واليوم عن وصلي تقطع حباله ........................ حله ( ناصر العلي ) .. الحل ( دحل )

[ابو ماجد 2]

بسم الله الرحمن الرحيم

السلام عليكم ورحمة الله وبركاته


اللغز لامن سيق لهل الجماله=يكفيني مكسب لاتحقق به اثنين
الاولي فطنٍ كسبنا وصاله=والثاني لو اخطيت بالصح يفتين
لغزي عن اللي لو تكلم 0 مقاله=انا الذي أول لي الناس واتين
واليوم عن وصلي تقطع حباله= لو انقلب هالناس بالغصب رادين
عِدّة حروفي لو تحسبه تِقَّاله =مع قِلهِن حتى النقط مابهن شين


مع تحيات ابو ماجد

منتديات مكشات 0 خيمة الالغاز

[ابو الشبرميات]

وعليكم السلام ورحمة الله وبركاته
صح لسانك يابو ماجد
ونرمع باسم الله ونقول
رَحِم
من وصلها وصله الله ومن قطعها قطعه الله
...

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
ولد....دلو

[ناصر العلي]

محاولة أخرى يالغالي
دحل.....لحد

[ال-رايق]

صح لسانك يابو ماجد
الله يسعدك و لايضرك
------------
وانا مؤيد لرمعة العميد/ابوعلي
ولد-دلو
خصوصا دلو يرجع الناس للوراء ..وتشوفني متلاقط انا واخي/راع العجراء على موية(العب)في شقراء وكل يبي يعبي الوايت حقه -ذلول اكس ال ام-.:D

[asdyk2010]

السلام عليكم
الله معكم
امل المزيد من صور الطبيعه البعيدة فى التصوير:good2: وليس القريبة:mad:

[ابو ماجد 2]

وعليكم السلام ورحمة الله وبركاته


صح لسانك يابو ماجد
ونرمع باسم الله ونقول
رَحِم
من وصلها وصله الله ومن قطعها قطعه الله

...


هلا بك يالغالي
وصح بدنك
مالك لوى
تحيتي لك وتقديري

[ابو ماجد 2]

وعليكم السلام ورحمة الله وبركاته

سلمت يالغالي
وصح لسانك
ويش قولك بـ

ولد....دلو


سلمت وصح بدنك يادكتور
مالك لوى
ولا تنس
لو انقلب بالغصب هالناس رادين

[ابو ماجد 2]

محاولة أخرى يالغالي


دحل.....لحد


ايه هذا هو يالغالي
صح لسانك ملايين
كفوووووووووو كفووووووووو
نعم
دحل
وكان بالماضي يجلب منه الماء
العكس لحد واللحد ياتوه كل الناس بالغصب وليس اختيارا
الله يحسن خواتيمنا

[ابو ماجد 2]

صح لسانك يابو ماجد


الله يسعدك و لايضرك
------------
وانا مؤيد لرمعة العميد/ابوعلي
ولد-دلو

خصوصا دلو يرجع الناس للوراء ..وتشوفني متلاقط انا واخي/راع العجراء على موية(العب)في شقراء وكل يبي يعبي الوايت حقه -ذلول اكس ال ام-.:D


صح لسانك انت وابو علي
بس خلك بالصمان ودحوله
ابو علي صابه برمعة دحل

[ناصر العلي]

ايه هذا هو يالغالي




صح لسانك ملايين
كفوووووووووو كفووووووووو
نعم
دحل
وكان بالماضي يجلب منه الماء
العكس لحد واللحد ياتوه كل الناس بالغصب وليس اختيارا


الله يحسن خواتيمنا


صح كلك يالغالي
وكفوك الطيب ياراع الطيب
الله يختم لنا ولوالدينا ومن نحب ومن يقرأ بالجنة
ياأخوي ودي أسألك عن واحدن قال إذا قضت الإختبارت بأرجع لكم ورجع شوي همن غب:good2:
عسى بس أموره تمام

[ابو ماجد 2]

صح كلك يالغالي

وكفوك الطيب ياراع الطيب
الله يختم لنا ولوالدينا ومن نحب ومن يقرأ بالجنة
ياأخوي ودي أسألك عن واحدن قال إذا قضت الإختبارت بأرجع لكم ورجع شوي همن غب:good2:

عسى بس أموره تمام


هلا بك يابو علي
والله اني كنت ابزهم هالساعه عليه ولكن حسيت ان الوقت متأخر
والمشكله كل يوم اقول ابزهم عليه وتسرقني المشاغل واذا فضيت سرق وقتي النت
لكن بحول الله سأتصل فيه غداَ