابوعبدالله
كلكم شعراء فصحت السنتكم جميع
مالي بالطيور بس ابو عبدالله الظاهر انه مصع رقبته
دمتم مبدعين

[ابو الشبرميات]

وعليكم السلام ورحمة الله وبركاته
صح لسانك يابو جلنبو على هالابيات الجميلة والملئية بالحكم
ويستاهل الهيل من يسند عليه
نرمع ونقول بانه الخوف من الطيور الجارحة والكبيرة
والتي لا تحوم في وقت القيلولة
...

[ناصر العلي]

سلمت يالغالي
وصح لسانك
نظم يطرب يالغالي
والظاهر أبوعبدالله جاب خبر اللغز
وإن ماصادت فلنا عودة إن شاءالله
دمتم بخير