جديد وابي رايكم بالسلقه وبعض الاستفسارات

[alaaaawee]

سلام عليكم اخواني اما خذت لي السلقه هذي وعمدي كم استفسار
اول شي مشاء الله وش رايككم فيها؟
ثاني شي نوعها سوري ولا قطريه؟
ثالث شي افضل طريقه للتدريب ؟
رابع شي وقت التزاوج الدم يكون واضح عليها ولا ما يبان وش اهم الملامح اللي اعرف انها طالبه ذكر مع العلم ان عمرها سنه

طولت عليكم لكم الشكر وهذي الصور
http://www.mekshat.com/vb/http://im17.gulfup.com/2012-06-21/1340234352651.jpg (http://www.gulfup.com/show/Xnn277eel4iog8)


http://im17.gulfup.com/2012-06-21/1340234352651.jpg

[دوربيل]

ماشالله تبارك الله

السلقه وصفها عادي نوعا ما

بخصوص الإجعال ونت بكرامه , فهي تدمي بعدها تطلب الذكر وهذي أهم الصفات

بالنسبة للنوع , أنت أدرى , لا يوجد شي إسمه نوع " قطري " إذا كنت تقصد

من سلق الرمله , ممكن لكن نوع إسمه قطري , لايوجد , وأهل قطر أكثر

من يستورد من سوريا

[عاشق الرمله2]

السلام عليك اخوي مسيت بالخير والاخوان الاعضاء جميعا
اولا:رايي فيها زي ماتفضل اخوي مواريها عاديه والسلقه في نظري عاديه بس بتطربك ان شالله لا تعلمت صح
ثانيا: مافيه شي اسمه قطري صحح المعلومه او تأكد من صحتها والسلقه شكلها سوريه
ثالثا:التدريب كلن يدرب على هواه يعني اذاهي توها ماتعلمت هد لها جربوع واكسر رجله علشان مايسبقها ولاش وهذي الطريقه نستعملها للجرا
رابعا:بالنسبه لرغبة السلقه لذيخ توها ياخوي شبب عمرها سنه زي ماتفضلت وشو له تضربها

:)تقبل مروري واسف كاني طولت عليك:)

[ابو ثآمر]

السلقه ذي عمرها اكبر من سنه مااهوب سنه

ثاني شي انصحك

مــآ تقنيهااااااا

وبعدين وش اللي اصلها قطري ولآ سوري

ودي بس اعرف وش معنى الاصل القطري ياليت توضح لنا نبي نستفيد منك !!!

[alaaaawee]

يا اخوان اعصابكم علي شوي شوي انا اللي استفيد منكم لاني سئلتكم وش نوعها لاني لسه مبتدا والدكتور قال عمرها سنه عموما انا حبيت ا خذ رايكم بس باقي لا هنتو كيف اعرف انها تبي تلقح من ذكر لاني مخليها لحالها ولا ابي اجيب ذكر ويصير ازعاج لان القصد ابي انتج منها فقط بالبيت؟ ولكم الشكر جميعا
وذا في احد من الشباب فاضي هذا ايميلي والبن حقي ابي اتعلم عن السلق كل شي
alaaaawee@hotmail.com
bb:27489da1

الله يجزاكم خير

[شعراوي]

اخوي السلقه عاديه مره. ويبين انها تبي الذيخ يكبر حياها. ويدمي

[عواد الشمري2]

افدوك الربع بس السلقه ممتازه ماعليها تطلع دم وتقوم تسوي حركات ويغدي لها صياح بس هد معه الذيخ ماتطول وتطلبه وسلقه ممتازه ونوعه اسل الي اعطك هو ادرا بها

[بدوي.]

هلا فيك ..!

لا يهمك الششكل انشاء الله انها بتطربك ووتونسس بها ...ْ

السلقه اتوقع انها سوريه ..ْ

دام الدكتور علمك بعمرها /الدكتور اخبر مننا واتوقع انه صادق ..!

اذا تبي تعرف وقت تشبيتها (ونتم بكرامه ) ينتفخ رحمها وتقطر دم بعد الدم بسبعه ايام دخلها مع ذيخ ."

من ناحيه التدريب يالغالي ترى المفروض من 8 شهور او 7 تكون متدربه ..؛

يمديك تدربها هالحين بعد بسس ولفها عليك اول شي ..!

لا يهمك قصرها وشكلها دربها وانشاء الله بتطربك بعض السلق ديكور وشكل وهو ما عنده سالفه .."

وانشاء الله تتدرب وتونسسك يا بعدي .."ٍ

وارسلت لك اضافه انشاء الله افيدك بالي اقدر عليه "

تقبل مروري :ببدوي.

[هاوي بندق]

السلام عليكم
اخوي السلقه اكثر شي عجبني فيها اللون
وباين عليها انها ماعمرها ركضت شف نحرها الحين ولامنك جلد ابو ابوها يومين كيلوين كيلون ونص
الراس ينحف والجسم يشد ويتغير عن كذا
هذا من التدريب والجرابيع والارانب تتدريب لاكن نصيحة اخوي عاشق الرمله اكسر رجل الجربوع هذا تعذيب
اما لنوع سوريه يمكن اما قطريه هذا نوع جديد ياليت تفيدنا:Dوحلو الحبل منين شاريه:D:D
الاجعال (ونت بكرامه) الربع ماقصرو

[alaaaawee]

مشكورين جميعا ربي يعافيكي وكثر الله خيركم

[راعي سحابه]

السلقه والله العالم انها سوريه باين من زورها واذانيها .. السلقه جيده الى حد ما .. عليك بالتشيه ولفها عليك اول وخلها تلحق الموتر وابدا معها من سرعة عشرين مدة يومين ثلالثه وابدا زيد 40 يومين ثلاثه وهكذا الى ان توصل معك 80 الى 90 ممتاز .. اول ماتمشي وتوقف لاتعطيها ماي خلها تريح .. والله الله بالنعمه عطها عظام .. عطها حليب اخلطه مع بيض ني وتمر وحلبه ... عودها عالتمر بلحاله ممتتاز جدا لها وانا مجرب اخوي