الفزعة يا أخوان قير الجيب

[bst363]

السلام عليكم ورحمة الله وبركاته

الفزعة يا أخوان عندي جيب جي اكس ار موديل 99 قير عادي
القير عندي تغييراته قوية معناها بالمشقه يغير من الثالث للربع ثم للخامس بالقوه
ما ادري وش الحل عايرت الزيوت كلها ممتازة بس يمكن جلبه ولا شي
تكفون اللي عنده خبره يعلمني
ولا يعرف ورشه في الرياض ممتازة في قيور الجيوب تكفووووووووووووون الفزعة

[sgl2002]

اخوي طيب كيف تعشيق باقي النمر

اذا نفس المشكلة فاحتمال علبة الكلتش

[هلي ديزل]

والله انا معي هايلكس ومثلك من الاول للثاني غالبا يقر

[راعي المجهم]

نحاسات القير عندك تعبانه

[صديق كلم رفيق]

المشكلة بنحاسات القيرر والله اعلم .

[المميـز]

:

بعض الاحيان تكون المشكله من التروس يكون عليها برادة حديد

ولابد من تغيير الزيت او اضافة محلول نفس اللي بموضوع اخونا كبسوله2

الخلطة السرية للقضاء على ونة الكرونة الجنية بالصووووور (http://mekshat.com/vb/showthread.php?t=422938)


او تكون المشكله من النحاسه او من قطعه تسمى بـ الهلاله او هلال الترس


ينقل الموضوع للخيمه المناسبه

:

[وبل نجد]

احتمال. العصا عندك تعبانه
والله اعلم

[bst363]

بيض الله وجيهكم على الردود

بس قالي واحد من الشباب امس


ان السبب من الدزق والكلش


وما ادري هل كلامه صحيح ولا لا

[الفين6]

بيض الله وجيهكم على الردود

بس قالي واحد من الشباب امس


ان السبب من الدزق والكلش


وما ادري هل كلامه صحيح ولا لا

اذا كل النمر ثقيله فكلامه صحيح
اما اذا كانت بعض النمر خفيفه وبعضها ثقيل
1-غير طقم اصلاح عصى القير تجي ربله بلاستيك مدوره شكله اخضر غامق وبلاستيكه بيضاء صغيره تركب بأخر العصاء
2-شف زيت القير اذا خفيف واسود وله رائحه غيّره وتنحل المشكله ان شاء الله

[محمد المدني]

هذي هلالات القير
بالتوفيق

[عبدالله المطيري]

اذا كل النمر ثقيله فكلامه صحيح
اما اذا كانت بعض النمر خفيفه وبعضها ثقيل
1-غير طقم اصلاح عصى القير تجي ربله بلاستيك مدوره شكله اخضر غامق وبلاستيكه بيضاء صغيره تركب بأخر العصاء
2-شف زيت القير اذا خفيف واسود وله رائحه غيّره وتنحل المشكله ان شاء الله



كلام سليم 100% هذي مشكلتك يالغالي