نصيحة قبل لاتشتري طير

[أبومحمد عنيزة]

السلام عليكم ورحمة الله وبركاته:

الفحص مهم جدا جدا جدا قبل لاتشتري طير ولايغرك مظهر الطير قدامك ..

هذي سالفة حصلت لي قبل5 أيام أشترية طير من واحد موجود هنا عندنا بالمنتدى أتحرج من ذكر اسمه.ومن باب الثقة اللي بيننا قلت ياولد مو لازم افحص والرجال ماقال شي بالطير .المراد اني رحت أبجيب الطير من منطقتي الى مكانه في الشمال طبعا صار فيه حوسه نقل وما ادري كيف .. الخ بالصعوبة وصلت للطير وكان معطية واحد والواحد هذا ماله بالصقارة وعطاه خويه صقار وعنده مربط ويوم جيت استلم الطير قال كأن الطير فيه قلاع يارجال مهب هي قال ترا يمكن لأنه ترك العلف يوم علفته علف شوي وترك الباقي قلت يمكن شبع قال ما ادري. وبعدين استلمت الطير ورجعت للديره ويوم وصلت حطيت عند واحد من الاخوان في مربطه المهم اتصل علي بعدها بالليل وقال وش انت مشتري قلت وش السالفه قال طيرك في حفا ودود وقلاع .. قلت اللهم ياكافي وعالجناه والحمدلله اموره زينه..
أسف طولت عليكم بالقرق بس والله من باب حب لأخيك ماتحب لنفسك الفحص مهم يا أخوان مهما كانت الثقة اللي بين المشتري والبايع
دمتم بود وخير

[راعي شلهوب]

جزاك الله خير وبيض الله وجهك على النصيحه
بس عندي ملاحظه اخي الكريم عندك القلاع والدود والقمل
دايم تلقاه بالطيور اللي تقيض فالمحلات وذلك لقل الاهتمام بالطير ولكثره الطيور المقيضه
خذها قاعده اول ماتشتري طير عطه كورس قلاع وكورس دود ورشه من القمل
موفق خير يالغالي والله يطعمك من صيد طيرك
تقبل مروري

[(هزاع)]

اعقل وتوكل على الله
اعقل/ افحص شاهد طيار الطير تمقله
توكل على الله اول وتالي
الناس فيها بلا الغش والاحتيال والديكور لا يغرك بعض الاحيان
خلك ذيب

[الشلاعي]

مشكور على النصيحه والحذر واجب سواء بالطيور او غيرها الغش كثر نسأل الله السلامه

[خيرها بغيرها]

اشوف الي ذكرت طبيعية ياالغالي دارجة في اغلب الطيور وسهلات لكن الاحتياط مطلوب جزاك الله خير
تحياتي×

[أبومحمد عنيزة]

جزاك الله خير وبيض الله وجهك على النصيحه
بس عندي ملاحظه اخي الكريم عندك القلاع والدود والقمل
دايم تلقاه بالطيور اللي تقيض فالمحلات وذلك لقل الاهتمام بالطير ولكثره الطيور المقيضه
خذها قاعده اول ماتشتري طير عطه كورس قلاع وكورس دود ورشه من القمل
موفق خير يالغالي والله يطعمك من صيد طيرك
تقبل مروري


معلومة مهمه وجزاك الله خير

[أبومحمد عنيزة]

اعقل وتوكل على الله

اعقل/ افحص شاهد طيار الطير تمقله
توكل على الله اول وتالي
الناس فيها بلا الغش والاحتيال والديكور لا يغرك بعض الاحيان


خلك ذيب




عزالله صدقت يابومشعل ومنك نتعلم الذيابه طال عمرك

[أبومحمد عنيزة]

اشوف الي ذكرت طبيعية ياالغالي دارجة في اغلب الطيور وسهلات لكن الاحتياط مطلوب جزاك الله خير
تحياتي×



