المساعد الشخصي الرقمي

مشاهدة النسخة كاملة : صوت يطلع بعد سرعة 100 كأني راكب طيارة.. اكسبلورر 2003


hm414
21/06/2012, 03:12 AM
يعطيكم العافية يا شباب

عندي اكسبلورر 2003
ماشي 225 ألف
من 6 اشهر الجير خرب وانا في الدمام واظطريت اوظبه هناك
وتم توظيبه ونصحوني افصل الدبل وفصلته
المشكله الحاليه مشكلتين
في صوت يطلع بعد سرعة 100 كاني راكب طياره بلا مبالغة صوت فووووووووووو عالي ومستمر ابدا كأني بالطيارة ومجرد ما انزل بالسرعه ل 100 يختفي...
ياترى ماهذا الصوت؟؟ علما ان السحب ممتاز وكل شي تمام وما في طقه في القير ولا اي مشكله حتى في النقلات.. حتى اني جربته الى سرعة 160 ومافي ادنى مشكلة...
انا حاليا بالرياض لو تدلوني وين اشوف هذي المشكله ...
المشكله الثانية
في صوت شخلله او رنه تطلع على السرعات المنخفضة جدا واعتقد مصدرها عامود الدبل لان اللي فصل الدبل ما شاله وانما اكتفى بفصل الفيشه او ما ادري ايش اللي سواه لكن الصوت له علاقه بدوران الكفرات الاماميه لاني حتى وانا ارصص ليزر والكفرات راكبه على السياره الصوت كان يطلع وهو شخلله ورنه زي قطعة حديد ترج وترن ما ادري ايش هذا

احد عنده فكره يساعدني؟؟؟
يعطيكم ألف عافية ومشكورين

تحياتي
sa-z71
21/06/2012, 05:55 PM
السلام عليكم

اخوي فيه شغله يمكن ماتلقي لها بال وهي دائماً سبب الكثير من الأصوات ،

عندي تجربتين .
الأولى كابرس طلع فيها صوت تقريباً مثل وصفك فووووو وكل من ركب معي عطاني رايه اللي يقول قير واللي يقول دفرنس او عمود . وبعد ماتخسرت 3000ريال طلعلي مشكلتي شريطي ماعرفه ولا يعرفني كان جالس مع الميكانيكي وسمع مشكلتي الله يجزاه خير .

طلعت المشكله من الكفرات متنفخه من داخل جهة المكينة ،

والثانيه على يوكون طلع معي صوت كأنه ونة دفرنس على سرعة 130 وفوق قلت ماني لامس شي لين اشوف الكفرات مع ان الكفرات اللي عليه نظيفه جداً تاريخها 2011 ، جربت ركبت كفرات موتر اخوي جديده مالها اسبوع ومن فضل الله فقدت الصوت .


ادري طولت بس ماودي انك تخسر وبالنهاية تطلع كفرات واذا ماصار من الكفرات مانت خسران شي تستخدمهن
واذا كفراتك نظيفه جرب كفرات احد تعرفه جديده

والله يكون بعونك
Seas Diver
21/06/2012, 06:14 PM
نفس المشكلة عندي ففي البليزر واعتقد من الكفرات والله اعلم.
hm414
23/06/2012, 04:56 AM
جزاكم الله خيرا على الرد
انا لا اعتقد الكفرات هي السبب لان الصوت ظهر فقط بعد توظيب الجير وفصل الدبل وقبله ما كان موجود فهل من اقتراحات؟؟؟
انا عموما رح اخذها لاحد يكشف عليها ويقولي لكن حبيت تنصحوني ايضا اذا في احد اكشف عنده في الرياض يكون امين وما يغرمنا عالفاضي...
جزاكم الله حير وان شاء الله نصل لحل الموضوع سوية...


تحياتي
hm414
23/06/2012, 08:39 PM
ايضا شئ آخر,,,
لو المشكلة بالكفرات فقط هل يعقل انها لا تظهر الا بعد سرعة ال 100؟؟
اعتقد يفترض تظهر قبل ذلك...

انا فقط افكر بصوت عالي وبانتظار احد يفيدنا
volcano
23/06/2012, 08:54 PM
ايضا شئ آخر,,,
لو المشكلة بالكفرات فقط هل يعقل انها لا تظهر الا بعد سرعة ال 100؟؟
اعتقد يفترض تظهر قبل ذلك...

انا فقط افكر بصوت عالي وبانتظار احد يفيدنا

معقولة ونص لا تستهين بالكفرات موتري اول مااستلمته من الوكالة 2011 ونة مزعجة تقول بيرنغات متكسرة في الاخير طلعت الكفرات وبحللها ثم اغيرها بنوع احسن. قبل لاتخسر ولا تفكر بصوت عالي خلك على الصامت لانك لو فكرت بصوت عالي بتوسوس واذا وسوست لازم تشوف راقي ولو رقاك وشفاك الله ورجعت ركبت موترك بترجع توسوس ثاني مرة ويمكن تضرب فيوزاتك :D
شوف كفرات نوعية ثانية من احد اخوياك جرب ولانت خسران

بالتوفيق
hm414
25/06/2012, 08:35 PM
معقولة ونص لا تستهين بالكفرات موتري اول مااستلمته من الوكالة 2011 ونة مزعجة تقول بيرنغات متكسرة في الاخير طلعت الكفرات وبحللها ثم اغيرها بنوع احسن. قبل لاتخسر ولا تفكر بصوت عالي خلك على الصامت لانك لو فكرت بصوت عالي بتوسوس واذا وسوست لازم تشوف راقي ولو رقاك وشفاك الله ورجعت ركبت موترك بترجع توسوس ثاني مرة ويمكن تضرب فيوزاتك :D
شوف كفرات نوعية ثانية من احد اخوياك جرب ولانت خسران

بالتوفيق

هههههههههههههههههههههه
يا اخي ضحكتني الله يؤضى عليك
ههههههههههههههههه
هي عموما الكفرات بآخر عمرها وانا الحين مسافر خارج المملكه ولعلي اذا رجعت اغيرهم كلهم والله يكفينا جميعا الشرور والبلاوي

وطبعا راح اوافيكم ان شاء الله بآخر التطورات بس ارجع باذن الله...


تحياتي للجميع