استفسار عن البافندر جزاك الله خير.

[fatkawi]

مساء الخير

خواني الاعزاء بختصار الموضوع

انا ناوي اشتري بافندر 2003 طبعاً من دولة الكويت بحكم انه ارخص


لاكن في ناس خوفوني يقولون مسامير ثلاجه لو طاحت يخبط كثير يشتكون من هالمشكلة ؟.

وصرفية زيت منه وفيه وبنزين ؟


اتمنى الكل يعطيني رايه بالبافندر 2003

طبعاً للمعلوميه انا استخدامي حلو وراعي بر بس ماني راعي تطعيس وطرد ..

يعني استخدامي خشمه ,


وجزاكم الله الف خير

[يالبى الهلا]

سوي بحث عن مشاكل الباث بالنت وصدقني تبطل الامريكي افضل بكثير

[fatkawi]

شلون الامريكي افضل وضح لي لاهنت

[يالبى الهلا]

الامريكي كل يعرف يصلحه واللقيمه التي تجيب البا فندر تجيب امريكي انظف واجد من البافندر والقرار راجع لك

[fatkawi]

امريكي مثل شنو اخوي ؟

[fatkawi]

افا وينكم يا اهل الفزعه ؟

[محمد 2002]

اخوي وفقك الله الباث يبغاله محافظه وتشييك من فتره لفتره
كاستخدام اشوف انه ممتاز جدا ويصلح للبر وللسفر وللمشاوير القصيره مثل ما يقولون يخدم نفسه ما يحتاج سياره ثانيه تخدمه لخفته وما شاء الله عزمه ممتاز
اهم شي دور للنظيف الي ما بيتعبك وبالنسبه لقطع الغيار غاليه شوي ولكن الحين أغلب السيارات الجديده قطعها غاليه
تحياتي

[fatkawi]

محمد 2002

جزاك الله الف خير وكثر من امثالك اسئل الله لك الخير في الدنيا والجنه في الاخيره

وفقك الله



بس ياليت احد يفهمني وش قصت مسامير الثلاجه هي مخوفتني شوي ؟.

[fatkawi]

up









up

[يزيد 999]

شف أخوي معروف إنه الباث ينقص زيت من وكالته يعني كل فتره لازم تشيك عليه ثانيا قطع الغيار غاليه ومهما كان إستخدامك له نضيف راح يخرب عليك وماتلقى ورش تستقبلك وتكره الموتر كذلك فيه عدة عيوب مصنعيه أخرى ومسامير الثلاجة مع الوقت تنحل وتدخل داخل الثلاجة مما يؤدي إلى فك المكينة وتوضيبها وهي أمره سهل وتقدر تحله ب100ريال عند الصمعاني ببريدة يلحم لك المسامير وخلاص
الصراحة الباث موتر بطل وكنت أبشري لي واحد لكن استشرت شخص معه الباث وقالي ابعد عنه أفضل لك
ولو تعطينا تلميح كم قروشك عشان نعطيك البدلاء عن الباث

[أَبوابراهيم]

مساء الخير

خواني الاعزاء بختصار الموضوع

انا ناوي اشتري بافندر 2003 طبعاً من دولة الكويت بحكم انه ارخص


لاكن في ناس خوفوني يقولون مسامير ثلاجه لو طاحت يخبط كثير يشتكون من هالمشكلة ؟.

وصرفية زيت منه وفيه وبنزين ؟


اتمنى الكل يعطيني رايه بالبافندر 2003

طبعاً للمعلوميه انا استخدامي حلو وراعي بر بس ماني راعي تطعيس وطرد ..

يعني استخدامي خشمه ,


وجزاكم الله الف خير

انصحك نصيحة اخ لاخيه لا تأخذ ابدا هذه السيارة :(
قبل حوالي سنة كنت ابحث عن سيارة جيب يكون سعرها مناسب ولقيت باثفندر 2004 على ما اعتقد وكان سعره غويل الى انه يستاهل لان الشاكوش ما طقة ووقفته خياليه ماشاء الله

المهم اني جزمت اشتريه ودقعت عربوني وقلت بيننا الفحص
فحصته وطلعت فيه 3 مشاكل بسيطة
بعد مارحت للصناعية لمعرفة الاسعار وهذه المشاكل والاسعار
1-عمود الكردان والدبل تحتاج خرط وسعرها جديد لو رغبت اكثر من 2000 ريال للواحد"جدا غالي"
2-فضاوة في القير "تحتاج الى تغيير الفلتر او التأكد من الزيت".. "لم تكن المشكلة منها :mad:
3- تغيير عدة جلب بسيطة الواحدة تكلف 200 ريال للواحدة "مبلغ فلكي"