يمكن الدود والقلاع عادي بس الحفا سمعت انه معدي وخطير
اشكرك على المرور

[أبومحمد عنيزة]

مشكور على النصيحه والحذر واجب سواء بالطيور او غيرها الغش كثر نسأل الله السلامه


تسلم على المرور وجزاك الله خير والله يهدي كل من تسوله نفسه للغش والخداع

[بدوي نمبر ون]

القمل عادي وبعض الديدان عادي وبعضها لابلله اقشر
لكن الحفاه شلون ماشفتها يعني معقوله راع المربط مايدري عنها ؟!!!؟؟؟؟
غريبه
اقول الله يعينك ويعوضك خير

[عواد الشمري2]

الحمد لله على سلامة الطير والمراض الي انت قلتهن كلهن تقدر انت تفحصه لونك مقلب الطير قبل تشوف المراض هذي بس هو ليش مقال لك هي قل خبره هو مايدري هو غش ماقدر احكم هلون
بس جزاك الله خير على النصيحه

[ابوظافر90]

حسبنا الله ونعم الوكيل على كل غشاش
ودي اعرف اذا كان راعي الطير الاول يعرف ان طيره مريض وسكت وش المكسب من السالفه كلها (حرام في حرام)
لا اله الا الله محمد رسول الله

[عاشق البسيتين]

جزاك الله خير على النصيحه

[راعي غضبان]

مرحبا اخوي ابومحمد عنيزه الله يعافي طيرك بالنسبه للدود والقلاع بسيط وبعد الحفاه الي توها باديه محمره ولا بعد انتفخت يد الطير ماعليها كلها كم يوم ويسلم بعد ماتحطه على رمله تروح الحفاه انشاءالله تعالى وانت ياخوي يوم خذيت طيرك ماشفت ايديه ماتمقلت منه انت شاري طير والمفروض وانا اخوك ماتطلع بالطير الا متاكد انه سليم ميه بالميه وان كان الطير تنقد عليه بشي بعلفه افحصه في المستشفى وتأكد انه سليم من تضخم الكبد وتضخم الطحال والتهاب بالدم من دون شر على طيرك هذه مخفيه ولا تشوفها ولا تبين بالطير اليا صار توها باديه معه والله يعافي طيرك وانتبه تظن بخويك ظن السوء يمكنه وانا اخوك رابطه عند الرجال وهو خابره سليم بس مرض بالربطه وراعي الربطه يعالجه مايبي احد يدري عن مربطه ولا يبي يروع راعي الطير ان طيره مريض وهو قايم بالواجب وبيعالجه والله يوفقك ويعافي طيرك وتاكل من صيده يارب هذه السنه وكل سنه اللهم امين وتقبل تحياتي ومرورررري واسف على الاطاله

[قلب ذيب]

وعليكم السلام ورحمة الله وبركاته .
... الحقيقه تلك مشاكل يواجهها الكثير من المشترين , البعض يقول وثقت في البايع , واخر يقول ماكنت أعرف !
كلها اعذار لاتعفي المشتري من المسئوليه , فيجب على الشاري ( تقليب ) الطير وفحصه واذا كان غير ملم بطريقة التقليب والفحص عليه الاستعانه بصديق يعرف ذلك . سوف نشاهد الكثير من الشكاوي عند بدء موسم نقلة الطير والبيع والشراء , وسنجد الكثير من المشترين يشتكون من الباعه .
ياأخي جزاك الله خير افصح الطير وتأكد من البايع , لاتقول وثقت فيك ؟!ارسل لي الطير والا حطه عند صديق , كلها أمور تؤدي الى أكتشاف عيوب في الطير بعد شراءه , واكبر عيب والذي لايكتشفه الشاري الابد القنص بالطير
هو ( الطير مايصيد الحبارى في القاع ) ؟!؟ ذلك هو العيب اللي يخلي بعض الصقاقير يبيعون الطير متأكدين ان الشاري لن يكتشف ذلك العيب الابعد فتره طويله اي بعد هدد الطير على الحبارى والتي يمكن مايلقاها الاا بعد عام كامل , الطير مايصيد في الارض ذلك ما أحذر منه واطلب اضافته كشرط في عرض الطيور للبيع .

