طلاسم مايفسرها نديم ومكرم الضيفان

[السايس]

انا لي بالشعر مسرى وانا لي بالشعر عنوان***ولو ني غايبن ساعه ترى شعري يناديني
ارتب له فرايد ناس تسمعها ملوك الجان***وعلى متن الرياح العاصفه يمهم توديني
طلاسم مايفسرها نديم ومكرم الضيفان***وماني مشرك بربي واعاهدهم على ديني
ترى شعري مهو نبره ولكن مبهم القيفان***اقوله بالخلا الخالي وكل سلاحي يديني
وانا اسريبه على كيفي تحت ضو القمر لابان***وكل سباع سمعت به تحاشت لاتعاديني
اقوم افز بي خلعه نقزة واحدن شرقان*** طرت لي بعض ابياتي اسجلها بدواويني
ترى بعض القصيد هزال تبطي ماتشوف سمان***ابي امدح ولا انقد قريبن او بعيدني
ولكن وقفت الكلمه وصرت اتعوذ الشيطان***وقلت ابليس ملعونن اذا وده يقديني
ومن يتبع هوى الشعار ترى ياسادتي غويان*** يهيمونه بوديانه وابي يارب تهديني

[نديم المجره]

حياك ربي يالسايس
صح لسانك
اما انا اعترف بعدم قدرتي على تفسير طلاسم شعرك
لاني اول مره اسمع باستخدام اليدين كسلاح للشعر
وحسب تفسيري لطلاسمك:
(ان شعر نديم المجره ومكرم الضيف من النوع الهزيل)
واذا كانت هذه وجهة نظرك فانا احترمها واقدرها
وامل ان اكون مخطيء في تفسيري
لذلك احول تفسير الطلاسم لاستاذي مكرم الضيف لخبرته الواسعه في هذا المجال
دامت لك المسرات
تحياتي

[مكرم الضيف]

انا اللي فهمته انها طلاسم ماء يفسرها نديم ومكرم الضيفان
ويمكن اكون جانبت الصواب


لكن حتى بالماء كيف نكتب(أحد يكتب على البحر والهوا) حيرتنا يالسايس

على قول الشاعر

يبكي ويضحك لاحزنا ولا فرحا*** كعاشق خط خطا بالهوى ومحا

لكن حل الطلاسم كلها عند الشاعر احمد العريفي الله يطول بعمره



ترا هو الخبير بفك طلاسم الشعر


أسأله يادربيل السايس

:D:D:D

[ابو زايد1]

صح لسانك ويعطيك العافيه

[مكرم الضيف]

سلام الله عليكم جبتها يمك وللاخوان***وشعرك ماعليه اخلاف لو انه كان بالصيني


ومن يقدر يجيب الخيل لاصارت بدون عنان***خلقها الله من اصل الريح ماهي من الشياطيني


وموضوع الطلاسم مرتبط ياصاحبي بالجان***واذا المعنى تغير كيف افهم قول قديني


واذا المبهم عليه اقفال نخشى نفتح البيبان***نخاف جنونكم تطلع علينا بالملاييني


وتسريبه على كيفك شجاعن كنت او هزلان***ومادامك مسكت الدرب احذر خوبة الطيني


ودامك تنخلع يالقرم جانب ساحة الشجعان***اذا شعرك قراطيسن يجيها العج ماتبيني


ومدح النفس ماينجح ودايم صاحبه غلطان***اذا ماتكسر الكبره تراها تعمي العيني


ومن يتبع هوى نفسه ترى توديه للهلكان***ويبقا حالته صعبه مثل حال المساجيني


ومن يحقر جهود الغير مايلقى سوى الخسران***ومن هاب العرب ينهاب ويبقى مجلسه زيني