وسالت عن الباقي من قطع اخرى لمعرفة هل هذه بالتحديد غالية او كلها كذا وطلعة اكثر من 90% من القطع جدا غالية

غير صرف البانزين الخرافي

والحمد لله ان ربي فكني منه ولا شريته

نصيحة خذ فورتنر ودامك منت راعي تطعيس وطرد نصيحة بـ 4 سرندل بطل وعزمه حلو ولا يهمك كلام الناس الي ما جربوه هاضمين حقه والله واسئلني مجرب

اقتصادي
آمن اكثر بكثير من البافندر لانه دفع رباعي
سعره جدا رخيص
مقارنه بالجيوب الاخرى يعني 2007 بالخمسينات زد 10 على الباث وخذ موتر لك وللزمن يكفي انه من شركة تويوتا رخص في قطع الغيار
مريح سفر+مدينة+بر

[Magellan]

اولا : إن كانك سعودي فما تقدر تجمركه بحكم انه امضى اكثر من 5 سنين إلا في حالة اذا واحد من جماعتك كويتي فتقدر تشتريه بإسمه وتاخذ تفويض كامل من دولة الكويت وتقدر تستخدمه بالسعودية ،،،
ثانيا: مشاكل الباثفيندر ممكن تتواصل مع الاخوان في رابطة ملاك الباثفايندر وراح تلقى النتيجة من مميزات وعيوب

[fatkawi]

جزاكم الله الف خير جميعا


طيب اخواني ايهم الافضل 2003 او 2002 اللله يجزاك الف خير

[يزيد 999]

جزاكم الله الف خير جميعا





طيب اخواني ايهم الافضل 2003 او 2002 اللله يجزاك الف خير


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[قمة افرست]

السيارة الي بتاخذها مستعمله طبعا
دور النظيف هذا الاهم ورغبتك اذا انت رغبتك باث فاندر توكل على الله اهم شي القناعه
وهل يلبي احتياجاتك
وسياره مافيها شي حلوه وممتازة والنظيف يحكمه استخدامك لاحقا

[رااعي الفزعات]

سياااره جيده وممتازه جدا من واقع تجربه مدة ٤ سنوات والمووتر ممتاز ولا خرابات ولا شي ،، بس حاول تدور لك نظيف وتسويله صيانه وتشيك عليه باستمراار ..

أما من ناحية اللي يقولك ينقص وكاله فهذي كله خراابيط وسوالف ليس لها من الصحه نصيب لأن بالعقل مافيه سيارة تنقص وكاااله������ ،،
صدقني من واقع تجربه توكل على الله والله يكتب لنا ولك وللأخواان الخيرة في جميع امورنا ...

[fatkawi]

رااعي الفزعات


الي كن معك كم مديله ؟

[sgl2002]

الباث من 2005 وتحت مشاكل ودوخة راس

حساسات-مسامير الثلاجة ( تطيح مع البستم وتكسره ) -نقص زيت -حرارة

نصيحة انحاش منه

[fatkawi]

والله مادري ياخوك ناس تمدح وناس تسب

[يزيد 999]

سياااره جيده وممتازه جدا من واقع تجربه مدة ٤ سنوات والمووتر ممتاز ولا خرابات ولا شي ،، بس حاول تدور لك نظيف وتسويله صيانه وتشيك عليه باستمراار ..

أما من ناحية اللي يقولك ينقص وكاله فهذي كله خراابيط وسوالف ليس لها من الصحه نصيب لأن بالعقل مافيه سيارة تنقص وكاااله😳😳😳 ،،
صدقني من واقع تجربه توكل على الله والله يكتب لنا ولك وللأخواان الخيرة في جميع امورنا ...

لا ياأخوي فيه نقص زيت وأذكر كان فيه موضوع عنه وكان الحوار مع رئيس قسم الصيانة وذكر النقطة هذي مع مسامير الثلاجة

[sgl2002]

والله ياخوك واحد في المنتدى سال نفس سؤالك ونصحناه منه ومع ذلك اخذه

والحين متبهذل معه

يعني موتر حتى لو حافظت عليه يعوكس

[محمد 2002]

اخوي صدقني المواتر توافيق
واذا لقيت واحد مشتري سياره مدموره أكيد بتلقاه يولول ويتشكى منها
انا انصحك اذا لقيت صاحب باث في الشارع اسأله وخذ الكلام منه وتشوف الرد

[رااعي الفزعات]

اللي كان معي يالغالي ٢٠٠٥
ياليت اثبات او رابط للي يقول تنقص وكاله !!!
تقبل مروري والله يسهل امرك ..

[sgl2002]

كل الباث فندر ينقص وخصوصا مع الجور

لكن تختلف من موتر لموتر

والسيارات توافيق صح لكن انا اجزم الباث فندر مايتحمل زي باقي السيارات

اما الشكل الجديد فهو اللي فيه اختفت جميع المشاكل

[يزيد 999]

اللي كان معي يالغالي ٢٠٠٥
ياليت اثبات او رابط للي يقول تنقص وكاله !!!
تقبل مروري والله يسهل امرك ..

إكتب هالعبارة بقوقل وشف المواضيع والردود (هل الباثفندر ينقص زيت)

[هملول السحاب]

كل الباث فندر ينقص وخصوصا مع الجور

لكن تختلف من موتر لموتر

والسيارات توافيق صح لكن انا اجزم الباث فندر مايتحمل زي باقي السيارات

اما الشكل الجديد فهو اللي فيه اختفت جميع المشاكل


السلام عليكم اخواني الجميع كيف حالكم

بالنسبة لنقص الباث فندر من موديل 2003 الى 2005 اتوقع عادي اما من 2002 الى 99 ماينقص الا به شي.

انا عندي باث فندر 99 اول ماشريته كان ينقص وبعدها خبط معي ورحت الكويت وركبت له مكينة 99 ياباني والحمدلله ماشي معي زي الحلاوة مشيته اكثر من 60 الف واني اغير زيته بعد 4000 وزيته اسود زي الاسفلت الله يكرمكم بس ماينقص..

واخي فتكاوي انصحك بموديل 2002 وتحت اذا انت مانت راعي طرد ومسابقات مع انه مايفرق عن 2003 الا شي بسيط..

[fatkawi]

جزاكم الله الف خير

[PATHFINDER 4]

اخوي ابقولك تجربتي من 3 سنوات واستخدم الموتر الى الان
شريته بسعر غالي عن السوق كان ماشي حدود 100 الف موديله 2004تماتيك
واجهتني عيوب كثيرة في البدايةوالحمد لله تلافيناها
فكيت مسامير الثلاجة لخوفي من سقوطها
ركبت رديتر رصتين لارتفاع الحرارة
ازود كل فترة علبة زيت لان شنبر الباث ضعيف ويختلف النقص من موتر لموتر
التماتيك اقل صرفية زيت بكثير من القير العادي
العادي انشط بكثير من التماتيك
القير التماتيك اقل صيانة
القير العادي فيه مشاكل كثيرة تبديل الدسك والكلتش والصحن لازم تنزيل القير ولا فيه احد يضبطه ويوزنه للوكالة
القير العادي اقل حرارة من التماتيك
الطقطقة لها اسباب كثيرة جلد عمود التوازن مساعدات جلب الدفرنس او الشيالات وعددها 8 وجلد مقصات الوكيل مايبيع الجلد يبيع مقص كامل
موديل 2002 مكينته 3300 وموديل 2003 مكينته 3500
70% من العيوب اللي في 2003 غير موجودة في 2002
يعني موديل 2002 مافيه حرارة ولانقص زيت ولا مسامير ثلاجة
ويجي امريكي مواصفاته دلع انصحك فيه (فتحة سقف+مراتب جلد+تدفئة مراتب+6ايرباقات+مثبت سرعة)
وعلى حسب المواصفات وافضلهن LE هو اللي يسمى فل اوبشن

اخيرا سير على هالموضوع من اعدادي يمكن يعطيك نبذه بسيطة عن هالموتر :)

نقاط مهمة لمالك الباثفيندر ((( 2005 )))

http://www.mekshat.com/vb/showthread.php?t=336606

لاتنساني من دعاك ..

[أَبوابراهيم]

جزاكم الله الف خير جميعا


طيب اخواني ايهم الافضل 2003 او 2002 اللله يجزاك الف خير

كل واحد اسوء من الثاني

الى اذا تقول ماعندي مشكلة كل اسبوع ازور الورش في القوايل