[صقار الأسياح]

اخوي الرجال كان طيره بالمربط ولا يدري المفروض انت تشترط الفحص

[اقدم صقار]

وعليكم السلام ورحمة الله وبركاته .
... الحقيقه تلك مشاكل يواجهها الكثير من المشترين , البعض يقول وثقت في البايع , واخر يقول ماكنت أعرف !
كلها اعذار لاتعفي المشتري من المسئوليه , فيجب على الشاري ( تقليب ) الطير وفحصه واذا كان غير ملم بطريقة التقليب والفحص عليه الاستعانه بصديق يعرف ذلك . سوف نشاهد الكثير من الشكاوي عند بدء موسم نقلة الطير والبيع والشراء , وسنجد الكثير من المشترين يشتكون من الباعه .
ياأخي جزاك الله خير افصح الطير وتأكد من البايع , لاتقول وثقت فيك ؟!ارسل لي الطير والا حطه عند صديق , كلها أمور تؤدي الى أكتشاف عيوب في الطير بعد شراءه , واكبر عيب والذي لايكتشفه الشاري الابد القنص بالطير
هو ( الطير مايصيد الحبارى في القاع ) ؟!؟ ذلك هو العيب اللي يخلي بعض الصقاقير يبيعون الطير متأكدين ان الشاري لن يكتشف ذلك العيب الابعد فتره طويله اي بعد هدد الطير على الحبارى والتي يمكن مايلقاها الاا بعد عام كامل , الطير مايصيد في الارض ذلك ما أحذر منه واطلب اضافته كشرط في عرض الطيور للبيع .


:good2::good2::good2::good2::good2::good2::good2:: good2:



انا اقول مالك حق على الرجال الا اذا هو خابر الحفاه وما قال لك هذا بينه وبين ربه
اما الدود والقلاع مالك حق تصيبه بشي لان الطير في مقيض وراعي المقيض هو المسؤال وبصراحه راعي المقيض ذا ما يستاهل ان الناس تربط عنده وين عايشين وين المتابعه والمراقبه

[AL MSAFER]

السلام عليكم ورحمة الله وبركاته:

الفحص مهم جدا جدا جدا قبل لاتشتري طير ولايغرك مظهر الطير قدامك ..

هذي سالفة حصلت لي قبل5 أيام أشترية طير من واحد موجود هنا عندنا بالمنتدى أتحرج من ذكر اسمه.ومن باب الثقة اللي بيننا قلت ياولد مو لازم افحص والرجال ماقال شي بالطير .المراد اني رحت أبجيب الطير من منطقتي الى مكانه في الشمال طبعا صار فيه حوسه نقل وما ادري كيف .. الخ بالصعوبة وصلت للطير وكان معطية واحد والواحد هذا ماله بالصقارة وعطاه خويه صقار وعنده مربط ويوم جيت استلم الطير قال كأن الطير فيه قلاع يارجال مهب هي قال ترا يمكن لأنه ترك العلف يوم علفته علف شوي وترك الباقي قلت يمكن شبع قال ما ادري. وبعدين استلمت الطير ورجعت للديره ويوم وصلت حطيت عند واحد من الاخوان في مربطه المهم اتصل علي بعدها بالليل وقال وش انت مشتري قلت وش السالفه قال طيرك في حفا ودود وقلاع .. قلت اللهم ياكافي وعالجناه والحمدلله اموره زينه..
أسف طولت عليكم بالقرق بس والله من باب حب لأخيك ماتحب لنفسك الفحص مهم يا أخوان مهما كانت الثقة اللي بين المشتري والبايع
دمتم بود وخير




في ناس والعياذ بالله مخفين الذمه

فحص الطير دم ومرش 120 ريال :good2: